„შიდა ბაზარზე გაასმაგებულია ვირის რძის მოხმარება, მოთხოვნას ვერ ვაკმაყოფილებთ“, - ამის შესახებ სახედრების ფერმის „სახე-დარი“ დამფუძნებელმა, თემურ ლომიძემ BM.GE-სთან ისაუბრა. მისი თქმით, წინასწარი ჯავშნები რძეზე აგვისტოს ჩათვლით აქვთ, თუმცა ამ დროისათვის რძე აღარ აქვს და მოთხოვნას ვერ აკმაყოფილებენ.

ფერმის დამფუძნებელი ასევე აცხადებს, რომ მიწის ნაკვეთი, რომელზედაც ფერმა აქვს, გარდაბნის მუნიციპალიტეტში, სოფელ სააკაძეში მდებარეობს და ნებისმიერ დროს შეიძლება გაიყიდოს. მისი განმარტებით, იმის გამო, რომ მიწას გაყიდვის საფრთხე ემუქრება, ფერმა ვერ ვითარდება და გაასმაგებული მოთხოვნის მიუხედავად, ვირის რძის წარმადობაც ვერ იზრდება.

სტუმარი: თემურ ლომიძე - „სახე-დარის“ დამფუძნებელი;

#ახალიამბები #BusinessMediaGeorgia