პოლიტიკური არასტაბილურობა, ეროვნული ვალუტის მერყეობა, არაკვალიფიციური მუშახელი - ეს ის 3 მნიშვნელოვანი პრობლემაა, რომელსაც საქართველოში მოქმედი ევროპული და ადგილობრივი ბიზნესები აწყდებიან. შესაბამისი კვლევა ევროპულმა ბიზნესასოციაციამ 200 კომპანიაზე დაყრდნობით მოამზადა და დაინტერესებულ მხარეებს წარუდგინა. ბიზნესის საჭიროებების კვლევის მომდევნო ეტაპი მისი განხილვა და გამოსავლის გზების ძიება იქნება, რომელსაც კონკრეტულ ფორმატში განიხილავენ. ეს ფორმატი კი ეკონომიკური თანამშრომლობის პლატფორმაა, რომელიც საქართველოში ევროკავშირის ჩართულობით შეიქმნა. #ახალიამბები #BusinessMediaGeorgia
საქართველოს ერთ-ერთი მთავარი საექსპორტო პროდუქტის, ფეროშენადნობების ექსპორტი 98% გაიზარდა. 5 თვეში საექსპპრტო ბაზრებზე 286 მლნ დოლარის პროდუქცია გავიდა. ბოლო 1 თვეა რეკორდული ფასიდან ფეროშენადბობების პროდუქციის ღირებულება შემცირებულია. ამ დროისათვის 1 ტონა ფეროშენადნობების ღირებულება 1600 დოლარია. რა ხდება საქართველოს ერთ-ერთი უმსხვილესი საექსპორტო დარგში? სტუმარი: ნუგზარ კევლიშვილი - „ფეროშენადნობთა ასოციაციის“ პრეზიდენტი; #ახალიამბები #BusinessMediaGeorgia
საქართველოს ევროპულ პერსპექტივაზე, მის მნიშვნელობაზე, 20 ივნისის აქციამდე და ევროკომისიის რეკომენდაციის გასაჯაროების შემდეგ ბი ემ ჯიმ კერძო სექტორის სეფასებები უხვად მოისმინა და მოგაწოდათ თქვენც. საინტერესოა რას ფიქრობს ბიზნესი გუშინდელი აქციის შემდეგ, გამოჩნდა თუ არა ახალი პერსპექტივა და იმედი კერძო სექტორისთვის მათ შორის? სტუმარი: თამაზ დაუშვილი - კომპანია „დიო“-ს თანადამფუძნებლი, მმართველი პარტნიორი; #ახალიამბები #BusinessMediaGeorgia
უორენ ბაფეტთან ერთად სადილის შესაძლებლობა წელს ბოლოჯერ გაიყიდა, თანაც რეკორდულ ფასად,19 მილიონ დოლარად. გამარჯვებულთან ერთად კი ყველა საკითხზე და მისთვის საინტერესო თემაზე საუბარს გეგმავს, გარდა საინვესტიციო სტრატეგიისა. რაც შეეხება თანხას, რომელიც აუქციონიდან შემოვიდა, ის სრულად, არაკომერციულ ორგანიზაციას Glide-ს გადაეცა, რომელიც ეხმარება ღარიბებს, უსახლკაროებს ან მათ, ვინც ნარკოტიკების მოხმარებას ებრძვის. ვისთან და სად ივახშმებს 91 წლის მილიარდერი ბოლოჯერ და როგორია მისი გეგმები? #ახალიამბები #BusinessMediaGeorgia
საშუალო და დაბალშემოსავლიან ქვეყნებს სტაგფლაცია ემუქრება - ასე ფიქრობს მსოფლიო ბანკი, რომელმაც დღეს ეროვნულ ბანკთან ერთად გლობალური ეკონომიკის პერსპექტივების ივნისის ანგარიში წარადგინა. ანგარიში კოვიდ-19-ით გამოწვეულ ზიანთან ერთად, რომელმაც ქვეყნების ეკონომიკური ზრდა შეანელა, რუსეთ-უკრაინის ომის გავლენებსაც შეეხო, რომელმაც გლობალური ეკონომიკის ზრდა კიდევ უფრო შეანელა. #ახალიამბები #BusinessMediaGeorgia
რამდენიმეწლიანი განხილვების შემდეგ მთავრობა საპარტნიორო ფონდის რესტრუქტურიზაციამდე მივიდა. საკითხი დღეს მთავრობის სხდომაზე განიხილეს. ვიცით ის, რომ საპარტნიორო ფონდის მომავალ საქმიანობაში სახელმწიფო მხოლოდ აქციონერის როლში იქნება, სამეთვალყურეო საბჭო კი ნაცვლად მთავრობის წევრებისა, დამოუკიდებელი პირებისგან დაკომპლექტდება. მინისტრთა კაბინეტის სხდომის შემდეგ ეკონომიკის სამინისტრომ გაავრცელა პრესრელიზი: ინფორმაციაში ნათქვამია, რომ ხელისუფლების მიერ რესტრუქტურიზაციის პროცესში შეტანილი ცვლილებები ფონდს მეტ მოქნილობას მისცემს. #ახალიამბები #BusinessMediaGeorgia
