ვენდისი Beyond Meat-თან თანამშრომლობით საქართველოში პირველად მცენარეული ხორცის ბურგერს შესთავაზებს მომხმარებელს. თავად Beyond Meat მსოფლიოში მცენარეული ხორცის მწარმოებელი ყველაზე მსხვილი კომპანია გახლავთ და ვენდისთან ექსკლუზიური შეთანხმების საფუძველზე, 23 ნოემბრიდან Beyond Meat -ის მცენარეული ხორცით დამზადებული Wendy’s Plant Burger -ი ვენდისის 19-ივე რესტორანში იქნება ხელმისაწვდომი მთელი საქართველოს მასშტაბით. Beyond Meat-თან პარტნიორობა ვენდისს საქართველოში საშუალებას მისცემს დააკმაყოფილოს ადგილობრივი მზარდი მოთხოვნა ვეგეტარიანულ, ვეგანურ პროდუქტებზე და მაგალითად მარხვაზე მყოფ ადამიანებსაც შესთავაზოს მცენარეული პროდუქტების მეტი არჩევანი. Wendy’s Plant Burger-ის ოფიციალური წარდგენა გუშინ პულმანში შედგა და ექსკლუზიურ პარტნიორობასაც ადგილზე მოეწერა ხელი.


#ახალიამბები #BusinessMediaGeorgia