როგორ ხვდება საქართველოს ეკონომიკა 2025 წელს? - სანამ წლევანდელ ეკონომიკურ პერსპექტივებზე სტუმართან ვისაუბრებთ, რამდენიმე მაკროეკონომიკურ მაჩვენებელს შევხედოთ.

გასული წლის 11 თვის შედეგებით საქართველოს ეკონომიკა წლიურად 9.4%-ით გაიზარდა. ბოლო, ნოემბრის მონაცემებით, რეალური მშპ-ის ზრდა 7.5%-მდე შენელდა, წინა თვეში დაფიქსირებული 11%-იანი ზრდის შემდეგ. ამასთან, დეკემბრის მდგომარეობით წლიური ინფლაციის დონე ქვეყანაში 1.9%-ია, რაც სამიზნე 3%-იან მაჩვენებლის ქვემოთაა.

რაც შეეხება საგარეო ვაჭრობას, აქაც პოზიტიური მაჩვენებლებია. 2024 წლის იანვარ-ნოემბერში საქართველოში საქონლით საგარეო სავაჭრო ბრუნვამ 21,1 მლრდ დოლარი შეადგინა, რაც წლიურად 6.6 პროცენტით გაზრდილი მაჩვენებელია. აქედან 7.9 პროცენტით ზრდას აჩვენებს ექსპორტი, ასევე 6.1 პროცენტით არის გაზრდილი იმპორტიც. უარყოფითი სავაჭრო სალდო კი 11 თვეში 9 მილიარდი დოლარია, რაც საგარეო სავაჭრო ბრუნვის 43.1 პროცენტს შეადგენს.

პოლიტიკური კრიზისის გავლენა ტურიზმზე ჯერჯერობით არ ვიცით. ამ დროისთვის გამოქვეყნებულია მხოლოდ სამი კვარტლის შედეგები, რაც ტურიზმიდან შემოსავლებში ზრდას აჩვენებს. 2024 წლის ცხრა თვეში საქართველომ საერთაშორისო ტურიზმიდან 3 მლრდ 460 მილიონი დოლარის შემოსავალი მიიღო, რაც წინა წლის ანალოგიურ პერიოდთან შედარებით 6.4%-ით მეტია.

პირდაპირი უცხოური ინვესტიციების მხოლოდ სამი კვარტლის შედეგებია ცნობილი. საქსტატის მონაცემებით, 2024 სამ კვარტალში FDI-ის მოცულობა 40%-ით 966 მლნ დოლარამდეა შემცირებული.

შემცირებულია ფულადი გზავნილებიც. მხოლოდ ნოემბერში უცხოეთიდან საქართველოში გადმორიცხვები 10%-ით, $267 მილიონამდე შემცირდა, რისი მთავარი მიზეზიც რუსეთის ფედერაციიდან გზავნილების 61%-ით შემცირებაა.

გაცილებით ბუნდოვანია მიმდინარე წლის პროგნოზები, რომელზედაც ეკონომისტების შეფასებით, გავლენა პოლიტიკური კრიზისს აუცილებლად ექნება. სანქციები და დასავლელი პარტნიორებისგან იზოლაცია რომ ეკონომიკას დააზარალებს ამაზე ქართული ბიზნესი და ეკონომისტები დიდი ხანია საუბრობენ. გაზრდილი პოლიტიკური რისკების გამო გავლენიანმა სარეიტინგო სააგენტო Fitch-მა პერსპექტივა ნეგატიურით შეცვალა, თუმცა საკრედიტო რეიტინგ

#ახალიამბები #BusinessMediaGeorgia