არჩევნებთან დაკავშირებით პრეზიდენტის საკონსტიტუციო სარჩელი საკონსტიტუციო სასამართლოშია. სალომე ზურაბიშვილი მის ხელთ არსებული ამ მექანიზმის გამოყენებით არჩევნების კონსტიტუციურობის შემოწმებას მოითხოვს. საუბარია ორი კონსტიტუციური პრინციპის - ფარულობისა და საყოველთაობის დარღვევაზე. კონსტიტუციონალისტები განმარტავენ, რომ სანამ დავა სასამართლოშია, მანამდე პარლამენტი ვერ შეიკრიბება, რადგან უმაღლეს საკანონმდებლო ორგანოს არ შეუძლია ცნოს იმ დეპუტატების უფლებამოსილება, ვისი არჩევის კანონიერება გასაჩივრებულია სასამართლოში.

ქართული ოცნება კი ამბობს, რომ პარლამენტი არჩევნების ოფიციალური შედეგების გამოქვეყნებიდან მეათე დღეს ანუ 25 ნოემბერს შეიკრიბება. მმართველი პარტიის აღმასრულებელი მდივანი, მამუკა მდინარაძე აცხადებს, რომ მე-11 მოწვევის პარლამენტის შეკრების შეფერხების სამართლებრივი რეგულაცია საქართველოს კონსტიტუციასა და ქართულ კანონებში განსაზღვრული არ არის.

პარლამენტის შეკრებისას საკონსტიტუციო სასამართლოში პრეზიდენტის სარჩელის შეტანიდან დაახლოებით ერთი კვირა იქნება გასული. რა მოლოდინი უნდა გვქონდეს საკონსტიტუციო სასამართლოსგან, ემსახურება თუ არა სარჩელის მექანიზმის გამოყენება დროის მოგების მიზანს და რა პროცესები გველის წინ?

სტუმარი: ვახუშტი მენაბდე - კონსტიტუციონალისტი;

#ახალიამბები #BusinessMediaGeorgia