კოოპერატივი ბუკისციხე ტრადიციული ღვინის მოყვანის მეთოდებთან ერთად თანამედროვე ტექნოლოგიებსაც იყენებს.სულ მალე სოფელს თავისივე ღვინის ქარხანაც ექნება.კოოპერატივმა საქმიანობა ევროკავშირის პროექტ ენპარდის დახმარებით დაიწყო.ჩვენი გადამღები ჯგუფი კოოპერატივს რთველის პერიოდში ეწვია და პროცესში მონაწილეობაც მიიღო.თუ რა არის ის ფაქტორები,რითაც ბუკისციხე ქართულ ბაზარზე ადგილს იმკვიდრებს ვნახოთ ანუკა ჯოხაძის სიუჟეტში. 19/12/2017
მსოფლიო ბირჟებზე და ბაზრებზე გოგა მელიქიძე გვამოგზაურებს. სტუმარი: გოგა მელიქიძე, Galt & Taggart-ის საბროკერო მიმართულების ხელმძღვანელი 19/12/2017
კომპანიამ Euromonitor International ტურისტების მიერ ყველაზე ხშირად მონახულებადი ქალაქების ყოველწლიური რეიტინგი გამოაქვეყნა. Euromonitor International-ის ექსპერტებმა უცხოელი ვიზიტორებისთვის ყველაზე პოპულარულ ქალაქად ჰონგ-კონგი დაასახელეს. აღნიშნული კვლევის მიხედვით, მიმდინარე წელს ჰონგ-კონგი 25, 7 მილიონმა ტურისტმა მოინახულა. რეიტინგის მეორე პოზიციაზე კვლავ აზიური ქალაქია - ბანგკოკი. კვლევამ აჩვენა, რომ მიმდინარე წელს ბანგკოკს 23, 3 მილიონი უცხოელი ვიზიტორი ესტუმრა. სიის მესამე ადგილი 19, 5 მილიონი ტურისტით დიდი ბრიტანეთის დედაქალაქს - ლონდონს ერგო. ყველაზე მონახულებადი ქალაქების რეიტინგის პირველ ათეულში ასევე სინგაპური, მაკაო, დუბაი, პარიზი, ნიუ-იორკი, ჩინეთის ქალაქი შენზენი და კუალა-ლუმპური მოხვდნენ. Euromonitor International-ის კვლევის მიხედვით, ტურისტებისთვის ყველაზე პოპულარული კონტინენტი აზიაა, ხოლო მეორე პოზიცია ამ კუთხით დასავლეთ ევროპას უკავია. ყველაზე მონახულებადი ქალაქების ათეული შემდეგია: 1.ჰონგ-კონგი - ჩინეთი (25.7 მილიონი ტურისტი) 2.ბანგკოკი - ტაილანდი (23.27 მილიონი ტურისტი) 3.ლონდონი - დიდი ბრიტანეთი (19.8 მილიონი ტურისტი) 4.სინგაპური - მსოფლიოს ერთადერთი კუნძულოვანი ქალაქ-სახელმწიფო (17.6 მილიონი ტურისტი) 5.მაკაო - ჩინეთი (16.3 მილიონი ტურისტი) 6. დუბაი - არაბეთის გაერთიანებული საემირეოები (16 მილიონი ტურისტი) 7.პარიზი - საფრანგეთი (14.3 მილიონი ტურისტი) 8.ნიუ-იორკი - აშშ (13.1 მილიონი ტურისტი) 9.შენზენი - ჩინეთი (12.96 მილიონი ტურისტი) 10. კუალა-ლუმპური - მალაიზია (12.8 მილიონი ტურისტი) 19/12/2017
