ეკონომიკის სამინისტრომ ტურიზმის 2024 წლის საპროგნოზო მაჩვენებლები წარადგინა. მთავრობის გათვლებით, წელს მგზავრთნაკადი 6,8 მილიონამდე გაიზრდება 4,5 მილიარდ დოლარს მიაღწევს შემოსავლები ტურიზმიდან, ხოლო საერთაშორისო მოგზაურების ვიზიტები 7,9 მილიონამდე გაიზრდება. ეს არის ის მაჩვენებლები, რომელზე გასვლასაც მთავრობა წელს გეგმავს.

ამასთან, თუ გასულ და მიმდინარე წელს სასტუმრო ბიზნესში საშუალოდ 220 მილიონი ლარის ინვესტიცია განხორციელდა, 2024/2027 წლებში მთავრობის გათვლებით, ეს ციფრი 1 მილიარდამდე გაიზრდება. ამავე პერიოდში ახალი სამუშაო ადგილების რაოდენობა 9300-ს მიაღწევს. ქვეყანაში 320-მდე განთავსების ახალი ობიექტი შეიქმნება, ხოლო საწოლი ადგილების ოდენობა მომდევნო 3 წლის განმავლობაში 37 000-ს გადააჭარბებს. ეკონომიკის მინისტრის მოადგილემ გასული წლის ავიაციისა და ტურიზმის შემაჯამებელი ანგარიშის პრეზენტაციაზე თქვა,

რომ მომდევნო წლებში განთავსების ობიექტების ხელშეწყობას სააგენტო „აწარმოე საქართველოში“ 30 მილიონი ლარით უზრუნველყოფს. რამდენად რეალურია სამიზნე მაჩვენებლების მიღწევა და უნდა ველოდოთ თუ არა სასტუმრო ბიზნესში ახალ ინვესტიციებს?

სტუმარი: გიორგი დოლიძე - სასტუმრო ბიზნეს კონსულტანტი;

#ახალიამბები #BusinessMediaGeorgia