სოციალურინიკოლოზ ხითაროვი 4 წელია რუსთავის ადგილობრივი ხელისუფლებისგან თავშესაფრით უზრუნველყოფას - უშედეგოდ ითხოვს.
«გახლავართ შშმ პირი, უსახლკარო მოქალაქე. ვცხოვრობ ქირით, რომელსაც ხმარდება ჩემი პენსიაც. ვსარგებლობ უფასო სასადილოებით - ვცხოვრობ უკიდურეს გაჭირვებაში. ხილის ნატრული ვარ თვეების განმავლობაში, ასევე წამლების ნაწილის შეძენა მიწევს - რისი შესაძლებლობაც მე არ მაქვს. არადა ჩემთვის ყველა წამალს დიდი მნიშვნელობა აქვს. მიწევს იმ წამლების შეწყვეტა, რომელიც ჩემი თანხებით არის შესაძენი, შესაბამისად შფოთიანად ვარ და ვერ ვიძინებ ღამით.
ახალ წელს თვითონ ერთი კამფეტიც ვერ ვიყიდე. რუსთავის საკრებულოს დეპუტატი ელზა ლეკვეიშვილი და მისი მეუღლე დამეხმარნენ. მათი წყალობით მქონდა სიტკბო საახალწლო სუფრაზე. გადასახადების გადახდაში კი მამა დიმიტრი მეხმარება.
მიუხედავად ამ მდგომარეობისა სოციალურმა აგენტმა შემოწმებისას ქულები მომიმატა და ჩემ დახმარებას კიდევ 10 ლარი გამოაკლდა..
ასეთ პირობებში ჩემთვის რთულია ქირის გადახდა. თავშესაფრის თხოვნით 4 წელია მივმართავ რუსთავის მთავრობას, ასევე პრემიერ-მინისტრს, პრეზიდენტს - მაგრამ არაფერი იცვლება.
არადა კანონში წერია, რომ თვითმმართველობა ვალდებულია მოქალაქე თავშესაფრით უზრუნველყოს. მე, როდესაც რუსთავის 2016 წლის ბიუჯეტი იგეგმებოდა, მივედი მათთან, ვთხოვე არ დაგავიწყდეთ უსახლკაროები-მეთქი, მაგრამ ბიუჯეტში ამ კუთხით არაფერი გაუთვალისწინებიათ. ეს მაშინ, როდესაც მერიის რემონტი დაიწყეს, ალბათ, ის ფული რაც მერიის შენობაზე იხარჯება ყველა რუსთაველ უსახლკაროს დააბინავებდა» - საუბობს ხითაროვი. ამბობს, რომ დახმარებისთვის საია-ს რუსთავის ოფისს მიმართ და შესაძლოა მუნიციპალიტეტს სასამართლოში უჩივლოს.
რუსთავის 2016 წლის ბიუჯეტში უსახლკაროთა თავშესაფრით უზრუნველყოფისთვის თანხები გათვალისწინებული არაა, თუმცა მუნიციპალიტეტში აცხადებენ, რომ სოციალური საცხოვრისის შექმნაზე იწყებენ მუშაობას.
რუსთავის მუნიციპალიტეტის მერიის ჯანმრთელობის დაცვისა და სოციალური მომსახურების სამსახურის უფროსი დავით ჩაჩხიანი აცხადებს, რომ ნიკოლოზ ხითაროვს საცხოვრისით ვერ დაეხმარნენ, რადგან მუნიციპალიტეტს არ აქვს - სოციალური საცხოვრისი.
,,რაც შეეხება ქირას, ჯერ არ ყოფილა ასეთი პრეცედენტი, რომ მუნიციპალიტეტს გადაეხადა უსახლკარო ადამიანის ქირა. ბიუჯეტში არ არის პროგრამა, რომელიც მსგავსს ითვალისწინებს.
რაც შეეხება თავშესაფრის შექმნას, ჩვენ უკვე გვაქვს აღნიშნულისთვის შენობა შერჩეული მე-11 მიკრო რაიონში.
მოხდა ეკონომიკის სამინისტროდან მისი რუსთავის ბალანსზე გადმოყვანა. ჩვენ ასევე ვიყავით ლილოს თავშესაფარში, ვნახეთ როგორაა მოწყობილი და მსგავსი მოდელის შექმნას ვგეგმავთ რუსთავშიც. დაახლოებით ზაფხულში იგეგმება ტენდერის გამოცხადება და სამუშაოების დაწყება. ასევე პარალელურად შეიქმნება კომისია, რომელიც შეადგენს კრიტერიუმებს » - საუბრობს დავით ჩაჩხიანი.
ამბობს, რომ ჩვენი რესპოდენტი ნიკოლოზ ხითაროვი მერიის რამდენიმე სოციალური პროგრამით სარგებლობს და მუნიციპალიტეტს ამ ეტაპზე არ აქვს შესაძლებლობა მისი ძირითადი მოთხოვნა, თავშესაფრით უზრუნველყოფა,