შედგა თეთრი სახლის ოვალურ საპრეზიდენტო კაბინეტში დონალდ ტრამპსა და ვოლოდიმირ ზელენსკის შორის, რომელთაც ოფიციალური პირებიც ახლდნენ. დამსწრე პირების გარდა, იდეაში მთელი მსოფლიო რეალურ დროში, ერთგვარ "რეალითი შოუს" უყურებდა პირდაპირ ეთერში და იმავდროულად, აკვირდებოდა სრულიად გულწრფელ პოზიციებს, როგორც ამერიკული, ასე უკრაინის დელეგაციებისა და მათი ხელმძღვანელების მხრიდან. დღეს არის ის მოცემულობა, როცა უკრაინას უწევს სრულიად სხვა ფასეულობების, შეხედულებების სტრატეგიულ პარტნიორთან თანამშრომლობა, რომლისთვისაც პრიორიტეტები არის შეცვლილი და გლობალურ ვითარებაზე სუბიექტური ზრუნვის მიღმა, ამერიკის დღევანდელი ხელისუფლება საკუთარ ინტერესებს და ქვეყნის შიდა თუ კონტინენტური პრობლემების მოგვარებას აპრიორიტეტებს. რეალობა არის ეს. ისევე, როგორც რეალობაა, რომ ტრამპის ადმინისტრაციას გაცილებით ესიმპათიურება ვლადიმირ პუტინის მიდგომები საკითხებისადმი, ვიდრე პრეზიდენტ ზელენსკის პოზიცია. ეს კი დადასტურებულად ჩანს ამერიკის ახალი მთავრობის ხედვაში დიდ სურათში, სადაც ევროპა მათთვის აღარც კონტინენტური პარტნიორია და მითუმეტეს, აღარც ერთგვარი პროტექტორატი კონტინენტური გაერთიანება ძლიერი სამხედრო და ეკონომიკური ალიანსის პირობებში.

#ახალიამბები #BusinessMediaGeorgia