სულ რამდენიმე დღის წინ მესტიაში ზაფხულის ტურისტული სეზონი ოფიციალურად გაიხსნა. ვიზიტორების მისაღებად მზადაა ასევე ჰაწვალისა და ზურულდის საბაგიროები, რომლებიც დამსვენებლებს უკვე ყოველდღე, 11-დან 17 საათამდე იღებს. BMG დაინტერესდა, თუ როგორ ხვდება სეზონის დაწყებას მესტიის სტუმარ მასპინძლობის სექტორი, რა მოლოდინები აქვთ და ასევე, რა პრობლემების წინაშე დგანან? #ახალიამბები #BusinessMediaGeorgia
“მეტავერსის” მიმართ ანუ ონლაინ სამყაროს მიმართ, სადაც ადამიანებს ვირტუალურ გარემოში შეუძლიათ თამაში, მუშაობა, კომუნიკაცია და არამარტო - ინტერესი მუდმივად მზარდია. ამას ადასტურებს ისიც, რომ ყოველწლიურად სულ უფრო მეტი კომპანია ახდენს მეტავერსში ინვესტირებას. რომელი ინდუსტრიები ლიდერობენ მეტავერსში ინვესტირების მიმართულებით და რატომ არის ეს ბიზნესისთვის კარგი გადაწყვეტილებას? #ახალიამბები #BusinessMediaGeorgia
საქართველოს პარლამენტმა ელექტრონული კომერციის შესახებ კანონი მიმდინარე კვირაში მესამე მოსმენით მიიღო, თუმცა ქვეყანაში ელექტრონული კომერციის წილი საშუალო ევროპულ მაჩვენებელს ბევრად ჩამორჩება. კონკრეტული ფაქტორების გამო ელექტრონული პლატფორმების გამოყენება კერძო სექტორს უჭირს, შესაბამისად, მომხმარებლების მხრიდანაც მათ მიმართ ნდობა ისევ დაბალია. რატომ ვერ ვითარდება წლიდან წლამდე საქართველოში ელექტრონული კომერცია და რა როლი ექნება ამ მიმართულებით ახალ კანონს? usaid-ის ეკონომიკური მმართველობის პროგრამის მხარდაჭერით iset-ის კვლევითმა ცენტრმა რეფორმის მიმდინარეობა შეაფასა. #ახალიამბები #BusinessMediaGeorgia
#ბიზნესსიახლეები bm.ge-სგან / 14.06.2023 "ტერმინალმა გასცა რუსული ქვითარი" - „მაკშაურმას“ განმარტება რუსულენოვან ქვითართან დაკავშირებით; ჩვენს მოსახლეობა არ შეუძლია, რომ ყველამ 2013 წლის ზემოთ ავტომობილი შეიძინოს - ასოციაცია; რუსთავში მდებარე სოკოს საწარმო “თეთრი ქუდის” გადატანის საკითხი აღარ განიხილება - მერი; "ი-სპეისი" წელს ელექტრომობილების კიდევ 20 დამტენს დაამონტაჟებს; რომელ მიმართულებებს ირჩევენ ქართველები ზაფხულის სეზონზე? - Turebi.ge-ს სტატისტიკა; #ახალიამბები #BusinessMediaGeorgia
საქართველოს ბანკის, გაეროს განვითარების პროგრამისა (UNDP) და შვედეთის მთავრობის მხარდაჭერით, “მეწარმე ქალთა განვითარების პროგრამა” წარმატებით გრძელდება. პროგრამის“ პირველი ნაკადის მიღება 2022 წლის მაისიდან დაიწყო და დღეის მონაცემებით უკვე 100 მეწარმე ქალს აერთიანებს. პროგრამაზე მიღება წელიწადში საშუალოდ სამჯერ ცხადდება და თითო ნაკადზე მოხვედრა 25 მეწარმეს შეუძლია. პროგრამა ჯამში 200 მეწარმე ქალისთვის მხარდაჭერის 360°-იან მოდელსა და ახლად შექმნილი საწარმოს სრული ციკლის ხელშეწყობას ითვალისწინებს. #ახალიამბები #BusinessMediaGeorgia
ჯანდაცვის სამინისტროსა და კერძო სექტორს შორის შეუთანხმებლობის საგანია კიდევ ერთი კანონპროექტი. ადამიანის რეპროდუქციისა და ემბრიოლოგიის ასოციაცია ჯანდაცვის მინისტრსა და პრემიერს მიმართავს. ასოციაციის წევრები აცხადებენ, რომ რეპროდუქციული, მათ შორის, ინ ვიტრო განაყოფიერების, დონაციის, სუროგაციის სერვისების უცხო ქვეყნების მოქალაქეებისთვის აკრძალვა დარგს და ეკონომიკას დააზარალებს. კლინიკების წარმომადგენლებისთვის გაუგებარია, რას არეგულირებს მთავრობა ცვლილებით, როდესაც, მათი თქმით, ქვეყნიდან ბავშვების გაყვანის პროცესი სამართლებრივად მკაცრად დარეგულირებულია. #ახალიამბები #BusinessMediaGeorgia
რატომ არის მიუღებელი კლინიკებისთვის რეგულირების სააგენტოს მანდატის გაზრდა, კანონპროექტის დამტკიცების შემთხვევაში რა გამოწვევების წინაშე დადგებიან კლინიკები და რამდენად ემსახურება ჯანდაცვის სამინისტროს შემოთავაზებული ცვლილებები პაციენტის ინტერესებს და სამედიცინო მომსახურების ხარისხის დაცვის მოტივს? სტუმარი: არჩილ ჩუხრუკიძე - თბილისის გულის ცენტრის გენერალური დირექტორი; #ახალიამბები #BusinessMediaGeorgia
