ქალაქ რუსთავის განაპირას, მეტალურგიული ქარხნის მიმდებარე ტერიტორიაზე, უკვე მეათე დღეა ქართველი არქეოლოგები გერმანელ სპეციალისტთან ერთად საველე სამუშაოებს ატარებენ. 250 კადრატულ მეტრ ტერიტორიაზე ისინი მეორე მსოფლიო ომის შემდეგ ტყვედ ჩავარდნილი გერმანელი ჯარისკაცების საფლავებს ეძებენ. ნახეთ იმ ადამიანების ისტორია, რომლებმაც გაუსაძლისი შრომის ფასად და, ხშირ შემთხვევაში, სიცოცხლის სანაცვლოდ, დღევანდელი რუსთავის აღმშენებლობას საფუძველი ჩაუყარეს. რა ბედი ელით ცხედრებს, რომლებიც ოდესღაც კი არ დამარხეს, უბრალოდ დაფლეს და მათ არსებობას მიწის თხელ ფენასთან ერთად დავიწყების ფარდა გადააფარეს.

გიორგი გვიშიანი, გიორგი დულარიძე, ვახტანგ გახოკიძე