გერმანიის პარლამენტმა ხმათა უმრავლესობით ერთნაირსქესიანთა ქორწინებაზე კანონპროექტი დაამტკიცა. დოკუმენტს, სხვებთან ერთად მხარი დაუჭირა ქრისტიან-დემოკრატიული კავშირის და ქრისტიან-სოციალური კავშირის ბლოკმა, რომელიც მანამდე ერთნაირსქესიანთა ქორწინებების სრულ და სრულუფლებიან აღიარებას ეწინააღმდეგებოდა.

თუმცა, სიტუაცია მას შემდეგ შეიცვალა, რაც გერმანიის კანცლერმა 26 ივნისს განაცხადა, რომ მისი ფრაქციის დეპუტატებმა ამ საკითხზე კენჭისყრის დროს საკუთარი სინდისით უნდა იხელმძღვანელონ და არა საერთოპარტიული პოზიციით.

თავად მერკელმა პროექტის წინააღმდეგ მისცა ხმა.

ახლა კანონპროექტი გერმანიის პარლამენტის ზედა პალატამ - ბუნდესრატმა უნდა მოიწონოს.

გერმანიაში, ერთნაირსქესიანთა ქორწინება 2001 წლიდან ნებადართულია. თუმცა ასეთ ქორწინებებში მყოფ ადამიანთა უფლებები ნაწილობრივ შეზღუდულია, მაგალითად, მათ შვილის აყვანის უფლება არ აქვთ.

#გეი
#ერთსქესიანთა
#ქორწინება
#გერმანია
#გეიქპრწინება
#ბუნდესტაგი