OECD-ის კვლევის მიხედვით, საკუთარი ქვეყნის მთავრობას ყველაზე მეტად შვეიცარიაში ენდობიან და ეს მაჩვენებელი 82%-ს შეადგენს. კვლევისას სხვადასხვა ინდიკატორები გამოიყენეს, მათ შორის პოლიტიკური და ეკონომიკური მდგომარეობა, კორუფციასთან დაკავშირებული მოვლენები და ანტიკორუფციული ქმედებები. OECD -ის წევრ ქვეყნებში საშუალოდ მთავრობის მიმართ ნდობა მოსახლეობის 42%-ს აქვს. ბოლო 10 წელში მთავრობის მიმართ ნდობა 3%-ით შემცირდა. ყველაზე მეტად ხელისუფლებამ მოსახლეობის ნდობა ჩილეში, ფინეთსა და საბერძნეთში დაკარგა. საბერძნეთში მთავრობას გამოკითხული ყოველი 10 პირიდან მხოლოდ 1 ენდობა. მთავრობის მიმართ ყველაზე მაღალი ნდობა შემდეგ ქვეყნებშია: შვეიცარია - 82% ინდონეზია - 82% ინდოეთი - 73% ლუქსემბურგი- 68% ნორვეგია - 66% კანადა - 64% თურქეთი - 57% ახალი ზელანდია - 56% ისლანდი - 56% ნიდერლანდების სამეფო - 56% 19/12/2017
ბიზნეს სესხებზე ხელმისაწვდომობის რეიტინგში საქართველო მსოფლიოში 46-ე ადგილზეა. მსოფლიო ეკონომიკური ფორუმის (WEF) რეიტინგი 137 ქვეყნის მონაცემს ჯამში 7 ქულით აფასებს, სადაც 7 საუკეთესო, ხოლო 1 კი ყველაზე დაბალი შეფასებაა. საქართველოს სარეიტინგო ქულა 4,2-ია. სესხებზე ხელმისაწვდომობის სიმარტივის კუთხით პირველ ათეულს იკავებენ: ახალი ზელანდია - 5,7 ქულა ამერიკის შეერთებული შტატები - 5,5 ქულა სინგაპური - 5,5 ქულა ფინეთი - 5,4 ქულა გვინეა - 5,4 ქულა ტაივანი - 5,4 ქულა კატარი - 5,3 ქულა იაპონია - 5,2 ქულა არაბეთის გაერთიანებული საემიროები - 5,2 ქულა გერმანია - 5,2 ქულა საქართველოს მეზობელი თურქეთი სიაში 51-ე ადგილზეა, აზერბაიჯანი 57-ზე, სომხეთი 65-ზე, ხოლო რუსეთი კი 110-ზე. რეიტინგში 103-ე პოზიციაზეა უკრაინა. 19/12/2017
III კვარტალში საშუალო ხელფასი შემცირდა. საქსტატის ცნობით, საშუალო ხელფასი 1069 ლარს შეადგენდა, წინა კვარტალთან შედარებით კლება 2 ლარი იყო ლარია. წინა წლის მესამე კვარტალთან შედარებით კი საშუალო თვიური ხელფასი 9%-ით არის გაზრდილი. სხვათა შორის საფინანსო სექტორმა ლიდერობა სფეროების მიხედვით თუ დავყოფთ საშუალო ხელფასებს, ლიდერობა დათმო. 2017 წლის მესამე კვარტალში ყველაზე მაღალი საშუალო ხელფასი დაფიქსირდა მშენებლობის სექტორში - 2000 ლარი. მას საფინანსო საქმიანობა - 1861 ლარით მოჰყვება, ხოლო მესამეზე სამთომომპოვებითი მრეწველობაა - 1338 ლარით. ყველაზე დაბალი ხელფასი განათლების სფეროშია - თვეში საშუალოდ 566 ლარი. შემდეგ მოდის სოფლის მეურნეობა - 743 ლარით. 2016 მესამე კვარტალთან შედარებით, საშუალო თვიური ხელფასი ყველაზე მეტად მშენებლობაში გაიზარდა - 36.9%-ით. შემდეგ მოდის სოფლის მეურნეობა 25.5%-ით. ხელფასი შემცირდა მხოლოდ სახელმწიფო მმართველობაში - 4.8%-ით. 19/12/2017
