"ოჯახი და ძალადობა" ის მთავარი თემებია, რომლის გარშემოც აიგო კოლექციის კონცეფცია. წარსულის გააზრების გარდა, SS19-ს სხვა მიზანიც აქვს: მისი მეშვეობით მსოფლიო საქართველოს უახლოეს ისტორიას გაეცნობა. სულ მალე მოდის მოყვარულებისთვის და არა მხოლოდ მათთვის, ხელმისაწვდომი იქნება Vetements-ის აპლიკაცია, რომლითაც დაინტერესებული პირები ტანსაცმელზე დატანილი QR კოდის დასკანირებას შეძლებენ. დასკანირების შემდეგ კი გაიხსნება ვიკიპედიის გვერდი, რომელიც 90-იანი წლების სისხლიან მოვლენებზე მოგვითხრობს. "40-მდე მოდელი საქართველოში შევარჩიე", - განაცხადა დიზაინერმა Dazeddigital-თან საუბარში, - " მინდოდა მათ ახალგაზრდების სახელით ელაპარაკათ. საქართველოში რეალური თავისუფლება არაა. პოლიტიკური რეჟიმის გამო, ადამიანები სათქმელს ვერ გამოხატავენ. მე ეს ყველაფერი გამოვიარე და მტკივნეულად მახსენდება, ასე რომ, ეს აუცილებლად უნდა მეჩვენებინა სამყაროსთვის".



სხვათა შორის 2016 წლის მიწურულს გამოცემამ Business of Fashion დემნა გვასალია წლის პერსონად აღიარა. დემნა გვასალია უკვე დიდი ხანია მოდის სამყაროშია და ძალიან ცნობილი დიზაინერია. ქართველი დიზაინერი ანტვერპენის ხელოვნების სამეფო აკადემიის კურსდამთავრებულია.იგი 2009 წლიდან მუშაობდა Maison Margiela–ში, სადაც ქალის კოლექციებს ქმნიდა. 2013 წელს გვასალია ფრანგული მოდის სახლ „ლუი ვიტონში“ გადავიდა. არის Vetements-ის ბრენდის ერთ-ერთი დამფუძნებელი. მიუხედავად „ბალენსიაგასთან“ თანამშრომლობისა, ქართველი დიზაინერი ბრენდ Vetements–ის მიტოვებას არ აპირებს. სწორედ ამ ბრენდით ლეიბლით წარდგა გვასალია პარიზის მოდის კვირეულზე აი ამ კოლექციით.