სვანეთში, სოფელ ბეჩოში, კვიციანების ოჯახმა მარწყვის მოყვანა 2019 წელს გადაწყვიტა. ევროკავშირის, ავსტრიისა და შვედეთის პროექტ “GRETA”-ს დახმარებით 150 კვადრატულ მეტრ ფართობზე ოჯახმა სათბური მოაწყო.

პირველი მოსავალი, რომელიც კვიციანებმა გასულ წელს აიღეს სრულად გაიყიდა. როგორც “კესანეს მარწყვის” დამფუძლებელი აკაკი კვიციანი ამბობს, დღეს სვანეთში ადგილობრივად მოყვანილ მარწყვზე მოთხოვნა ძალიან დიდია.

ევროკავშირის, ავსტრიისა და შვედეთის დახმარებით, გარდა სათბურის მოწყობისა და მისი სრულად აღჭურვისა მცირე მეწარმემ სატრენინგო კურსიც გაიარა, სადაც სვანეთის რეგიონისთვის ჯერ კიდევ უცხო კულტურის მოყვანის სფეციფიკა ისწავლა.

პროექტი “#GRETA”, ქვეყანაში ბიზნეს-გარემოს გაუმჯობესების ხელშეწყობას ისახავს მიზნად, რითაც დამატებითი შემოსავლის შექმნის შესაძლებლობას საქართველოს ეკონომიკის ორ ისეთ სექტორში ზრდის, როგორიცაა  სამთო ტურიზმი და ორგანული სოფლის მეურნეობა.


#ახალიამბები #BusinessMediaGeorgia