"ჯუნოს" 26 წლის ვარსკვლავმა, პოპულარულმა კანადელმა მსახიობმა ელენ პეიჯმა საკუთარი ჰომოსექსუალური ორიენტაციის შესახებ განაცხადა. "მე აქ იმიტომ ვარ, რომ გეი ვარ", - აღნიშნა მსახიობმა კონფერენციაზე, რომელიც ლგბტ თემატიკასთან დაკავშირებით იმართებოდა. შეგახსენებთ, რომ მთავარი როლისთვის 2007 წლის ფილმში "ჯუნო" მსახიობი "ოქროს გლობუსსა" და "ოსკარზე" იყო ნომინირებული.

ელენ პეიჯი ცნობილია თავისი როლებით ფილმებში: "ჯუნო" (2007), "დასაწყისი" (2010), "სუპერი" (2010), "ჭკვიანი ხალხი" (2008), "იქს-ადამიანები: უკანასკნელი ბრძოლა" და ა.შ.