ბოლო კვირების განმავლობაში გავრცელებული ინფორმაციის შემდეგ, Coca-Cola და საფეხბურთო კლუბი Napoli ფეხბურთელი ხვიჩა კვარაცხელიას გამოსახულებით Coca-Cola-ს ბოთლების წარმოებაზე შეთანხმდნენ. აღსანიშნავია, რომ ლიმიტირებული გამოშვების, ბოთლები მხოლოდ საქართველოშია ხელმისაწვდომი მომდევნო რამდენიმე თვის მანძილზე და უეფას 21-წლამდელთა ევროპის ჩემპიონატის მხარდაჭერის პროექტის ნაწილს წარმოადგენს, რომელიც წელს საქართველოსა და რუმინეთში გაიმართება. ეს არის კლუბ Napoli-ის და კომპანია Coca-Cola-ს პარტნიორობის რიგით მეორე დადასტურება, რომელიც გასული წლიდან კლუბის გლობალური პარტნიორია. #ახალიამბები #BusinessMediaGeorgia
თბილისის მერია ლილოს ნაგავსაყრელის პოლიგონის გაფართოებისთვის ემზადება. მიზეზი პოლიგონის არსებული რესურსის ამოწურვაა. თბილისის მერის მოადგილე ამბობს, რომ პრობლემების სათავე თავის დროზე პოლიგონის არასწორი დაპროექტება გახდა. როგორ აპირებს თბილისის მერია არსებული ნაგავსაყრელის გაფართოებას და რა ეტაპზეა ადგილობრივი მუნიციპალიტეტის მხრიდან დაანონსებული და მიმდინარე პროექტები? #ახალიამბები #BusinessMediaGeorgia
#ბიზნესსიახლეები bm.ge-სგან / 13.06.2023 „ფასები 30%-ით გაზრდილია“ - როგორ ხვდება აბასთუმანი ტურისტულ სეზონს? ფასები გავზარდეთ, მიზეზი ინფლაციაა - საცურაო აუზი “ნეპტუნი”; „თეგეტა აკადემიამ“ მძიმე ტექნიკის ოპერატორებისთვის სასწავლო პროგრამის სიმულატორი წარადგინა; ქართული ბიოდეგრადირებადი საწრუპების ექსპორტი კვიპროსსა და ესპანეთში იგეგმება; #ახალიამბები #BusinessMediaGeorgia
ეროვნული ბანკი საბანკო სექტორს ახალ მოთხოვნებს უწესებს. საკონსულტაციოდ უკვე გამოქვეყნდა ინტერესთა კონფლიქტის მართვის დებულებაში ცვლილებების პროექტი, რომლის მიხედვითაც ფართოვდება ბანკთან დაკავშირებულ პირთა წრე და იზრდება სპეციალურ რეესტრში მათი დატოვების ვადა. ცვლილებები ეხება ასევე ტრანზაქციების მოცულობას, რომელიც ბანკთან დაკავშირებული პირების მხრიდან არის განხორციელებული. #ახალიამბები #BusinessMediaGeorgia
კახეთში ხორბლის აღება დაიწყო. სოფლის მეურნეობის სამინისტროს მონაცემებით, კახეთში მარცვლეულის აღების პროცესში 300 ერთეული კომბაინი იქნება ჩართული. მოსავლის დაბინავების ხელშეწყობისთვის კი, ფერმერების პროტესტის შემდეგ, მთავრობამ 12 ივნისიდან ფქვილის იმპორტზე დროებით გადასახადი დააწესა, რაც 1 ტონაზე 200 ლარს შეადგენს. მთავრობა იმედოვნებს, რომ ამ გადაწყვეტილებით კონკურენტული გარემო შეიქმნება და წისქვილკომბინატების ამუშავება მოხდება. როგორია მოსავლის რაოდენობა და რა ფასად იყიდება ახალი, ადგილობრივი ხორბალი? სტუმარი: ნიკოლოზ ბენიაიძე - "მარცვლის მწარმოებელთა ასოციაციის" თავმჯდომარე; #ახალიამბები #BusinessMediaGeorgia
2024 წლისთვის ჰაერის დაბინძურების პრობლემა რუსთავში სრულად დაძლეული იქნება- ეს განცხადება BM.GE-თან რუსთავის მერმა ნინო ლაცაბიძემ გააკეთა. როგორც ლაცაბიძე ამბობს, ქალაქში არსებული საწარმოების უმეტესობას თვითმონიტორინგის სისტემები უკვე დამონტაჟებული აქვს, რომელსაც სამინისტრო აკვირდება. რუსთავის მერმა BMG-სთან სხვა მიმდინარე პრობლემურ საკითხებზე და მისი გადაჭრის გზებზეც ისაუბრა - რა გეგმა აქვს ადგილობრივ მთავრობას მუნიციპალურ ტრანსპორტთან მიმართებით, როგორია რუსთავის მერის ხედვა რუსთავის თბილისის დაპაუზებულ ავტომაგისტრალის პროექტზე და როგორ მუშაობს რუსთავის საკრებულო, სადაც უმრავლესობაში ოპოზიციაა წარმოდგენილი? ნინო ლაცაბიძე - რუსთავის მერი; ანუკა ჯოხაძე - BMG -ის რეპორტიორი; #ახალიამბები #BusinessMediaGeorgia
2024 წლისთვის ჰაერის დაბინძურების პრობლემა რუსთავში სრულად დაძლეული იქნება- ეს განცხადება BM.GE-თან რუსთავის მერმა ნინო ლაცაბიძემ გააკეთა. როგორც ლაცაბიძე ამბობს, ქალაქში არსებული საწარმოების უმეტესობას თვითმონიტორინგის სისტემები უკვე დამონტაჟებული აქვს, რომელსაც სამინისტრო აკვირდება. რუსთავის მერმა BMG-სთან სხვა მიმდინარე პრობლემურ საკითხებზე და მისი გადაჭრის გზებზეც ისაუბრა - რა გეგმა აქვს წელს რუსთავის მერიას მოსახლეობის წყლის მომარაგების საკითხთან დაკავშირებით ან რა მოცულობის თანხა დაიხარჯება ქალაქში ამორტიზებული ლიფტების რეაბილიტაციაში? #ახალიამბები #BusinessMediaGeorgia
