ქართულ ფინანსურ სექტორში, ორმა ბანკმა პირველად, ლარში დენომინირებული 20 მილიონი ლარის ობლიგაცია გამოუშვა.
მხარეების განცხადებით, მიღებული შემოსავალი მიკრო და მცირე ბიზნესის დაფინანსებას მოხმარდება. ობლიგაციებს წლიურად ფიქსირებული 10,1% სარგებელი დაერიცხება, რომლის გადახდაც ნახევარ წელიწადში ერთხელ მოხდება.
როგორც ბანკებში აცხადებენ, ლარში ობლიგაციების გამოშვების პირველი პრეცედენტი მნიშვნელოვან წვლილს შეიტანს ქვეყანაში ფასიანი ქაღალდების ბაზრის განვითარების კუთხით.