მიუხედავად რთული გეოპოლიტიკური ვითარებისა საქართველოს საგარეო ვაჭრობა ზრდის კარგ ტრენდს ინარჩუნებს. თვალსაჩინო მაგალითი მაისია, როდესაც ექსპორტი რეკორდული იყო და ნახევარ მილიარდ დოლარს გადააჭარბა. 5 თვეში კი, საქართველოს საგარეო სავაჭრო ბრუნვა 37%-ით არის გაზრდილი და 6.9 მილიარდ დოლარს აჭარბებს. იმპორტის წილი 4 მილიარდ 821 მილიონი დოლარია. რაც შეეხება ექსპორტს, ამ შემთხვევაში ზრდა 37.5%-ია. ექსპორტის მოცულობამ იანვარ-მაისში 2 მილიარდ 100 მილიონი დოლარი შეადგინა. როგორ შეიცვალა საქართველოს საექსპოეტო ბაზრები და რა პროდუქცია გააქვს ქვეყანას უცხოეთში, როგორია ექსპორტის მაჩვენებლებში რუსეთის წილი? #ახალიამბები #BusinessMediaGeorgia
უფუნქციოდ 3.5 წელი -,,ქუთაისის პარლამენტის შენობა'' #ახალიამბები #BusinessMediaGeorgia
ქუთაისში პრივატიზაცია აქტიურდება - უკვე მომზადებულია 25-მდე სახელმწიფო ობიექტი, რომელიც უნდა გაიყიდოს. ქუთაისში და მის მიმდებარედ განთავსებული უძრავი ქონების ღირებულება 60 მილიონ ლარს აჭარბებს. აღნიშნული ობიექტები კვლევის ფარგლებში გამოავლინეს, რომელმაც ქუთაისის საინვესტიციო შესაძლებლობები შეისწავლა. პროექტი USAID-ის ეკონომიკური უსაფრთხოების პროგრამის ხელშეწყობით სახელმწიფო ქონების ეროვნულ სააგენტოსთან პარტნიორობით შეიმუშვდა. საპრივატიზაციო ქონებების ნუსხაში ვერ მოხვდა ქუთაისში პარლამენტის შენობა, სამაგიეროდ დაგეგმილია ქუთაისის საკონსერვო ქარხნის რეალიზაცია, კონკრტული პირობებით. სტუმრები: სოფო ჭელიძე - სახელმწიფო ქონების ეროვნული სააგენტოს გაყიდვების სამსახურის უფროსი; გიორგი ახალაია - usaid-ის ეკონომიკური უსაფრთხოების პროგრამის კერძო სექტორის განვითარების კომპონენტის ხელმძღვანელი; თეკლა იაშაღაშვილი - კომპანია Cushman & Wakefield-ის საკონსულტაციო დეპარტამენტის ხელმძღვანელი. #ახალიამბები #BusinessMediaGeorgia
ევროკომისიამ მხარი არ დაუჭირა საქართველოსთვის ევროკავშირის წევრობის კანდიდატის სტატუსის მინიჭებას. სტრუქტურამ უკრაინისა და მოლდოვისთვის კანდიდატის სტატუსის დაუყოვნებლივ მინიჭებაზე დადებითი დასკვნა გასცა, საქართველოს შემთხვევაში კი, კომისიამ დაასახელა კონკრეტული პირობები, რომელთა დაკმაყოფილებაც აუცილებელი იქნება მომავალში კანდიდატის სტატუსის მისანიჭებლად. საქართველომ მხოლოდ ევროკავშირის წევრობის “პერსპექტივა” მიიღო. ევროკომისია საქართველოსგან პოლიტიკური პოლარიზაციის დასრულებას, სასამართლო რეფორმას, დე-ოლიგარქციაზიას და ანტიკორუფციულ რეფორმებს ითხოვს. რატომ ჩამორჩა საქართველო ასოცირებულ ტრიოს? სად დაუშვა ქვეყანამ შეცდომა? სტუმარი: შოთა ღვინერია - EPRC-ის უსაფრთხოების მიმართულების ხელმძღვანელი #ახალიამბები #BusinessMediaGeorgia #BMG
მთავრობა ქუთაისში აგრესიულ პრივატიზაციას აანონსებს. „მხოლოდ ქუთაისში და მის მიმდებარედ 60 მლნ ლარზე მეტის სახელმწიფო ქონებაა მზად გასაყიდად“ - აცხადებს ეკონომიკისა და მდგრადი განვითარების მინისტრის მოადგილე. სამინისტროს ინფორმაციითვე, უკვე იდენტიფიცირებულია საინვესტიციოდ მიმზიდველი 25 სახელმწიფო ქონება, რომელსაც სავარაუდოდ აუქციონზე მალე გამოიტანენ, მათ შორისაა ყოფილი „ქუთაისის საკონსერვო ქარხანა“, რომლის ტექნიკურ-ეკონომიკური მიზანშეწონილობის კვლევა, ბიზნესგეგმა და განვითარების არქიტექტურული რენდერი USAID-ის მხარდაჭერით, უძრავი ქონების განვითარების საერთაშორისო კომპანია “ქუშმან & ვეიკფილდმა” მოამზადა. #ახალიამბები #BusinessMediaGeorgia
დოლარში სესხები გაძვირდება - FED - ის გადაწყვეტილების გავლენა საქართველოში #ახალიამბები #BusinessMediaGeorgia