პარლამენტში „საავტორო და მომიჯნავე უფლებების შესახებ“ სადაო კანონში ცვლილების განხილვა იწყება - საავტორო უფლებათა ასოციაცია კი მიიჩნევს, რომ პარლამენტში რუსული კანონია შესული, კანონის შეცვლის შემთხვევაში კი, რუსეთი ლეგალურად შეძლებს სფეროს გაკონტროლებას და პროპაგანდის იარაღად ხელოვნების გამოყენებას. ასოციაცია მიიჩნევს, რომ „რუსეთი, მის მიერვე შექმნილი ქართული ორგანიზაცია GERA-ს მეშვეობით, 2019 წლიდან ცდილობს საავტორო უფლებების სფეროს ხელში ჩაგდებას და ამ გზით ქართული ხელოვნების გაკონტროლებას. #ახალიამბები #BusinessMediaGeorgia
"ეროვნული ბანკის შესახებ“ კანონში პრეზიდენტის მოტივირებული შენიშვნები საფინანსო საბიუჯეტო კომიტეტმა ჩააგდო. განხილვაზე სალომე ზურაბიშვილის შეთავაზებას მხოლოდ 2-მა ოპოზიციონერმა დეპუტატმა დაუჭირა მხარი. პარლამენტი პრეზიდენტის ვეტოს დასაძლევად ემზადება. კანონპროექტს, რომელიც ეროვნულ ბანკში პირველი ვიცე-პრეზიდენტის პოსტს ამკვიდრებს, გააკრიტიკა საერთაშორისო სავალუტო ფონდმაც. საპარლამენტო უმცირესობის დეპუტატის რომან გოცირიძის შეფასებით, საერთაშორისო სავალუტო ფონდის „გაოგნებულობა“ იმის მანიშნებელია, რომ საქართველოში IMF-ის პროგრამა დაიხურება, რაც ქვეყნის საინვესტიციო მიმზიდველობას შეამცირებს. მისი განცხადებით, ეროვნული ბანკის შესახებ კანონპროექტზე 23 თებერვალს საქართველოს პრეზიდენტის მიერ დადებული ვეტოს დაძლევა პარლამენტის მხრიდან სებ-ში საფინანსო კლანის ჩამოყალიბებას გულისხმობს. #ახალიამბები #BusinessMediaGeorgia
2024 წლიდან, საქართველოში, 2013 წლამდე გამოშვებული ავტომობილების იმპორტი აიკრძალება. უფრო ადრე, უახლოეს კვირებში აიკრძალება კატალიზატორების ექსპორტი. მთავრობა, ასევე გეგმავს უცხოეთის მოქალაქეებისთვის სუროგაციის აკრძალვას. სამივე გადაწყვეტილება მთავრობის დღევანდელ სხდომაზე მიიღეს. #ახალიამბები #BusinessMediaGeorgia
#ბიზნესსიახლეები bm.ge-სგან / 12.06.2023 კანადა, კორეა, იაპონია - Winiveria ახალ საექსპორტო ბაზრებზე შესვლაზე მუშაობს; „ექსპორტზე ქართულ თხილზე მოთხოვნა მისი ფასიდან გამომდინარეა“ - თხილის საწარმო ImerNut; “გვინდა მოვიცვათ პოსტსაბჭოთა ქვეყნები” - რა სამომავლო გეგმები აქვს Pharmaco-ს? „პ’აუზამ“ ზაფხულის სეზონი გახსნა - რა ეღირება აუზზე ვიზიტი? "საქართველოში პირველად გავაციფრულეთ დიდუბის ავტოსადგური“ - სამოგზაურო აპლიკაცია SAIT; #ახალიამბები #BusinessMediaGeorgia
ისტორია მეორდება, ჯერ კიდევ 2015 წელს ეროვნული ბანკიდან საფინანსო ზედამხედველობის გამოტანის მცდელობას საერთაშორისო საფინანსო ინსტიტუტების მწვავე შეფასებები მოჰყვა. მაშინ კანონპროექტის გასაპროტესტებლად მსოფლიო ბანკმა სავალუტო ფონდმა, იბიარდმა და და აზიის განვითარების ბანკმა საქართველოს პრემიერმინისტრსა და პარლამენტის თავმჯდომარეს ერთობლივი წერილით მიმართეს, შეფერხდა სავალუტო ფონდის მიმდინარე პროგრამაც - რატომ მიდის მთავრობა კიდევ ერთხელ საერთაშორისო ფინანსურ ინსტიტუტებთან დაპირისპირებაზე? სტუმარი: რომან კაკულია - საზოგადოებრივი ორგანიზაცია „პოლიტიკური არჩევანის“ დამფუძნებელი #ახალიამბები #BusinessMediaGeorgia
"ეროვნული ბანკის შესახებ“ კანონში პრეზიდენტის მოტივირებული შენიშვნები საფინანსო საბიუჯეტო კომიტეტმა ჩააგდო. განხილვაზე სალომე ზურაბიშვილის შეთავაზებას მხოლოდ 2 -მა ოპოზიციონერმა დეპუტატმა დაუჭირა მხარი. პარლამენტი პრეზიდენტის ვეტოს დასაძლევად ემზადება. კანონპროექტს, რომელიც ეროვნულ ბანკში პირველი ვიცე-პრეზიდენტის პოსტს ამკვიდრებს, გააკრიტიკა საერთაშორისო სავალუტო ფონდმაც. გასულ კვირაში კი ცნობილი გახდა, რომ უმრავლესობამ პრეზიდენტის ვეტოს დაძლევა გადაწყვიტა, რადგანაც პრეზიდენტმა არ წარადგინა სებ-ის საბჭოს წევრები, მათ შორის ერთ_ერთი შეთანხმებული წევრი მოქმედი ფინანსთა მინისტრი ლაშა ხუციშვილი უნდა ყოფილიყო. რა არგუმენტები აქვთ მხარეებს და როდის აპირებს პრეზიდენტი ეროვნული ბანკის საბჭოს წევრთა კანდიდატურების წარდგენას? #ახალიამბები #BusinessMediaGeorgia
