პირველი, უნდა ვაღიაროთ, რომ რუსულმა სპეც სამსახურებმა საქართველოში წლების მანძილზე ეფექტურად იმუშავა, მე დიდი ხანია ვამბობ, რომ ყველა სფეროში მათ ჰყავთ დასაყრდენი, ეს იქნება, ბიზნესი, მედია თუ თეატრი. ჰიბრიდული ომის და აგრესიული რუსული პროპაგანდის კვალდაკვალ მივედით იმ რეალობამდე, რომ გვყავს ბევრი კოლაბორაციონისტი, თუმცა ეს ინიღბება იმით, რომ დემოკრატია გვაქვს და საჭიროა პოლიტიკური პლურალიზმი, კარგი, ვთქვათ პლურალიზმია, მაგრამ პლურალიზმი არ უნდა იქცეს ანტისახელმწიფოებრივ დინებად.
წლების მანძილზე საჯაროდ ვამბობ, რომ 22 % ოკუპირებულ ქვეყანას, სადაც მიმდინარეობს ანექსიაც უნდა ჰქონდეს დეოკუპაციის ეროვნული სამოქმედო გეგმა, რომელიც უნდა შედგეს ფართო პოლიტიკური და საზოგადოებრივი თანხმობის გზით.
რაც შეეხება ,,პატრიოტთა ალიანსის’’ ვიზიტს, მე მას არ ვანიჭებ დიდ მნიშვნელობას, ერთს გეტყვით მხოლოდ, რომ სახელმწიფო ინტერესებიდან გამომდინარე ოკუპანტთან, ნებისმიერი დისკუსია უნდა აწარმოოს მხოლოდ და მხოლოდ საქართველოს მთავრობამ და ისიც იმ შემთხვევაში, როცა გვაქვს ფართო საზოგადოებრივი და პოლიტიკური კონსესუსი.
მე დარწმუნებული ვარ, რომ თავად იმ ადამიანებმაც კარგად იციან, რომ ამ ვიზიტს არ მოჰყვება პოზიტიური რეზულტატი და ეს იყო პრორუსული ელექტორატის აკუმულირების მცდელობა, რადგან კონკურენციაა ამ ფრონტზეც. კოლეგებისგან განსხვავებით, მე არ მიყვარს სიტყვა ,,მოღალატე’’ ,,გამყიდველი’’ , მე მგონია რომ სამშობლო ყველას უყვარს, მაგრამ აუტსაიდერის როლში გვევლინებიან ხოლმე არასწორი მანევრებით.
რუსეთს აქვს მკაცრად განსაზღვრული პოლიტიკა კავკასიასთან მიმართებით, ის პატივს არ სცემს არც ერთი ქვეყნის სუვერენიტეტს და ტერიტორიულ მთლიანობას, შესაბამისად ის პოლიტიკას პრაქტიკულად არ შეცვლის მთელი პარლამენტი და პოლიტიკური სპექტრიც რომ ჩავიდეს დუმაში.
გაუგებარია ფორმატი ,,საქართველო - ნატო - რუსეთი’’- ახლა მე ვსვამ შეკითხვას: რატომ ? გუბერნია ვართ ? ჩვენ სუვერენული სახელმწიფო ვართ ! რუსეთი მხარეა ?!
დეოკუპაციის გასაღები არის ძლიერ საქართველოში, ეკონომიკაში, დიდ ფულში, ნუ ვეძებთ სხვაგან.
#ირაკლიღლონტი #პოლიტიკა