საქართველოში „დელტას“ ბაზაზე ქარის ელექტროსადგურებისთვის გენერატორების წარმოება გერმანულ Vensys -სთან თანამშრომლობით იგეგმება. სწორედ გერმანულ კომპანიასთან მიმდინარეობს მოლაპარაკებები წარმოებისთვის საჭირო ტექნოლოგიის - ლიცენზიის შესაძენად. გერმანული კომპანიის წარმომადგენლები საქართველოში უკვე იმყოფებოდნენ და დელტას ბაზას სტუმრობდნენ. რა ეტაპზეა პროექტი და როდის შეიძლება დაიწყოს საქართველოში ქარის ელექტროსადგურებისთვის საჭირო მოწყობილობების წარმოება? #ახალიამბები #BusinessMediaGeorgia
საქართველოში დოლარში სესხები გაძვირდება. მკვეთრად გაზრდილი ინფლაციის ფონზე, აშშ-ის ფედერალურმა სარეზერვო სისტემამ მონეტარული პოლიტიკა გაამკაცრა. FED-ის გადაწყვეტილებით, ქვეყანაში რეფინანსირების განაკვეთი 75 საბაზო პუნქტით გაიზარდა. განაკვეთის 0.75%-იანი ზრდა აშშ-ის ისტორიაში უჩვეულოდ მაღალი მაჩვენებელია - მსგავსი გადაწყვეტილება FED-მა ბოლოს 1994 წელს მიიღო. რა გავლენა ექნება ამას საქართველოზე? #ახალიამბები #BusinessMediaGeorgia #მონეტარულიპოლიტიკა #რეფინანსირებისგანაკვეთი #საქმიანები #ბიზნესმედია
ფსონი სამხრეთის გაზის დერეფანზე - რუსეთის უკრანაში შეჭრამ დასავლეთი ენერგორესურსების მომწოდებლების ცვლილების აუცილებლობის წინაშე დააყენა. ევროპა უკვე წლებია ცდილობს ენერგორესურსების დივერსიფიცირებას, მაგრამ ახლა მისთვის სასიცოცხლოდ აუცილებელია გაზის ახალი მიმწოდებლების მოძიება. ამ ფონზე გასაკვირი არ არის ფოკუსი სამხრეთის გაზის დერეფანზე და გააქტიურებული საუბრები სწორედ ამ დერეფნის პოტენციალზე... რეალურად რა შესაძლებლობა აქვს დღეს აზერბაიჯანს გახდეს ევროპისთვის რუსეთის ალტერნატივა და რა ცვლილებებია ენეგორუკაზე? სტუმარი: თემურ გოჩიტაშვილი - ექსპერტი ენერგეტიკის სექტორში; #ახალიამბები #BusinessMediaGeorgia
საქართველოში საშუალო ხელფასი 1 446 ლარი და 50 თეთრია - საქსტატმა I კვარტალში საქართველოში საშუალო თვიური ნომინალური ხელფასის სტატისტიკა გამოქვეყნა, რომლის თანახმად, გასული წლის შესაბამის პერიოდთან შედარებით ქვეყანაში ხელფასები 15.1 პროცენტით ანუ 190.3 ლარით გაიზარდა. რომელ სექტორებშია ყველაზე მაღალი ხელფასი და როგორია ყველაზე მაღალი და დაბალი ხელფასების გეოგრაფია? #ახალიამბები #BusinessMediaGeorgia
გასული წლიდან საერთაშორისო ტექნოლოგიურ კომპანიებს, რომლებიც საქართველოშიც ოპერირებენ, საგადასახადო კოდექსში შესული ცვლილებებით, გადასახადის გადახდის ვალდებულება გაუჩნდათ. საუბარია ისეთ ბიზნესებზე, როგორებიცაა: Google, Facebook, Instagram, Airbnb და ა.შ. შესაბამისი გადაწყვეტილება საქართველოს მთავრობამ ევროკავშირის კანონმდებლობასთან ჰარმონიზაციის მიზნით მიიღო. რა თანხა შევიდა საქართველოს ბიუჯეტში აღნიშნული გადასახადებიდან? #ახალიამბები #BusinessMediaGeorgia
დაავადებათა კონტროლის ეროვნული ცენტრის ხელმძღვანელის, ჯანდაცვის მსოფლიო ორგანიზაცია კი მომავალ კვირას საგანგებო შეხვედრას გამართავს, რათა დადგინდეს, არის თუ არა „მაიმუნის ყვავილის“ გავრცელება საერთაშორისო მნიშვნელობის მქონე საზოგადოებრივი ჯანმრთელობის განსაკუთრებული მდგომარეობა. აღსანიშნავია, რომ გაფრთხილების ეს უმაღლესი დონე ორგანიზაციამ, მათ შორის Covid-19-ის, ღორის გრიპისა და ებოლას გამო გამოიყენა. ჯანდაცვის მსოფლიო ორგანიზაციის მონაცემებით, მიმდინარე წელს მსოფლიოს 39 ქვეყანაში ვირუსის 1600 და გარდაცვალების 72 შემთხვევაა დაფიქსირებული. ჯანმოს ხელმძღვანელის შეფასებით, მაიმუნის ყვავილის აფეთქება უჩვეულო და შემაშფოთებელია. აქვს უ არა მსოლფიოს შეშფოთების საფუძველი და რამდენად რეალურია მაიმუნის ყვავილი მორიგ პანდემიად იქცეს? სტუმარი: ზაზა წერეთელი - ნორვეგიის სამეფოს ჯანდაცვის სამინისტროს უფროსი მრჩეველი #ახალიამბები #BusinessMediaGeorgia