პარასკევ საღამოს ჰოთელ პრეფერენს ჰუალინგში რესტორნებისა და ღვინოს შემფასებელი საერთაშორისო ბრენდის გოემიოს გალა ღონისძიება გაიმართა, სადაც 2018 წლის ქართველი შეფ მზარეული გამოვლინდა.. საღამოს ნინი ლონგურაშვილი ესწრებოდა და ახლა შეგვიძლია მისი სიუჟეტოდან გავიგოთ თუ ვინ მიიღო გოემიოს საერთაშორისო ჯილდო. 18/12/2017
კომპანია მ2-მა გერმანულ საერთაშორისო ორგანზიაცია ASB-თან ურთიერთთანამშრომლობის ფარგლებში ევაკუაციის სიმულაცია ჩაატარა. სიმულაცია რისკების პრევენციას და მოსახლეობაში კატასტროფების დროს ქცევის გაცნობას ეძღვნებოდა. სტუმარი: თეონა ჯულუხაძე, არბაითერ- სამარიტერ- ბუნდის კატასტროფის რისკის შემცირების პროგრამის კოორდინატორი და ნატო ბოჭორიშვილი, m2-ის უძრავი ქონების მართვის დეპარტამენტის უფროსი 18/12/2017
გასულ უქმეებზე კოპენჰაგენის ცენტრში დიდი ხეების დარგვის ღონიძიება შედგა სადაც დანიურ save the children თან ერთად რაჭული ნაძვის ხეები დაირგო. ეს გარკვეულწილად ტურისტული ატრაქცია იყო მათთვის ვისაც კითხვაზე პასუხის მიღება სურს თუ საიდან მოდის საშობაო ნაძვის ხეები ? სტუმარი: ჟანა ბაბუნაშვილი, Fair Trees-ის საქველმოქმედო ფონდის პროექტების მენეჯერი 18/12/2017
ტოიტა ცენტრი თეგეტა მორიგ სიახლეს სთავზაბს თავის მომხმარებლებს და მათ შთამბეჭდავი შოუ პერფორმანსით ახალი ლენდ კრუიზერ პრადო წარმოუდგინა,რომელიც კიდევ უფრო მრავალფუქციურია ვიდრე მისი წინამორბედი მოდელები.რა არის ის უპირატესობები ,რითაც ახალი ავტომობილი გამოირჩევა ვნახოთ სიუჟეტი. 18/12/2017
1829 წელს თბილისში პირველი აფთიაქი გაიხსნა, რომელმაც რამდენჯერმე შეიცვალა მისამართი და საბოლოოდ ლეონიძის ქუჩაზე დაიდო ბინა. სამსართულიან შენობაში განთავსებული აფთიაქი დღესაც ფუნქციონირებს. ემილ ავდალიანი, ქართული ბიზნესის ისტორიები 18/12/2017
ამასობაში, ბიზნესექტორის წარმოამდგენლები პარლამენტის მორიგ გადაწყვეტილებას აპროტესტებენ.ვიდრე სათამაშო ბიზნესის ახალ რეგულაციებთან დაკავშირებით ვისაუბრებ, რაც იურიდიული კომიტეტის მორიგ გენიალურ გადაწყვეტილებას უკავშირდება: „ჩვენ გვსურს, რომ ამ სფეროში კარგი კანონმდებლობა გვქონდეს და უკვე გავუგზავნეთ კანონპროექტი ფინანსთა სამინისტროს“, — განაცხადა ბესელიამ. ქალბატონმა ბესელიამ ეტყობა კოდერის და აიტის უნარების განსაკუთრებული თვისებები გამოავლიან ამ კანონპრექტის შედგენისას სხვა ინიციატორებთან ერთად. არც და დიდი ალბათ უფრო ვერც ხვდებიან რომ ეს ყველაფერი მოსარგებლეთა უცხოურ და არალიცენზირებულ ვებ გვერდებზე გადასვლას გამოიწვევს . თუმცა რა პრობლემაა,ისე უფასო მინდა მივცე იურიდიულ კომიტეტს და პარლამენტარებს,ვინც გამოირჩევიან კონგეინიალურობით ბოლო დროს მაუწყებლობის კანონი და უამრავი აქვთ აქტივში რაზეც თოვლის შედარებით ახალგაზრდა ბაბუა მადლობას ეტყივს,ინტერნეტი აკრძალეთ,სჯობს და ისე იარეთ წინ. 18/12/2017
