თბილისის საკრებულოში ნაციონალური მოძრაობის სიით ადგილს ახალი წევრი დაიკავებს, რომლის მიმართაც სისხლის სამართლის საქმეა აღძრული და სასამართლოში არსებითი განხილვა მიმდინარეობს. თბილისის განვითარების ფონდის ხელმძღვანელის, დავით ავალიანის საკრებულოში მოხვედრა ნაციონალებს პარტიული სიიდან 6 წევრის ამოღების ფასად დაუჯდათ. „ნაციონალური მოძრაობის“ 2014 წლის ადგილობრივი თვითმართველობისთვის შედგენილი პარტიული სიის მიხედვით, ირაკლი აბესაძის ადგილი საკრებულოში ქეთი ქოჩორაშვილს უნდა დაეკავებინა. თუმცა, ცესკო-ს მიერ პარტიის მოთხოვნის დაკმაყოფილებისა და 6 პირის პარტიული სიიდან ამოღების შედაგად, ქოჩორაშვილის ადგილს საკრებულოში დავით ავალიანი დაიკავებს. მიშა ფეიქრიშვილი არკვევდა რა პოლიტიკური კონტექსტი აქვს მსგავს გადაადგილებებს.