მცხეთა-მთიანეთის მხარეში, კერძოდ წილკანში კომპანია „ტიმეოს“ ლოკოკინების გადამამუშავებელი საწარმო გახსნა. კომპანიამ ლოკოკინების გადამამუშავებელი საწარმოს ასაშენებლად დაახლოებით 7 მლნ ლარის ოდენობის ინვესტიცია განახორციელა. უმაღლესი სტანდარტების ქარხანას, მინიჭებული აქვს უნიკალური საწარმოს კოდი. ცნობილია, რომ კომპანი გადამუშავებულ პროდუქტს მთლიანად ექსპორტზე გაიტანს საფრანგეთში. „ტიმეომ“ უკვე გააფორმა ხელშეკრულება ყველაზე დიდ ფრანგულ კომპანიასთან, რომელიც მთლიანად შეისყიდის ქართული საწარმოს მიერ გადამუშავებულ ლოკოკინას. სტუმარი: გიორგი ქადაგიძე - “ტიმეო”-ს თანადამფუძნებელი და აღმასრულებელი ხელმძღვანელი; #ახალიამბები #BusinessMediaGeorgia
20-მა სტარტაპ კომპანიამ საქართველოს ინოვაციების და ტექნოლოგიების სააგენტოს გრანტების პროგრამის ფარგლებში 150 ათას ლარიანი დაფინანსება მოიზიდეს. გადაწყვეტილება საინვესტიციო კომიტეტმა მიიღო, რომელიც მაღალი დონის საერთაშორისო ვენჩურული ინვესტორების მიერ არის დაკომპლექტებული. აღსანიშნია, რომ სააგენტომ 150 ათას ლარიანი თანადაფინანსების გრანტების პროგრამა მიმდინარე წლის 9 მარტს უკვე მერვედ გამოაცხადა. აღნიშნული პროგრამის შვიდი რაუნდის ფარგლებში ჯამურად უკვე დაფინანსებულია 135 სტარტაპი. სტუმარი: ავთანდილ კასრაძე - საქართველოს ინოვაციებისა და ტექნოლოგიების სააგენტოს თავმჯდომარე; #ახალიამბები #BusinessMediaGeorgia
19 საქმე პროკურატურაში და 107 მილიონი ლარის დარღვევები - ეს სახელმწიფო აუდიტის სამსახურის 2021 წლის საქმიანობის შედეგია. საქართველოს პარლამენტმა სამსახურის ანგარიშის განხილვა დღეს დაიწყო. გენერალურმა აუდიტორმა ირაკლი მექვაბიშვილმა საფინანსო საბიუჯეტო კომიტეტს მიაწოდა ინფორმაცია - სად რა გამოწვევებს ხედავს უწყება და რამდენად სრულდება ის რეკომენდაციები, რომლებსაც აუდიტის სამსახური სახელმწიფო ორგანიზაციების აწვდის. #ახალიამბები #BusinessMediaGeorgia
წალკაში, დაშბაშის კანიონზე 240 მეტრის სიგრძის შუშის ხიდი გაიხსნა - დრონის კადრები #ახალიამბები #BusinessMediaGeorgia
თუ სახელმწიფომ ინვესტორს ენერგეტიკული პროექტი ლანგარზე, გასუფთავებული არ მისცა, ისე ინვესტორი აქ არ შემოვა - ეს განცხადება დღეს ენერგეტიკოსმა გია არაბიძემ სემეკისა და ენერგეტიკის სასწავლო ცენტრის ორგანიზებით გამართულ რეგიონალურ ენერგეტიკულ კონფერენციაზე გააკეთა, სადაც ენერგეტიკის სექტორში ინვესტიციებსა და განახლებადი ენერგიების ეფექტიან რეგულირებაზე იმსჯელეს. რა აფერხებს ინვესტიციებს ენერგეტიკის სექტორში? #ახალიამბები #BusinessMediaGeorgia
ინვესტიციების მნიშვნელობაზე და ენერგორესურსების გამოქენებაზე საუბრობდნენ დღეს საერთაშორისო კონფორენციაზე, სახელწოდებით, „ინვესტიციები და დავის გადაწყვეტის ალტერნატიული გზები ენერგეტიკაში“. რა საკითხები განიხილება ღონისძიებაზე? სტუმარი: გიორგი ფანგანი - სემეკის წევრი #ახალიამბები #BusinessMediaGeorgia
„ამ დროისთვის უკვე ყველა დიდი წისქვიკომბინატი გაჩერებულია" - ამის შესახებ „ბიზნესპრესნიუსთან“ ხორბლის მწარმოებელთა ასოციაციის ხელმძღვანელმა განაცხადა. ლევან სილაგავა ამბობს, რომ ასოციაციამ სახელმწიფოს დამაბალანსებელი გადასახადის დაწესება შესთავაზა, რაც წისქვილების ფუნქციონირების აღდგენას უზრუნველყოფს. პასუხს კი, ერთი კვირის ვადაში ელოდებიან. რა მექანიზმს სთავაზობს სახელმწიფოს ასოციაცია? სტუმარი: ლევან სილაგავა - ხორბლის და ფქვილის მწარმოებელთა ასოციაციის ხელმძღვანელი; #ახალიამბები #BusinessMediaGeorgia