"ეს არის ფასადური ცვლილება"- გმირთა მოედანზე ივანიშვილის ცათამბჯენის პროექტი 65-დან 52 სართულამდე შემცირდა; #ახალიამბები #BusinessMediaGeorgia
სამედიცინო და ფარმაცევტულ დაწესებულებებში შეუზღუდავი კონტროლის მორიგი მცდელობა ჯანდაცვის სამინისტროს მხრიდან - კანონპროექტი, რომლის მიღებაც კენჭისყრიდან 2020 წლის ივლისში მოიხსნა, კვლავ პარლამენტის დღის წესრიგს უბრუნდება. ჯანდაცვის სამინისტრომ საკანონმდებლო ორგანოს „ჯანმრთელობის დაცვის შესახებ კანონში“ ცვლილებების პროექტი წარუდგინა, რომლის მიღების შემთხვევაში რეგულირების სააგენტოს ნებისმიერ დროს სამედიცინო და ფარმაცევტულ დაწესებულებებში გაფრთხილების გარეშე შესვლა შეეძლებათ. “საკანონმდებლო პაკეტის მთავარი დანიშნულება სამედიცინო გარემოში პაციენტის საუკეთესო ინტერესების დაცვა, პაციენტის უსაფრთხოება და სამედიცინო მომსახურების ხარისხის აღსრულების შესაძლებლობის გაუმჯობესებაა“,- აღნიშნულის შესახებ ჯანდაცვის მინისტრის მოადგილე თამარ გაბუნიამ განაცხადა. #ახალიამბები #BusinessMediaGeorgia
გასული კვირის კრისტის და სოტბის აუქციონის გაყიდვები; 2022 წლის საფეხბურთო მსოფლიო ჩემპიონატის ფინალში გამოყენებული ბურთი; ,,გრანდიოზული’’ ბრილიანტის ბეჭედი; შარლ ლეკლერის ეკიპირება 2023 წლის მონაკოს გრან პრიზე; ბრაზილიის მაისური, რომლითაც პელემ უკანასკნელი გოლი გაიტანა; გამარჯვებულთა მედალი პირველი, 1896 წლის ოლიმპიური თამაშებიდან; #ახალიამბები #BusinessMediaGeorgia
თბილისს ახალი საერთო სამუშაო სივრცე "KLab" შეემატა. სივრცე ფონდი kettari ჯგუფის მიერ თბილისში, აღმაშენებლის 139 ში გაიხსნა. "KLab" განკუთვნილია მომხმარებელთა მრავალფეროვანი სპექტრისთვის: შემოქმედებითი ინდუსტრიის წარმომადგენლების, სტარტაპერების თუ მცირე საწარმოებისათვის. KLab მათ სხვადასხვა სერვისებსა და მომსახურებას სთავაზობს. #ახალიამბები #BusinessMediaGeorgia
სამედიცინო და ფარმაცევტულ დაწესებულებებში შეუზღუდავი კონტროლის მორიგი მცდელობა ჯანდაცვის სამინისტროს მხრიდან - კანონპროექტი, რომლის მიღებაც კენჭისყრიდან 2020 წლის ივლისში მოიხსნა, კვლავ პარლამენტის დღის წესრიგს უბრუნდება. ჯანდაცვის სამინისტრომ საკანონმდებლო ორგანოს „ჯანმრთელობის დაცვის შესახებ კანონში“ ცვლილებების პროექტი წარუდგინა, რომლის მიღების შემთხვევაში რეგულირების სააგენტოს ნებისმიერ დროს სამედიცინო და ფარმაცევტულ დაწესებულებებში გაფრთხილების გარეშე შესვლა შეეძლებათ ასევე შემოდის საჯარიმო სანქციის დაუყოვნებლივი აღსრულების მექანიზმიც. #ახალიამბები #BusinessMediaGeorgia
როგორ დააარსა დევიდ ბექჰემმა მომავლის კლუბი “ინტერ მაიამი”? #ახალიამბები #BusinessMediaGeorgia
კომპანია "ჯორჯიან მანგანეზი", რომელიც მსოფლიო ფეროშენადნობების ბაზარზე შექმნილი კრიზისის ფონზე თებერვლიდან სპეცრეჟიმით მუშაობს, თანამშრომლებს შეცვლილ სამუშაო პირობას სთავაზობს. კომპანიის მენეჯმენტი აცხადებს, რომ შეთავაზება მნიშვნელოვანია იმისათვის, რომ კომპანიამ საქმიანობა არ შეაჩეროს და ჭიათურის 3,382 თანამშრომელი სამსახურის გარეშე არ დარჩეს. საუბარია ადმინისტრაციული ხარჯების მინიმუმამდე შემცირებასა და 720 თანამშრომლისთვის ორცვლიანი 12-საათიანი სამუშაო პირობებიდან, სამცვლიან 8-საათიან სამუშაო პირობებზე გადასვლა. კომპანია განმარტავს, რომ უცვლელი რჩება თვის მანძილზე თანამშრომელთა ხელფასი, დასვენების და სამუშაო საათები. რა შეთავაზება აქვს "ჯორჯიან მანგანეზს" თანამშრომელთა ნაწილისთვის, რა ვითარებაა დღეს ფეროშენადნობების ბაზარზე და რას გეგმავს კომპანია? სტუმარი: გიორგი ტატიშვილი - “ჯორჯიან მანგანეზის” ფინანსური დირექტორი; #ახალიამბები #BusinessMediaGeorgia
