ის, რაზეც ბოლო თვეებია კერძო სექტორი საუბრობს, უკვე ჩანს რიცხვებშიც. Galt & Taggart-ის შეფასებით, 2024 წლის დეკემბერში ტურიზმიდან მიღებული შემოსავლები წლიურად 10.1%-ით 220 მლნ დოლარამდე შემცირდა. თვიური შემცირების მიუხედავად, ორგანიზაცია წლიურ ჭრილში ტურიზმიდან მიღებული შემოსავლების 5.5%-იან ზრდას ელის და ამბობს, რომ 4.4 მლრდ დოლარს გაუტოლდება. იმაზე, რომ ქვეყანაში შექმნილი არასტაბილურობის ფონზე, გასული წლის ბოლო ტურიზმის სექტორისთვის საკმაოდ რთული იყო, კიდევ ერთხელ საუბრობენ დარგის წარმომადგენლებიც.

ტურიზმის ბიზნესის ნაწილი ამბობს, რომ დეკემბერში დაფიქსირებული ჯავშნების გაუქმების შემდეგ, მიმდინარე წელიც ბუნდოვნად დაიწყო და გაზაფხულის და ზაფხულის ტურისტული სეზონისთვის წინასწარი ჯავშნები მოსალოდნელზე დაბალია.

როგორ აისახება ქვეყანაში შექმნილი პოლიტიკური კრიზისი ეკონომიკის ერთ-ერთ მთავარ მასტიმულირებელ სექტორზე და ამ მოცემულობაში ტურიზმის ზრდის რა პერსპექტივები არსებობს 2025 წლისთვის?

სტუმარი: ვანო ვაშაყმაძე - ტურიზმის ექსპერტი;


#ახალიამბები #BusinessMediaGeorgia