ქართულ ენერგეტიკაში 4 მლრდ დოლარის ღირებულების საინვესტიციო პროექტებია გაჩერებული, აცხადებს საქართველოში დიდი კაშხლების ეროვნული კომიტეტის თავმჯდომარე დავით მირცხულავა. გაჩერებულ პროეტებს შორის არის ხუდონჰესის პროექტიც, რომელიც შესაძლოა, განახლდეს თუმცა არა ინვესტორის, არამედ სახელმწიფოს ჩართულობით… მთავრობის პოზიცია, რომ დიდი ჰესები სახელმწიფომ უნდა ააშენოს, როგორც ჩანს ხუდონჰესაც ეხება. როგორც დღეს დავით მირცხულავამ BMG სთან განაცხადა პროექტის გამოსყიდვაზე , მოლპარაკებები მიმდინარეობს. #ახალიამბები #BusinessMediaGeorgia
დღესდღეობით აიდიეს ბორჯომს რამდენიმე მესაკუთრე ჰყავს: ესენია სანქცირებული მიხაილ ფრიდმანის ალფა ჯგუფი, ბიზნესმენ ბადრი პატარკაციშვილის ოჯახი და სხვა მცირე აქციონერები, რომლებსაც კომპანიაში მხოლოდ 4%-მდე წილი აქვთ. საქართველოს სახელმწიფოსთვის 7.73%-იანი წილის გადაფორმების შემდეგ წილები შემდეგნაირად იქნება გადანაწილებული: ალფა ჯგუფი ანუ “ერასმონი ლიმითედი” იქნება 49.99%-ის მფლობელი, “ბლექ ვოთერს ლიმითედი” ანუ პატარკაციშვილების ოჯახი იქნება 38.48%-იანი წილის მფლობელი და 7.73% - საქართველოს სახელმწიფო. გამოდის, რომ აიდიეს ბორჯომის 50.01% ანუ საკონტროლო პაკეტი იქნება არასანქცირებული მესაკუთრეების ხელში - სწორედ ეს ესახებათ მხარეებს ბორჯომის გადარჩენის მთავარ ბერკეტად - რა შეეძლო მიეღო საქართველოს და რა მიიღო IDS borjomi International-თან მოლაპარაკებისგან? სტუმარი: გიგა ბედინეიშვილი - ფინანსისტი; #ახალიამბები #BusinessMediaGeorgia
აქციონერებთან და საერთაშორისო მარეგულირებლებთან მოლაპარაკებები უკვე დასრულებულია. საქართველოს მთავრობა აიდიეს ბორჯომის აქციონერი ხდება. როგორც კომპანიის განცხადებაში წერია, IDS BORJOMI სახელმწიფოს უსასყიდლოდ გადასცემს მხოლოდ 7.73%-იან წილს. ტრანზაციის დასრულების შემდეგ კომპანიის საკონტროლო პაკეტი იქნება ისეთი პირების ხელში, რომლებსაც სანქციები არ ეხებათ, შესაბამისად, ბორჯომი თვე-ნახევრიანი პაუზის შემდეგ ოპერირების გაგრძელებას შეძლებს. საქართველოს სახელმწიფო რომ კომპანიის თანააქციონერი ხდება და მოლაპარაკებები დასრულებულია - ეს დღეს პრემიერმინისტრმა ირაკლი ღარიბაშვილმა მთავრობის სხდომაზე განაცხადა. რა კითხვები ჰქონდა აღნიშნულ გარიგებასთან დაკავშირებით #bmg-ის მთავრობის წევრებთან? #ახალიამბები #BusinessMediaGeorgia
აჭარაში ტურისტული სეზონი 15 ივნისს გაიხსნება. ეს ის სექტორია, რომელზეც წელს მთავრობა განსაკუთრებულ იმედებს ამყარებს. მაისში სექტორის აღდგენა დაჩქარდა და ტურისტების რიცხვმა ბოლო 2 წელიწადში პირველად მიაღწია 2019 წლის დონის 62%-ს. როგორ ემზადება აჭარა სეზონისთვის, რა აქტივობებია დაგეგმილი და რა გამოწვეევბი შეიძლება დახვდეთ დამსვენებლებს ადგილზე? სტუმარი: თინათინ ზოიძე - აჭარის ტურიზმისა და კურორტების დეპარტამენტის თავმჯდომარე; #ახალიამბები #BusinessMediaGeorgia
მომხმარებელთა ინტერესების საზოგადოებრივმა დამცველმა 2020-2021 წლის საქმიანობის ანგარიში წარადგინა. კომუნიკაციების ომბუსდმენი სატელეკომუნიკაციო და ინტერნეტ სექტორში მოხმარებელტა უფლებების შესაძლო დარღვევის ფაქტებს იკვლევს. 2 წლის განმავლობაში კომუნიკაციების ომბუდსმენის ოფისში 1000-მდე საჩივარი შევიდა. ვის და რას უჩიოდნენ მომხმარებლები, გასულ 2 წელში? სტუმარი: გვანცა ჩხეიძე – კომუნიკაციების ომბუდსმენი #ახალიამბები #BusinessMediaGeorgia