საქართველოში ინვესტიციების მოცულობა წლიურად შემცირდა, ბოლო კვარტალთან შედარებით კი, გაიზარდა. საქსტატის მონაცემებით, იანვარ-მარტში საქართველოში განხორციელებული პირდაპირი უცხოური ინვესტიციების მოცულობამ 2023 წლის I კვარტალში 496.6 მლნ. დოლარი შეადგინა, რაც 2022 წლის I კვარტლის წინასწარ მონაცემებზე 13.7 პროცენტით ნაკლებია, ხოლო 2022 წლის IV კვარტლის მონაცემებს 53 პროცენტით აღემატება. 2023 წლის I კვარტალში რეინვესტიციამ 189.6 მლნ. აშშ დოლარი შეადგინა, ხოლო მისი წილი 38.2 პროცენტით განისაზღვრა. რაც შეეხება ტოპ ინვესტორ ქვეყნებს - პირველ ადგილზეა ნიდერლანდები - 239.6 მლნ. დოლარით, მეორე ადგილზე იმყოფება იაპონია - 63.2 მლნ. აშშ დოლარით ხოლო მესამეზე აშშ - 54.7 მლნ. აშშ დოლარით. ხუთი უმსხვილესი ინვესტორი ქვეყნების წილი ინვესტიციების მთლიანი მოცულობის 87.1 პროცენტს შეადგენს. BMG-იმ საქსტატისგან გამოითხოვა იმ კომპანიების სია, რომლებშიც ყველაზე მეტი FDI ჩაიდო. მათ შორისაა სინგაპურულ Indorama Holding-ის ერთ-ერთი შვილობილიც, რომელმაც 2023 წლის იანვარში საქართველოს უმსხვილესი ქიმიური საწარმო “რუსთავის აზოტი” შეიძინა. აღნიშნული ინვესტიცია Indorama-მ მისი ჰოლანდიური შვილობილის Indorama Holdings B.V.-ის მეშვეობით განახორციელა. BMG-ის ინფორმაციით, კომპანია ქიმიური საწარმოს განვითარებისთვის 200 მილიონი დოლარის ინვესტირებასაც გეგმავს. მის გარდა, ახალ ინვესტორთა შორის მოხვდა კომპანია “აზია ჯგუფი”, რომელიც ყაზახური ინვესტიციით დაფუძნებული კომპანიაა. ინვესტორთა შორის მოხვდა ჩინეთის სახელმწიფო საინჟინრო კორპორაციის საქართველოს ფილიალიც, თუმცა ეს უკანასკნელი არა ინვესტორი, არამედ სახელმწიფოს კონტრაქტორია, რადგანაც ის მთავრობის დაკვეთით რიკოთის საუღელტეხილო გზას აშენებს. სტუმარი: ირაკლი ჟვანია - Kudos Georgia-ს მმართველი პარტნიორი; #ახალიამბები #BusinessMediaGeorgia
თანამედროვე სამყაროში სმარტფონები არა მხოლოდ კომუნიკაციის, არამედ სოციალიზაციისა თუ გართობის ერთ-ერთი საშუალებაცაა, რომელიც მუდმივად იხვეწება, იცვლება და სხვადასხვა ფუნქციებს იძენს. სმარტფონების დახვეწის და გაუმჯობესების კვალდაკვალ, ცხადია ამ მოწყობილობებზე მოთხოვნა სულ უფრო იზრდება. მსოფლიოში ყოველწლიურად მილიარდზე მეტი სმარტფონი იყიდება, პლანეტის მოსახლეობა კი მუდმივად უახლესი ფუნქციების ძიებაშია. მზარდი მოთხოვნის კვალდაკვალ, ცხადია, იზრდება სმარტფონების მწარმოებლების შემოსავლებიც, რის შედეგადაც ისინი მსოფლიოს უმდიდრესი კომპანიების რიგებში ირიცხებიან. რომელია სმარტფონების მწარმოებელი უმდიდრესი კომპანიები მსოფლიოში, რა არის თითოეული მათგანის საბაზრო კაპიტალიზაცია და რომელ მათგანს ანიჭებენ საქართველოში უპირატესობას? #ახალიამბები #BusinessMediaGeorgia
გასული წლის პირველ კვარტალთან შედარებით, მიმდინარე წლის 3 თვეში უცხოური ინვესტიციები 13.7 პროცენტით შემცირდა. ჯამში ინვესტიციების მოცულობამ 496.6 მილიონი დოლარი შეადგინა. ინვესტიციების მოცულობა გაზრდილია კვარტალურად. კერძოდ, გასული წლის მეოთხე კვარტალთან შედარებით 53.3%-ით. უმსხვილეს ინვესტორ ქვეყნებს შორის ნიდერლანდები, იაპონია, აშშ და მათ შორის, რუსეთია. რა სურათს აჩვენებს პირველ კვარტალში შემცირებული ინვესტიციები და რომელია ის 10 კომპანია, სადაც ყველაზე მეტი ინვესტიცია ჩაიდო? #ახალიამბები #BusinessMediaGeorgia
#ბიზნესსიახლეები bm.ge-სგან / 08.06.2023 „ღვინის ბაზარი ზღვასავითაა, სულ ღელავს და ცვალებადია“ - რა სჭირდება ქართულ ღვინოს პოპულარიზაციისთვის? „წარმოებაში 6 რობოტი გვყავს... ბაზარზე ინჟინრების პოვნა რთულია“ - GEORGIAN PRODUCTS; ქუთაისში საკონფერენციო სივრცეებზე მოთხოვნა გაიზარდა, ძირითადი მოთხოვნა ბიზნეს სექტორიდანაა - "Ka Group"; ნიუ-იორკში ქართული კაფე-საცხობი „ალუბალი“ გაიხსნა - რას სთავაზობს სტუმრებს ახალი ობიექტი? "სამშენებლო მასალების მწარმოებლები, შესაძლოა, საერთაშორისო გამოფენებზე წავიყვანოთ" - "აწარმოე საქართველოში"; #ახალიამბები #BusinessMediaGeorgia