საქართველოში ენერგორესურსების ყველაზე დიდი მომხმარებელია ტრანსპორტის სექტორი, რომელზეც მოდის მთლიანი მოხმარების 35,5%. სტატისტიკის სამსახურის მონაცემებით, 2016 წელს მოხმარებული ენერგორესურსების 29,4% მოდის შინამეურნეობებზე, 17,9% - მრეწველობაზე, 2,6% - მშენებლობაზე, სოფლის, სატყეო და თევზის მეურნეობაზე 0,7%, ხოლო დარჩენილი 13,9% - კერძო და სახელმწიფო მომსახურების სხვა დარგებზე ნაწილდება. საქართველოში ელექტროენერგიის წარმოება 2016 წელს, წინა წელთან შედარებით 6,8%-ით გაიზარდა და შეადგინა 11573,6 მილიონი კვტ. სთ. 2016 წლის განმავლობაში მოპოვებულია 38,6 ათასი ტონა ნედლი ნავთობი, რაც გასულ წელთან შედარებით 4,0%-ით შემცირებული მაჩვენებელია. 296,5 ათასი ტონა შეადგინა ქვანახშირის მოპოვებამ, რაც 3,1%-ით შემცირებული მაჩვენებელია. გასულ წელს 6,6 მილიონი მ3 ბუნებრივი გაზის მოპოვება მოხდა, რაც გასულ წელთან შედარებით 42,1%-ით ნაკლებია. ელექტროენერგიის მოხმარებამ 2016 წელს შეადგინა 10486,5 მლნ.კვტ.სთ , რაც გასულ წელთან შედარებით 5,9%-ით გაზრდილი მაჩვენებელია. ბუნებრივი გაზის მოხმარებამ შეადგინა 2125,7 მლნ.კუბ.მ, რაც 6,8%-ით შემცირებული მაჩვენებელია, ხოლო ნავთობპროდუქტების მოხმარება გასულ წელთან შედარებით გაზრდილია 12,6%-ით. ელექტროენერგიის მიხმარება იზრდება და შესაბამისად იზრდება საინვესტიციო მოთხოვნილება ამ მიმართულებით.
KPMG-მ გამოაქვეყნა ე.წ “ამწეების ინდექსი”, რომელშიც 2017 წლის მეოთხე კავრტალში დედაქალაქში მიმდინარე თუ მშენებლობებია გაანალიზებული. კვლევა მხოლოდ მასშტაბურ მშენებლობებს მოიცავს და მასში არ შედის მცირე ზომის კომპლექსების მშენებლობები. წლის პირველ კვარტალთან შედარებით, მასშტაბური მშენებლობების რაოდენობა თბილისში 9,3%-ით გაიზარდა. საანგარიშო პერიოდში, ანუ მეოთხე კვარტალში კი ყველაზე მეტი მშენებლობა ვაკეში მიმდინარეობდა. მას მოსდევს საბურთალო, ისანი-სამგორი, ნაძალადევი და გლდანი. ჯამში მშენებლობების 50% ვაკე-საბურთალოზე მოდის. მშენებლობების ყველაზე დიდი წილი საცხოვრებელ კომპლექსებზე მოდის, - ჯამში მთლიანი მშენებლობების 67% სწორედ საცხოვრებელ კომპლექსებთანაა დაკავშირებული, 15,5% კი მულტიფუნქციურ შენობებზე მოდის. პირველ კვარტალთან შედარებით, 66%-ით შემცირდა სასტუმროების მშენებლობა.