„საქართველომ არ უნდა დაუწესოს რუსეთს ინდივიდუალური სანქციები, მაგრამ კითხვაზე - უნდა შეუერთდეს თუ არა საქართველო რუსეთის წინააღმდეგ შემოღებულ საერთაშორისო სანქციებს, ჩემი პასუხია, რომ უკვე შეერთებული ვართ“ - ეს განცხადება პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარემ BMGTV-ის გადაცემა „რედაქტ2“-ში გააკეთა. დავით სონღულაშვილმა ასევე უპასუხა კითხვას - სწორია თუ არა გზავნილი „აბა, ომი გინდათ?“ #ახალიამბები #BusinessMediaGeorgia
დღეს თურქეთ-საქართველოს ბიზნეს ფორუმი - სახელწოდებით „ჩვენებურები“ გაიმართა, რომლის ფარგლებშიც საქართველოში 100-ზე მეტი თურქი მეწარმე და პოტენციური ინვესტორი ჩამოვიდა თურქეთის სხვადასხვა რეგიონიდან. რა პერსპექტივა აქვს თურქეთ-საქართველოს შორის პარტნიორულ ურთიერთობებს და რომელი სექტორები მოექცა მეზობელი ქვეყნის წამყვანი კომპანიების ინტერესის სფეროში? #ახალიამბები #BusinessMediaGeorgia #BMG #საქმიანები #ზექიქონუქოღლუ #სანკოჰოლდინგი
სამრეწველო საქმიანობის შედეგად ატმოსფერულ ჰაერში, წყალში და მიწაში ემისიების პრევენცია ან სადაც ეს პრაქტიკულად შეუძლებელია, ემისიების შემცირება და კონტროლი, ასევე, ნარჩენების წარმოქმნის პრევენცია. ამ მიზანს ემსახურება „სამრეწველო ემისიების შესახებ“ კანონის პროექტი, რომელზეც საქართველოს ბიზნეს ასოციაციის გარემოს დაცვის კომიტეტის წევრებისა და საქართველოს გარემოს დაცვისა და სოფლის მეურნეობის სამინისტროს წარმომადგენლების შეხვედრაზე იმსჯელეს. პროექტი ითვალისწინებს დამატებით სალიცენზიო პირობებს, რომელიც ბიზნესმა უნდა დააკმაყოფილოს. რაზე გამახვილდა ყურადღება შეხვედრაზე, რა ვალდებულებები უჩნდება ბიზნესს? სტუმარი: გივი კალანდაძე - ექსპერტი გარემოსდაცვით საკითხებში #ახალიამბები #BusinessMediaGeorgia
თბილისი დღეს თურქეთ-საქართველოს ბიზნეს ფორუმს - „ჩვენებურებს“ მასპინძლობს. რომლის ფარგლებშიც საქართველოს 100-ზე მეტი თურქი მეწარმე ეწვია. რა სექტორების პრეზენტაცია ხდება, რა კონკრეტული მოლოდინები აქვს ქართულ მხარეს, რა როლი აქვს დიასპორას ქვეყნის ეკონომიკაში და როგორია დიპლომატიური კორპუსის ჩართულობა ქვეყნის საინვესტიციო გარემოს პოპულარიზაციისთვის?! სტუმარი: ვლადიმერ კონსტანტინიდი - საგარეო საქმეთა მინისტრის მოადგილე
რა კითხვები აქვთ ინვესტორებს და რა ფაქტორებია გადამწყვეტი საქართველოში ბიზნესის წამოწყებისთვის. ვინ დაინტერედა ბოლო წლებში საქართველოში ფულის დაბანდებით. იყენებს თუ არა ქვეყანა კონკურენტულ უპირატესობებს და რამდენად ეფექტიანია ბიზნესის ხელშემყობი სახელმწიფო პროგრამები? სტუმარი: მიხეილ ხიდურელი - სააგენტოს „აწარმოე საქართველოში“ დირექტორი; #ახალიამბები #BusinessMediaGeorgia
ციფრული ბანკის შესაქმნელად ლიცენზია ისევ არც ერთ კომპანიას არ მოუპოვებია. ეროვნული ბანკსი პრეზიდენტი ამბობს, რომ ახალი თაობის საფინანსო დაწესებულების გახსნის მიმართ ინტერესი არის თუმცა ეს ინტერესი კონკრეტულ ინვესტიციაში ჯერ არ გადაზრდილა. რატომ არ დაინტერესდა საფინანსო სექტორში გაჩენილი ახალი შესაძლებლობით კერძო სექტორი და რა პერსპექტივებია დღეს ქვეყანაში ამ მიმართულებით? #ახალიამბები #BusinessMediaGeorgia
გაოთხმაგებული ინვესტიციები ... პირველ კვატალში საქართველოში უცხოელმა ინვესტორებმა 568.2 მლნ. დოლარი დააბანდეს. ინვესტიციების ეს მოცულობა არა თუ პანდემიამდელ მაჩვენებელს, არამედ სტატისტიკის აღრიცხვის დაწყებიდან რეკორდულად დიდია. რომელი ქვეყნებიდან ჩაიდო ყველაზე მეტი #FDI? რომელ სექტორებში და ვინ არიან ტოპ ინვესტორები? #ახალიამბები #BusinessMediaGeorgia