ნარჩენების მართვის რეფორმა ფერხდება- მწარმოებლის გაფართოებული ვალდებულების ფარგლებში შექმნილი ორგანიზაციები საბურავების გადამუშავებას შესაბამისი ქარხნების სიმცირის გამო ვერ ახერხებენ. როგორც ბიემჯისთან ნარჩენების მართვის ბიზნეს ასოციაციის ხელმძღვანელი ვანო მთვრალაშვილმა ამბობს, გეგმის მიხედვით, მათ დღის განმავლობაში 15-20 ტონა მეორადი საბურავის ამოღების ვალდებულება აქვთ, რაც სრულდება, მაგრამ შესაბამისი სიმძრალავრეების ნაკლებობის გამო შეგროვებული ნარჩენი ვერ მუშავდება. #ახალიამბები #BusinessMediaGeorgia
14-წლიანი ასპარეზობის შემდეგ კარიმ ბენზემა ,,რეალს’’ ტოვებს #ახალიამბები #BusinessMediaGeorgia
ევროპის TOP 5 ლიგის ჩემპიონები #ახალიამბები #BusinessMediaGeorgia
როგორ დაიბრუნა ’’არსენალმა’’ თავისი ადგილი ინგლისის პრემიერ ლიგაში? #ახალიამბები #BusinessMediaGeorgia
#ამერიკისხმა: ლიმუზინებზე მოთხოვნა მცირდება #ახალიამბები #BusinessMediaGeorgia
ბიზნესკლასტერებს საქართველოში დიდი ხნის ისტორია არ აქვთ. საქართველოში პირველი ბიზნესკლასტერი ოფიციალურად სულ რაღაც 5.5 წლის წინ დაფუძნდა. ევროკავშირისა და გერმანიის საერთაშორისო თანამშრომლობის საზოგადოების ხელშეწყობით. მათივე ორგანიზებით 2019 -23 წლებში 4 კლასტერი შეიქმნა რომელმაც ჯამში 124 ბიზნეს სუბიექტი გააერთიანა, ისეთი სფეროებიდან როგორებიცაა ტექსტილი, სამშენებლო მასალები და ტურიზმი. კლასტერში გაერთიანებული მეწარმეები ერთმანეთს გამოცდილებას უზიარებენ და ერთიანი ძალებით ცდილობენ გამოწვევების გამკლავებას - რა გამოწვევების წინაშე დგანან დღეს მცირე და საშუალო ბიზნესის წარმომადგენლები და რა შესაძლებლობას ქმნის მათი სინერგია? სტუმარი: თამაზ დაუშვილი „დიოს“ დამფუძნებელი / „ქართული სამშენებლო მასალების კლასტერის“ თავმჯდომარე; #ახალიამბები #BusinessMediaGeorgia
მთავრობა ავტოსადგურების რეფორმას იწყებს. ჯერ კიდევ 8 წლის წინ დაანონსებული კანონპროექტი საქართველოს პარლამენტში უკვე წარდგენილია. ახალი კანონპროექტის მიხედვით შესაბამისი მოთხოვნების დაკმაყოფილება მოუწევთ როგორც ავტოსადგურებს, ისე მგზავრთ გადამყვან ოპერატორებს. კანონპროექტით სანებართვო მოსაკრებლის ღირებულებაც გაწერილია. რა მოთხოვნების და პირობების დაკმაყოფილება მოუწევთ ავტოსადგურების მფლობელებს და მგზავრთგადამყვან ოპერატორებს? #ახალიამბები #BusinessMediaGeorgia
დეკლარაციების მონიტორინგის სისტემა ვერ ჩამოყალიბდა კორუფციასა და ინტერესთა შეუთავსებლობასთან ბრძოლის მძლავრ ინსტრუმენტად - აცხადებს საერთაშორისო გამჭვირვალობა საქართველო. ორგანიზაციამ ქონებრივი მდგომარეობის დეკლარირების გაძლიერების შესახებ საკანონმდებლო წინადადება მოამზადა, რაც მოიცავს დეკლარაციების მონიტორინგის გაუმჯობესებას, დეკლარაციაში შესატანი ინფორმაციის ნუსხის გაზრდას და თანამდებობის იმ პირთა წრის გაფართოებას, რომლებმაც ქონებრივი მდგომარეობის დეკლარაციები უნდა შეავსონ. არასამთავრობო ორგანიზაციაში ელიან, რომ თუ მმართველი გუნდი მათ შეთავაზებას გაიზიარებს, დეკლარაციების მონიტორინგი გაუმჯობესდება და კორუფციული რისკები შემცირდება. #ახალიამბები #BusinessMediaGeorgia
#ბიზნესსიახლეები bm.ge-სგან / 07.06.2023 „ჯორჯიან მანგანეზის“ ფეროშენადნობთა ქარხანა 70%-იანი დატვირთვის მუშაობს; კიდევ გაძვირდება თუ არა ბათუმში უძრავი ქონება? სამკერვალო „ანაბეჭდმა“ სამტრედიაში ახალი საწარმო აამოქმედა; „ვმუშაობთ ქართული ჯიშის გამოყვანაზე“ - სიღნაღში ზეთისხილის პირველი სანერგე მეურნეობა გაიხსნა; „ბილიკი“ ბალტიისპირეთის რეგიონში შევიდა - ტურისტული აპლიკაციის გეგმები; #ახალიამბები #BusinessMediaGeorgia