ამასობაში გადავხედოთ იმას, რაც არ გამორჩა ბიემჯის მაყურებელს ტვ პირველზე: IPM კვლევის მიხედვით, მედიაში ყველაზე აქტიურად 32 ინდუსტრიაზე შუქდება აქტივობები. 21 სექტორი, საკუთარ მედია გამოვლინებების მოცულობებში, 2000-ზე მეტ სტატია/სიუჟეტს აერთიანებს, წლის განმავლობაში. „ფინანსური“ სექტორი ყველაზე წარმომადგენლობითია და მთელი ბიზნეს გამოვლინების 35%, სწორედ ამ სფეროზე მოდის. თუ გავითვალისწინებთ, რომ ჩვენს ქვეყანაში, ბანკები ყველა მიმართულებით, ყველაზე აქტიურნი არიან, ეს სრულიად ლოგიკურია. მეორე და მესამე ადგილოსანი სექტორები „მშენებლობა“ და „ვაჭრობა“, მნიშვნელოვნად ჩამორჩებიან პირველ ადგილს, თუმცა საკმაოდ აქტიურები იყვნენ წლის განმალობაში, თუ გავითვალისწინებთ, რომ მათ მიერ მოპოვებული 9%, 37 000 ერთეულ სტატია/სიუჟეტზე მეტს ითვალისწინებს. 18/12/2017
საქართველოს ძიუდოისტთა ნაკრებმა სანქტ-პეტერბურგის მასტერსზე გამოსვლა ბრწყინვალე შედეგით დაასრულა. რუსეთში გამართულ წლის პრესტიჟულ დასკვნით ტურნირზე ქართველმა ძიუდოისტებმა ხუთი მედალი მოიპოვეს, აქედან 3 ოქრო, ერთი ვერცხლი და ერთი ბრინჯაო. სანქტ-პეტერბურგის დარბაზში საქართველოს ჰიმნი სამჯერ აჟღერდა.ოქროს მედლები გურამ თუშიშვილმა, ბექა ღვინიაშვილმა და ვარლამ ლიპარტელიანმა მოიპოვეს. შაბათს კი ლაშა შავდათუაშვილმა ვერცხლი, ხოლო ვაჟა მარგველაშვილმა ბრინჯაოს მედალი მოიგო. საერთო გუნდურ ჩათვლაში, საქართველოს ვაჟ ძიუდოისტთა ნაკრებმა, პირველი ადგილი დაიკავა. 18/12/2017
სტარტაპი, რომელიც მომხმარებლებს ფერად და მხიარულ ხელნაკეთ ნივთებს სთავაზობს, ბიზნეს დაჯილდოება 2017 -ის გამარჯვებული გახდა. საუბარია ჰიპიზე, რომელიც“წლის სტარტაპერად“ შეფასდა და მოსახლეობის ყველაზე მეტი მოწონება დაიმსახურა. როდის გაჩნდა იდეა მცირე მეწარმეობის შესაქმნელად, როგორია სტარტაპერების გზა წარმატებისკენ და მათი სამომავლო გეგმები, დეტალები ვნახოთ მარიამ ადამიას სიუჟეტში. სტუმარი : დემეტრე მარხვაიძე, Hippie-ის ერთ-ერთი დამფუძნებელი 15/12/2017
საქართველო ელექტრონული სპორტული ტურნირის მასპინძელია. 14 დეკემბრიდან აბრეშუმის ქარხანა სრულიად ახალ დატვირთვას იძენს და ყაზახეთიდან, უკრაინიდან და რუსეთიდან პროფესიონალი მოთამაშეების თავშეყრის ადგილი ხდება. სტუმარი: ლევან გოგორელიანი, საქართველოს კიბერსპორტის ფედერაციის თანადამფუძნებელი;
