მოქალაქე ბაკურიანის გამგებელს სახლის წართმევაში ადანაშაულებს. ენმ-ს ერთ-ერთი ლიდერი ლევან ხაბეიშვილი ბაკურიანში იმყოფება და სწორედ დაზარალებულ მოსახლეობას ხვდება. ქალბატონის თქმით, 28 წელია აღნიშნული მისამართზე ცხოვრობს, თუმცა ბაკურიანის გამგებელი ქონების გადაცემას მისი მამიდაშვილისთვის ცდილობს. მოქალაქე ამბობს, რომ პრობლემები გობრომიძის თანამდებობაზე დანიშვნისთანავე დაიწყო. "ეს ხალხი 28 წელია ცხოვრობს ამ სახლში, კომიუნალურებიც მათ სახელზე მოდის, ეს სახლი მის მფლობელობაში, მეზობლებიც ადასტურებენ, მაგრამ ბაკურიანის გამგებელი გომბორიძე, რომელსაც ფრთლიანი ანგელოზის შეთაბეჭირლება უნდოდა დაეტოვებინა, სურს რომ ეს სახლი მის მამიდაშვილიზე გადაფორმოს"- აცხადებს ხაბეიშვილი.
მისი თქმით, დაზარალებულ მოსახლეობას ენმ იურიდიულ დახმარებას გაუწევს. ადგილზე ჩასულ ენმ-ის წევრებს, მეზობლებმაც დაუდასტურეს, რომ გრიგალაშვილების ოჯახი აღნიშნულ მისამართზე 20 წელიწადზე მეტია ცხოვრობს.
ნაციონალური მოძრაობის წევრები, საგამოძიებო უწყებას საქმით დაინტერესებისკენ მოუწოდებენ.
გრიგალაშვილები აღნიშნავენ, რომ დავა სასამართლოში მიმდინარეობს. ოჯახმა კი 28 წლის წინ შეძენილი ქონების ნასყიდობის ხელშეკრულებაც წარადგინა სასამართლოში.
როგორც ირკვევა, გობრონიძის მამიდაშვილი წლების წინ მიწების მითვისების ბრალდებით დაკავებულიც კი იყო.