ამ კვირის უმთავრესი მოვლენა, ეკონომიკაშიც, პოლიტიკაშიც და ალბათ, ყველა სფეროში არის ამერიკის საპრეზიდენტო არჩევნები, რომელიც ალბათ, ერთ-ერთი ყველაზე რთულად საპროგნოზო იყო თავისი შედეგებით ამერიკის ისტორიაში. ტრამპის და რესპუბლიკური პარტიის გამარჯვება, საკმაოდ შთამბეჭდავი, პირველ რიგში დემოკრატებისგან მომდინარეობს, რომლებმაც ამომრჩეველს ვერაფერი ახალი შესთავაზეს, მეტიც დემოკრატების მმართველობით იმედგაცრუებული ამომრჩევლებისთვის ვერც კამალა ჰარისი აღმოჩნდა პიროვნება, რომელიც განსხვავებულს, სიახლეებს და განვითარებას მოიტანდა, და არა ბაიდენის ადმინისტრაციის პოლიტიკის გაგრძელებას, რაც ამერიკელმა ამომრჩეველმა უბრალოდ არ მიიღო. არ მიიღო და მორჩა.
ტრამპი საუბრობდა, როგორც კანდიდატი, ვინც საუბრობს სიმართლეს, საუბრობს მარტივი ენით, ხოლო ჰარისისგან ვერ მოისმინეს ის მტკიცე ხედვები და გეგმები რაც შეერთებულ შტატებში უსაფრთხოების და ეკონომიკურ პრობლემებს მოაგვარებდა და რაც მთავარია, დაუპირისპირებდა ხედვას ინფლაციასა და ფასების მატების პრობლემას.

#ახალიამბები #BusinessMediaGeorgia