"საქართველოს საგადასახადო კოდექსში” ცვლილებები შედის, რაც კაპიტალის ბაზრის დაბეგვრის პრინციპების შეცვლას და რიგი პრეფერენციების დაწესებას მოიცავს. ფინანსთა სამინისტროში ამბობენ, რომ ცვლილებები ხორციელდება ასოცირების შეთანხმებით გათვალისწინებული ვალდებულებების ფარგლებში, შესაბამისი დირექტივების კანონმდებლობაში ასახვის მიზნით. მათივე განმარტებით, ცვლილება ხელს შეუწყობს საქართველოსა და ევროკავშირის ქვეყნებში დაფუძნებულ ბიზნესებს შორის საქმიანი ურთიერთობების განხორციელებას. სტუმარი: ეფრემ ურუმაშვილი, ფინანსისტი; ლაშა ხუციშვილი, ფინანსთა მინისტრის მოადგილე 15/12/2017
კომპანია დოქტას ჯორჯია თავის მომხმარებელს საახალწლო ფასდაკლებებს და სხვადასხვა აქციებს უკვე სთავაზობს,რასაც პროდუქციაზე გაზრდილი მოთხოვნაც მოწმობს.კომპანიამ თავისი შოურუმი მომხმარებლებისთვის უკვე მორთო რა არის ის სიახლეები რითაც დოქტას ჯორჯიას მომხმარებლები ისარგებლებენ ვნახოთ სიუჟეტი. 15/12/2017
ენერგეტიკისა და წყალმომარაგების მარეგულირებელმა კომისიამ GWP-ს მომდევნო 3 წლის საინვესტიციო გეგმების განხილვა 18 დეკემბრამდე გადადო. ამის მიზეზი კომპანიის მხრიდან დამატებითი არგუმენტების წარდგენა გახდა. შესაბამისად, 18 დეკემბერს გახდება ცნობილი, შეითანხმებს თუ არა სემეკი GWP-ს საინვესტიციო გეგმას, რომელიც სამომხმარებლო ტარიფის დაანგარიშებისას საოპერაციო დანახარჯებთან ერთად ერთ-ერთი მთავარი კომპონენტია. სტუმარი: ლევან კალანდაძე, ეკონომიკის ექსპერტი; ანდრია გვიდიანი, „ახალგაზრდა ფინანსისტთა და ბიზნესმენთა ასოციაციის“ ანალიტიკოსი 15/12/2017
წინასაახალწლო სამზადისია კომპანია ვიშლისთში. კომპანია თავისი მომხმარებლებისთვის მრავალ აქციასა და ფასდაკლებას აწესებს,რითაც მშობლებსა და ბავშვებს განსაკუთრებუ განწყობას უქმნის. დეტალები ვნახოთ ანუკა ჯოხაძის სიუჟეტში. სტუმარი: თამარ ყვავილაშვილი, Wishlist-ის გაყიდვების მენეჯერი 15/12/2017
ზაფხულის ცხელ სეზონზე ალბათ ყველას უყიდია ბათუმის სანაპიროზე სიმინდი, რომელიც გაგიკვირდებათ და სამეგრელოს სოფელ კეთილარში ეკოლოგიურად სუფთა მიწაზე იწარმოება. სიმინდი კოოპერატივ ფერმერ 2015-ს მოჰყავს. აღნიშნული საქმიანობა ადგილობრივებმა ევროკავშირის პროექტ ენპარდის ფარგლებში დაიწყეს. კიდევ რას სთავაზობს კოოპერატივი დაინტერესებულ პირებს ვნახოთ ანუკა ჯოხაძის სიუჟეტში. 15/12/2017