ევროკავშირმა და გერმანიის მთავრობამ საქართველოში პროექტ კლასტერები განვითარებისთვის 4 წლიანი შედეგები შეაჯამა. გერმანიის ელჩის თქმით, 4 წლის განმავლობაში მცირე და საშუალო ბიზნესის გაძლიერებისთვის საქართველოში 5 მილიონი ევროს ინვესტიცია განხორციელდა. რა მიღწევებზე საუბრობენ პროექტის მონაწილეები და რა ძირითადი გამოწვევები რჩება, რომელიც მცირე და საშუალო ბიზნესის განვითარებას აფერხებს. “კლასტერები განვითარებისთვის”- პროექტის 4 წლის შედეგები #ახალიამბები #BusinessMediaGeorgia
ღვინის კომპანიებისთვის მარკეტინგული ხარჯების თანადაფინანსების პროგრამაში განაცხადების მიღება დაიწყო. მთავრობა ღვინის მწარმოებლებს ქართული ღვინის პოპულარიზაციის ხელშეწყობისთვის 600 000 ლარამდე თანადაფინანსებას სთავაზობს. პროგრამა ითვალისწინებს გამოფენებსა და მარკეტინგული კამპანიების დაფინანსებას, ასევე ქსელური ტიპის ობიექტებში მარკეტინგული ღონისძიებებისთვის გაწეული თანხებისა და ღვინის მაღაზიებში თაროების ბრენდირება/ დეგუსტაციის თანადაფინანსებას. განახლებულ პროგრამაში მონაწილეობის მისაღებად, კომპანიებმა პირველ ეტაპზე, განაცხადები 1 აგვისტომდე უნდა წარადგინონ. ღვინის კომპანიებისთვის მარკეტინგული ხარჯების თანადაფინანსების პროგრამა 2021 წლის შემოდგომიდან ამოქმედდა, თუმცა გარკვეული ხარვეზების გამო, პროგრამით ბიზნესმა ხელშესახები სარგებელი ვერ მიიღო - რა იცვლება და როგორი უნდა იყოს ამ ტიპის პროგრამა, რომ ბიზნესმა შეღავათი მიიღოს? სტუმარი: გიორგი მარგველაშვილი - „თბილღვინოს“ პრეზიდენტი #ახალიამბები #BusinessMediaGeorgia
დაპირისპირება მმართველ გუნდსა და პრეზიდენტს შორის ამჯერად ეროვნული ბანკის პრეზიდენტობის კანდიდატზე. მმართველი გუნდი აცხადებს, რომ კონსულტაციების შედეგად, პრეზიდენტმა დაადასტურა მზაობა, ეროვნული ბანკის საბჭოს ერთ-ერთ წევრად, მოქმედი ფინანსთა მინისტრი ლაშა ხუციშვილის კანდიდატურა წარმოედგინა, თუმცა ყველა შეთანხმებული ვადა დაარღვია. შედეგად, ქართული ოცნება, „ეროვნული ბანკის შესახებ კანონში ვეტოს დაძლევას აანონსებს. მმართველი პარტიის განცხადებაში ნათქვამია, რომ იკვეთება აშკარა ნიშნები იმისა, რომ საქართველოს პრეზიდენტი თავისი ქმედებებით მიზანმიმართულად უქმნის დაბრკოლებას საქართველოს ეროვნული ბანკის ჯეროვან საქმიანობას. განცხადებაში აღნიშნულია, რომ პარლამენტი ეროვნული ბანკის შესახებ კანონზე ვეტოს დაძლევის პროცედურას მომდევნო სასესიო კვირაში დაასრულებს. შეგახსენებთ, აღნიშნული კანონი ეროვნულ ბანკში პირველი ვიცე-პრეზიდენტის პოსტს ამკვიდრებს, რომელსაც სებ-ის პრეზიდენტის არყოფნის პირობებში პრეზიდენტის უფლებამოსილების შესრულება შეეძლება. ახალი კანონი ეროვნულ ბანკთან ერთად საერთაშორისო სავალუტო ფონდმაც გააკრიტიკა. “საქართველოს ეროვნული ბანკის კანონში ცვლილების შეტანის მიზნით გადადგმული ბოლოდროინდელი ნაბიჯები, ცვლის საქართველოს ეროვნული ბანკის მართვის სტრუქტურას და თავდაუზოგავი შრომით მოპოვებული სანდოობის დაკარგვის რისკს ქმნის“- ნათქვამი იყო საერთაშორისო სავალუტო ფონდის მისიის ხელმძღვანელის, ჯეიმს ჯონის განცხადებაში. რა გავლენა ექნება ვეტოს დაძლევას, ქვეყნის უმნიშვნელოვანეს ინსტიტუტზე, ეროვნული ბანკის ყოფილ პრეზიდენტთან გავაგრძელებთ თემაზე საუბარს. დეპუტატი რომან გოცირიძე გვიერთდება პირდაპირ ეთერში. სტუმარი: რომან გოცირიძე - სების ყოფილი პრეზიდენტი, დეპუტატი #ახალიამბები #BusinessMediaGeorgia
შესაძლოა ადგილობრივ ბაზარზე საწვავი მოკლევადიან პერიოდში 15-20 თეთრით გაძვირდეს - ამის შესახებ BM.GE-თან სენტა პეტროლეომ ჯორჯიას დამფუძნებელმა ზაალ იაკობიძემ განაცხადა. როგორც იაკობიძე ამბობს, ბაზარზე ბენზინის გაძვირება უკვე დაწყებულია. მისი თქმით, ამის მთავარი მიზეზი რუსეთის ბაზარზე არსებული რყევებია. იაკობიძე ამბობს, რომ ბაზარზე გავლენა ექნება OPEC-ის დე-ფაქტო ლიდერის, საუდის არაბეთის გადაწყვეტილებასაც საერთაშორისო ენერგეტიკული ბირჟისთვის ნავთობის მიწოდების მკვეთრად შემცირების შესახებ. გლობალური სავაჭრო ქსელის ხელმძღვანელი BM.GE-თან ამბობს, რომ რუსეთის ბაზარზე ფასების ზრდასთან ერთად საწვავის დეფიციტიც შეინიშნება. შესაბამისად, იმის გამო რომ ამ ნაწილში საქართველო რუსეთიდან საწვავის იმპორტზეა დამოკიდებული, ფასები გაიზარდა. მისი თქმით, განსხვავებული მდგომარეობაა დიზელის შემთხვევაში, სადაც ფასთან მიმართებით პოზიტიური მოლოდინებია. #ახალიამბები #BusinessMediaGeorgia
