იბიარდის ყოველწლიურ შეხვედრასა და ბიზნეს ფორუმში, 60-ზე მეტი ქვეყნის სამთავრობო დელეგაცია და 1500-მდე ბიზნესმენი მიიღებს მონაწილეობას. ისინი ქართველ კოლეგებთან, ხვალიდან ორმხრივ და მრავალმხრივ შეხვედრებს გამართავენ. იბიარდის პრეზიდენტთან შეხვედრამდე, აღნიშნული ღონისძიების მნიშვნელობაზე ისაუბრა საქართველოს ეროვნული ბანკის პრეზიდენტმა. გიორგი ქადაგიძის განცხადებით, საქართველომ ეს შანსი უნდა გამოიყენოს, რათა ქვეყნის საინვესტიციო პოტენციალი დადებითი კუთხით იყოს წარმოდგენილი.