ბოლო მონაცემებით, საქართველოში რეგისტრირებული ავტომობილების რაოდენობამ 1 870 657 ერთეული შეადგინა. ამის შესახებ მომსახურების სააგენტოს ოფიციალურ სტატისტიკაშია აღნიშნული. ამავე მონაცემების მიხედვით, საქართველოში გაცემული მართვის მოწმობა ჯამში უკვე 1 656 259 მოქალაქეს აქვს. ამასთან, ავტომობილების 41.2% ბენზინზე მუშაობს, 19.8% დიზელზე, 9.7% ბენზინსა და აირზე ერთდროულად, 8.7% ჰიბრიდია.

საქსტატის მონაცემებს, რომ ჩავხედოთ რეგისტრირებული ავტომობილების აბსოლუტური უმრავლესობა 10 წელზე მეტისაა, ასეთი კი მილიონ 450 ათასზე მეტი ერთეულია. 5-დან 10 წლამდე ავტომობილების რაოდენობა 212 ათასია, 2-დან 5-წლამდე თითქმის 50 ათასი.

მოძველებული ავტოპარკი სხვადასხვა მიმართულებით ქმნის პრობლემებს, უსაფრთხოება, გარემოს დაცვა, რომელსაც სახელმწიფო სხვადასხვა რეგულაციებით ებრძვის, რამდენად შედეგიანად, ეს განხილვის საგანი. გამონაბოლქვი და მისით ჰაერის დაბინძურება ჯერჯერობით გადაუჭრელი პრობლემაა. მიღმა ავტომობილებისა, მნიშვნელოვანი გამოწვევებია საგზაო ინფრასტრუქტურის მიმართულებით.

სტუმარი: გელა კვაშილავა - ექსპერტი საგზაო უსაფრთხოების საკითხებში;

#ახალიამბები #BusinessMediaGeorgia