„ამის დრამატიზება ნამდვილად არ ღირს, გუშინ ვიხილე ცალკეული სპეკულაციები იმის თაობაზე, რომ ეს იყო მოსალოდნელი და ხელისუფლება ამისთვის არ იყო მზად.ყველაფერი ჩვენს მიერ იყო, რა თქმა უნდა, დათვლილი, გაანგარიშებული. მინდა ერთი რამ ვთქვა-მთავარი შედეგი მიღწეულია, დეესკალაცია არის ჩვენს რეგიონში, საუბარი მიდის ნორმალურ რეჟიმში მსოფლიო სავაჭრო ორგანიზაციის ფარგლებში სავაჭრო ურთიერთობების გაგრძელებაზე."განაცხადა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა რუსეთის ფედერაციის ხელისუფლების მიერ საქართველოსთან თავისუფალი ვაჭრობის შეთანხმების შეჩერების შესახებ გადაწყვეტილების კომენტირებისას.