მოსკოვის "ვნუკოვოს" აეროპორტმა თანამშრომლები “შვებულებაში” გაუშვა. როგორც რუსული სახელმწიფო სააგენტო “ინტერფაქსი” წერს, მიზეზი საავიაციო ინდუსტრიაში შექმნილი “რთული სიტუაციაა”, რის გამოც აეროპორტს ხარჯების ოპტიმიზაცია უწევს. “აეროპორტი იძულებულია ხარჯები შეაციროს. ახალი თანამშრომლების აყვანის პროცესი შემცირებული დატვირთვის გამო შეჩერდა, ხოლო პერსონალს ნახევარ განაკვეთზე მუშაობა შესთავაზეს”, - უთხრეს სააგენტოს აეროპორტის პრესცენტრში. შვებულების პერიოდში თანამშრომლები ხელფასის 2/3-ს მიიღებენ; მათ ასევე შეუნარჩუნდებათ სამუშაო ადგილი და ჯანდაცვის სერვისები. პარალელურად, 2030 წლისთვის რუსეთის უცხოური ფლოტი 4,5-ჯერ შემცირდება. როგორია ბოლო კვირის საავიაციო სიახლეები საქართველოსა და მსოფლიოში?

#ახალიამბები #BusinessMediaGeorgia