თბილისის ანძის მოდერნიზების პროექტი ეკონომიკურად გამართლებულია და მის განხორციელებას 3 წელი დასჭირდება. ეს განცხადება თბილისის მერიის ქონების მართვის სამსახურის უფროსმა დღეს მთავრობის სხდომის დასრულების შემდეგ გააკეთა. მერიაში ამ ეტაპზე ინვესტორი კომპანიის მხრიდან წარდგენილ წინადადებას განიხილავენ, რას გეგმავს ინვესტორი თბილისის ანძაზე და რა რაოდენობის ინვესტიცია დაიხარჯება თბილისის სავიზიტო ბარათად ქცეული სატელევიზიო ანძის განახლებაში? #ახალიამბები #BusinessMediaGeorgia #BMG
საქართველოს მთავრობას სურს, ქვეყანაში ხორბლის თვითუზრუნველყოფილის წილი გაზარდოს. პანდემიისა და რუსეთ-უკრაინის ომის პირობებში ამან განსაკუთრებული მნიშვნელივა შეიძინა. სოფლის მეურნეობის მინისტრი სახელმწიფო პროგარამასაც აანონსებს და ამბობს, რომ საქართველომ თავადვე უნდა აწარმოოს იმ ხორბლის 50%, რომელსაც თავად მოიხმარს. როგორ უნდა მოხდეს ეს და ხორბლის რა ნაწილს ვაწარმოებთ ახლა? #ახალიამბები #BusinessMediaGeorgia #ბიზნესმედია #საქმიანები #BMG
საქართველოში მსოფლიოს ერთ-ერთი უმსხვილესი სტარტაპ-აქსელერატორი, Founder Institute-ი შემოვიდა. გლობალური აქსელერატორის შემოსვლის აღსანიშნავად საქართველოს ბიზნესისა და ტექნოლოგიების უნივერსიტეტში შეხვედრა გაიმართა, რომელსაც ცნობილი ქართველი ანტრეპრენიორები და მეწარმეები დაესწრნენ. #ახალიამბები #BusinessMediaGeorgia
ჯანდაცვის ასოციაციის ინფორმაციით ჯანდაცვის სამინისტრო 520-ე დადგენილებით განსაზღვრული ტარიფების გადახედვას იწყებს. აღნიშნული დადგენილება 2019 წლის ნოემბერში გამოიცა და კლინიკებს კარდიოქირურგიულ და რეანიმაციულ მომსახურებაზე თანაბარი ტარიფები დაუწესა. ეს დადგენილება სამედიცინო სექტორის უკმაყოფილების მიზეზი არაერთხელ გამხდარა, რადგან კლინიკებს მიაჩნდათ და დღემდე მიაჩნიათ, რომ ტარიფები არაადეკვატურია და არ შეესაბამება სერვისებისა და მასალების რეალურ თვითღირებულებას. გარდა 520-ე დადგენილებით განსაზღვრული ტარიფებისა, სამედიცინო სექტორი წლებია ითხოვს საყოველთაო ჯანდაცვის პროგრამის ფარგლებში დადგენილი ტარიფების გადახედვას, რომელიც 2013 წლის შემდეგ არ შეცვლილა. როგორც საყოველთაო ჯანდაცვის პროგრამის, ისე 520-ე დადგენილების ფარგლებში სახელმწიფოს მიერ განსაზღვრული ტარიფების გადახედვის საკითხი შეიძლება ითქვას, რომ დღის წესრიგიდან მოხსნა ჯამდაცვის უწყების მიერ ე.წ DRG-ის ანუ დიაგნოზთან შეჭიდული ჯგუფების დაფინანსების სისტემის დანერგვაზე მუშაობის დაწყებამ, რაც სრულიად ცვლის კლინიკების დაფინანსების მოდელს. ახალ სისტემაზე გადასვლას ჯანდაცვის სამინისტრო წლის ბოლოდან გეგმავს, თუმცა მანამდე სამედიცინო სექტორი სამინისტროს სთხოვს 520-ე დადგენილებით განსაზღვრულ მომსახურებაზე ტარიფებს ინფლაციის პროცენტით გადახედოს. რამდენად თანახმაა აზარაშვილის უწყება ამაზე? სტუმარი: მაია მახარაშვილი - ხეჩინაშვილის კლინიკის ხელმძღვანელი. #ახალიამბები #BusinessMediaGeorgia
საქართველოს მთავრობას სურს, ქვეყანაში ხორბლის თვითუზრუნველყოფის წილი გაზარდოს. პანდემიისა და რუსეთ-უკრაინის ომის პირობებში ამან განსაკუთრებული მნიშვნელიბა შეიძინა. სოფლის მეურნეობის მინისტრი სახელმწიფო პროგარამასაც აანონსებს და ამბობს, რომ საქართველომ თავადვე უნდა აწარმოოს იმ ხორბლის 50%, რომელსაც მოიხმარს. როგორ უნდა მოხდეს ეს და ხორბლის რა ნაწილს ვაწარმოებთ ახლა? #ახალიამბები #BusinessMediaGeorgia #ხორბლისწარმოება
თბილისის ანძის მოდერნიზების პროექტი ეკონომიკურად გამართლებულია და მის განხორციელებას 3 წელი დასჭირდება. ინფორმაცია ამის შესახებ BMG-ის მუნიციპალიტეტის მთავრობის სხდომის დასრულების შემდეგ თბილისის ქონების მართვის საქალაქო სამსახურის უფროსმა მიაწოდა. როგორც ირაკლი თავართქილაძე ამბობს, ამ ეტაპზე ინვესტორის მხრიდან წარმოდგენილი წინადადების განხილვა მიმდინარეობს. რას ამბობს მერია პროექტზე, რომელიც კახა კალაძემ ჯერ კიდევ 2018 წელს დაანონსა? #ახალიამბები #BusinessMediaGeorgia
