2013 წლის 5 დეკემბერს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი იტალიაში სამუშაო ვიზიტის ფარგლებში ვატიკანის საგარეო საქმეთა მინისტრის მოადგილეს ანტუან კამილერის და კარდინალ პიტერ აპია ტურკსონს შეხვდა.

შეხვედრებზე სახელმწიფო მინისტრმა მადლობა გადაუხადა ვატიკანს საქართველოს ტერიტორიული მთლიანობის მხარდაჭერისა და საქართველოს ოკუპირებული ტერიტორიების არაღიარების პოლიტიკის გატარებისათვის. ალექსი პეტრიაშვილმა კარდინალებს ინფორმაცია მიაწოდა საქართველოს ტერიტორიაზე რუსეთის ფედერაციის მხრიდან საოკუპაციო ხაზების გავლების ფაქტებსა და საქართველოს ევროპულ და ევროატლანტიკურ სტრუქტურებში ინტეგრაციის პროცესის დინამიკაზე.