სალომე ზურაბიშვილი მთავარ ღირსებად რუსული ბაზების საქართველოდან გაყვანას ასახელებს. მისი ყოფილი თანაგუნდელები იხსენებენ, როგორ მოიქცა სალომე ზურაბიშვილი, როდესაც რუსეთმა პროცესის გაჯანჯლება დაიწყო და პარლამენტმა გადაწყვიტა, მიეღო დადგენილება, რომლის თანახმადაც რუსული ბაზები საქართველოში არალეგიტიმურად გამოცხადდა. ზურაბიშვილის ყოფილი კოლეგები "ევროპული საქართველოდან" იხსენებენ, რომ ის ასეთი დადგენილების მიღებას ეწინააღმდეგებოდა. უფრო მეტიც, როდესაც ზურაბიშვილი სერგეი ლავროვთან მოლაპარაკებაზე წავიდა, აღმოჩნდა, რომ საქართველოს საგარეო მინისტრი მას რუსული ბაზების ნაცვლად საქართველოში რუსულ-ქართული ანტიტერორისტული ცენტრების გახსნას დაჰპირდა. რაც იმას ნიშნავდა, რომ ბაზები რუსულ-ქართული ცენტრებით ჩანაცვლდებოდა და რუსი სამხედროები მაინც იქნებოდნენ დაბანაკებული ჩვენს ტერიტორიაზე.

თეა ადეიშვილი, არკადი ჯორბენაძე, ეკა ბუცხრიკიძე