#ბიზნესსიახლეები bm.ge-სგან / 06.06.2023 ევროპაში მალფუჭებადი პროდუქციის ექსპორტი მანძილის გამო რთულია - GeorgianBlue; როდის გაიხსნება „მოზაიკო“ ამბასადორი თბილისში? ბათუმის ბულვარში „აგროჰაბის“ პავილიონები გაიხსნა; “ფიშმარკეტ”-ში თევზის 90% იმპორტირებულია - რატომ ვერ ვითარდება საქართველოში თევზის წარმოება? საქართველოში "წყლის დაფების" პირველი ონლაინ მაღაზია გამოჩნდა; #ახალიამბები #BusinessMediaGeorgia
შესაძლოა ადგილობრივ ბაზარზე საწვავი მოკლევადიან პერიოდში 15-20 თეთრით გაძვირდეს - ამის შესახებ BM.GE-თან სენტა პეტროლეომ ჯორჯიას დამფუძნებელმა ზაალ იაკობიძემ განაცხადა. როგორც იაკობიძე ამბობს, ბაზარზე ბენზინის გაძვირება უკვე დაწყებულია. მისი თქმით, ამის მთავარი მიზეზი რუსეთის ბაზარზე არსებული რყევებია. იაკობიძე ამბობს, რომ ბაზარზე გავლენა ექნება OPEC-ის დე-ფაქტო ლიდერის, საუდის არაბეთის გადაწყვეტილებასაც საერთაშორისო ენერგეტიკული ბირჟისთვის ნავთობის მიწოდების მკვეთრად შემცირების შესახებ. #ახალიამბები #BusinessMediaGeorgia
რუსთავის მერია, თბილისის რუსთავის სამარშრუტო ტაქსების კომპანია ინტერტრანსს, დაკისრებული ვალდებულებების შესრულებას სთხოვს. როგორც ქალაქის მერი ამბობს, ავტოსატრანსპორტო საშუალებების რაოდენობა საკმარისი არ არის რის გამოც ხშირად თბილისიდან რუსთავში ჩასვლა მნიშვნელოვანი გამოწვევაა. ხშირად მიკროავტობუსში მოსახვედრად ლოდინის დრო 1.5 საათიც კი ყოფილა. რას ამბობენ თავად მგზავრები და რა გეგმა აქვს რუსთავის მერიას იმ პრობლემის მოსაგვარებლად, რომელიც წლიდან წლამდე მგზავრთნაკადის ზრდასთან ერთად სულ უფრო მწვავდება. #ახალიამბები #BusinessMediaGeorgia
გამოწვევებით და შესაძლებლობებით სავსე 2022 წელი ენერგეტიკის სექტორისთვის - სემეკმა 2022 წლის ანგარიში გაასაჯაროვა, სადაც სემეკის რეგულირებას დაქვემდებარებული ელექტროენერგიის, ბუნებრივი გაზისა და წყალმომარაგების სექტორია გაანალიზებული. სემეკის მონაცემებით, გასულ წელს წყალუხვობის გამო ელექტროენერგიის წარმოება წინა წელთან შედარებით 12.5%-ით, ხოლო 2020 წელთან შედარებით 27.8%-ით გაიზარდა. 2012-2022 წლების მონაცემებზე დაყრდნობით კი, ყოველწლიურად საქართველოში ელექტროენერგიის წარმოება საშუალოდ 4%-ით იზრდება. რაც შეეხება ელექტროენერგიის მოხმარებას, 2022 წელს საქართველოში იგი წინა წელთან შედარებით 3.6%-ით, ხოლო 2020 წელთან შედარებით 17.3%-ით იყო გაზრდილი. 26%-ზე მეტად გაიზარდა თბოსადგურების გამომუშავებაც. სემეკის ანალიზი ცხადყოფს, რომ საქართველოში იცვლება ელექტროენერგიის მოხმარების დინამიკა და თუ დღისათვის საქართველო ზამთრის პიკის ქვეყანაა, 2030 წლისთვის სავარაუდოდ, შეიცვლება და საქართველო ზაფხულის პიკის ქვეყანა გახდება. რა იყო სემეკის რეგულირებას დაქვემდებარებულ სექტორებში მთავარი გამოწვევები და რა სასტარტო პირობებით ხვდება ენერგეტიკული ბირჟის ამოქმედებას ელექტროენერგეტიკული სექტორი? სტუმარი: დავით ნარმანია - სემეკის თავმჯდომარე; #ახალიამბები #BusinessMediaGeorgia
დიდი კარიერის დასასრული - ზლატან იბრაჰიმოვიჩი სპორტიდან წავიდა #ახალიამბები #BusinessMediaGeorgia
რუსული კაპიტალი და რუსული კავშირები ქართულ ბიზნესში - კოალიცია ინფორმაციის სანდოობისთვის რუსული დეზინფორმაციისა და ჰიბრიდული საფრთხეების შესახებ კონფერენციას მასპინძლობს. კონფერენციის პანელური დისკუსიებზე მსჯელობენ კრემლის მიერ გავლენის მექანიზმებზე - ფულის, კორუფციის და რუსული კაპიტალის გამოყენებაზე. როგორ პასუხობს სახელმწიფო პრორუსულ დეზინფორმაციას და ანტიდასავლურ პოლიტიკას, ასევე რა საფრთხეს ქმნის რუსული კაპიტალი და რუსული კავშირები საქართველოსთვის და რას უნდა აკეთებდეს მთავრობა? #ახალიამბები #BusinessMediaGeorgia