ტექინსპექტირების ცენტრები დაბალ მიმართვიანობაზე საუბრობენ, კანონის აღსრულების პრობლემებზე მიუთითებენ. პარლამენტი კი საკანონმდებლო ცვლილებებზე მუშაობს, რომლითაც ტექინსპექტირების გაუვლელობისთვის ჯარიმა უნდა გაიზარდოს. როგორ მიმდინარეობს ტექინსპექტირების რეფორმა? #ახალიამბები #BusinessMediaGeorgia
ქართული ღვინის საექსპორტო ბაზრებზე მარკეტინგული კამპანიის სუბსიდირების პროგრამაში ცვლილებები შედის. ღვინის ეროვნული სააგენტოს ხელმძღვანელის ლევან მეხუზლას განცხადებით, რეგისტრაციის ვადები ორი თვით გახანგრძლივდა და ის ბიუროკრატიული მოთხოვნები, რაც პროგრამაში მონაწილეობისთვის იყო საჭირო გამარტივდა. რა მიმართულებები იცვლება კონკრეტულად და რა სჭირდებათ მეღვინეებს? #ახალიამბები #BusinessMediaGeorgia
გამოცდილება, ფინანსებზე ხელმისაწვდომობა და საექსპორტო ბაზრების ათვისება- ეს არის ის საკითხები, რომელსაც საქართველოში ქალი მეწარმეები მთავარ გამოწვევად ასახელებენ. ამ საკითხებზე იყო საუბარი დღეს საქართველოსა და ესტონეთის სავაჭრო სამრეწველო პალატების ორგანიზებით გამართულ ქალ მეწარმეთა ფორუმზე, სადაც დამწყები და წარმატებული ქალი მეწარმეები ერთმანეთს გამოცდილებას უზიარებდნენ. სტუმრები: გიორგი ვეკუა - სავაჭრო სამრეწველო პალატის ბიზნესის განვითარების დეპარტამენტის დირექტორი; ნინა მენთეშაშვილი - „ალტერსოქსის“ დამფუძნებელი. #ახალიამბები #BusinessMediaGeorgia
ქართული ღვინის საექსპორტო ბაზრებზე მარკეტინგული კამპანიის სუბსიდირების პროგრამაში ცვლილებები შედის. ინფორმაცია ამის შესახებ bm.ge-ის ღვინის ეროვნული სააგენტოს ხელმძღვანელმა ლევან მეხუზლამ მიაწოდა. როგორც ის ამბობს, რეგისტრაციის ვადები ორი თვით გახანგრძლივდა და ის ბიუროკრატიული მოთხოვნები, რაც პროგრამაში მონაწილეობისთვის იყო საჭირო გამარტივდა. რა განახლებულ პირობებს სთავაზობს ღვინის მწარმოებლებს სახელმწიფო და რა იცვლება მარკეტინგული აქტივობების თანადაფინანსების პროგრამაში? #ახალიამბები #BusinessMediaGeorgia
„ახლა მკაცრი ფისკალური პოლიტიკა უნდა გატარდეს“ - ეს განცხადება ეკონომიკის ყოფილმა მინისტრმა და დღეს უკვე ეროვნული ბანკის საბჭოს წევრის თანამდებობაზე წარდგენილმა ნათია თურნავამ პარლამენტში გააკეთა, სადაც დეპუტატების წინაშე თავისი ხედვით წარსდგა და მათ კითხვებსაც უპასუხა. ნათია თურნავას დავით სონღულაშვილის და ირაკლი კოვზანაძის კომიტეტებში მოუსმინეს. #ახალიამბები #BusinessMediaGeorgia
როგორია აღდგენის დინამიკა საქმიანი ტურიზმის სეგმენტში და შეცვალა თუ არა პანდემიამ საქმიან ვიზიტებზე მოთხოვნა? სტუმარი: ირმა კოდუა - „საქართველოს ბიზნეს ტურიზმის ასოციაციის" დამფუძნებელი #ახალიამბები #BusinessMediaGeorgia
„ბორჯომის აქციონერი საქართველოს მთავრობა გახდება“ - ინფორმაცია საქართველოს პრემიერმინისტრმა დღეს მინისტრთა კაბინეტის სხდომაზე გააჟღერა. ირაკლი ღარიბაშვილის თქმით, ეს იქნება გამოსავალი შექმნილი მდგომარეობიდან, როცა აიდიეს ბორჯომის წარმოება გაჩერებულია, ანგარიშები კი დაყადარებული, რისი მიზეზიც მისი რუსი მფლობელის მახაილ ფრიდმანის დასაქნცირება გახდა. პრემიერმა დღეს ეკონომიკური ზრდითაც მოიწონა თავი და თქვა, რომ საქართველოს უპრეცენდენტო ეკონომიკური ზრდა აქვს და ამ შედეგებს დავოსის ეკონომიკურ ფორუმზე ევროპელი კოლეგებიც გაკვირევებულები უსმენდნენ. #ახალიამბები #BusinessMediaGeorgia