ქართველ მეთაფლეებს ჯერ გამოწვევები და პრობლემები სხვა მიმართულებით აქვთ მაგრამ ერთ ვიდეოს გადავაწყდი და ამასაც გაგიზიარებთ. ჩვენებურ მეფუტკრეებსაც გამოადგებათ. ეს არის ინოვაციური სკა, რომელიც თაფლის ნაკადებს სწრაფად და მარტივად ათავსებს ჭურჭელში. სკაში ჩაშენებულია ფიჭა, სადაც გროვდება ფუტკრების ნაშრომი და დამზადებული თაფლი და შესაბამისად ჩანს კიდეც მოქმდება როგორ იწურება თაფლი. ასეთი მოქმედებისას არც ფუტკრების შეწუხება და ზიანება ხდება და თაფლიც მილების დახმარებით ხვდება შესაბამის ჭირჭელში. ტრადიციულად თაფლის ამოღება სხვა ფორმით ხდება. ერთჯერადი ფიჭის ამოსაღებად დაჭიროა სკის გახსნა, ე.წ ჩარჩოს ამოღება და ახლით ჩანაცვლება. აქ კი ჩარჩო თვითცლადია.და იოლად იცლება მას შემდეგ რაც სკას ფუთკრები ნექტრით ავსებენ . 15/12/2017
მარიოტის და ნებისმიერი კლასის სხვა სასტუმროების სამზარეულოს განუყოფელი ატრიბუტი, უფრო სწოად პროდუქტია თაფლი. გუშინ, საინტერესო ინფორმაციას წავაწყდი თაფლის თემაზე, და აგერ ბატონო: კოოპერატივ "მუხურის ფუტკარის" გამგეობის თავმჯდომარე ბონდო აბაშიძე ბაზარზე თაფლის ფალსიფიცირების პრობლემაზე საუბრობს. როგორც მან საქმის კურსს განუცხადა, მისი ინფორმაციით თბილისში გასაყიდად გამოტანილი 10 თაფლიდან 9 ფალსიფიცირებულია. ბიემჯის კითხვაზე, რა აძლევს ამის თქმის საშუალებას, ფერმერი პასუხობს, რომ სურსათის ეროვნულმა სააგენტომ ლატვიაში, რიგაში თაფლის 102 ნიმუში გაგზავნა, საიდანაც მხოლოდ 8 აღმოჩნდა უმაღლესი ხარისხის, აქედან ერთ-ერთი კი "მუხურის თაფლია". ბიემჯის სწრაფად გამოეხმაურა სურსათის უვნებლობის სააგენტო - 2016 წელს ლაბორატორიაში შესამოწმებლად გაგზავნეს თაფლის 104 ნიმუში და აქედან მხოლოდ 18 მათგანში აღმოჩნდა დარღვევები. წლევანდელი შედეგი ჯერჯერობით ცნობილი არ არის. 15/12/2017
Marriott 3-4 წელში საქართველოში 7 ახალი სასტუმროს მართვაში შესვლას გეგმავს. კომპანიის რეგიონალურმა ვიცე-პრეზიდენტმა პანკაჯ ბირლამ ბიემჯისთან საუბრისას განაცხადა, რომ Marriott-ს საქართველოში ყველაზე მსხვილი სასტუმრო ოპერატორის სტატუსის მოპოვება სურს.მარიოტი 12 განსხვავებულ ბრენდს აერთიანებს, მასში არის როგორც საშუალო ასევე მაღალი კლასის ბრენდები. მაგალითად "მოქსის" ბრენდი შედარებით დაბალფასიანია და ახალგაზრდა მომხმარებელზეა გათვლილი, ფასიც შესაბამისი.”მოთხოვნას ვხედავთ და სწორედ ამიტომ ვზრდით ინვესტიციას. საქართველოს ბაზარს ნათელი მომავალი აქვს“, - ამბობს კომპანიის ვიცე-პრეზიდენტი ჩვენს ბიემჯისთან საუბარში.
საქართველოს პრეზიდენტმა სემეკის წევრის ვაკანტურ თანამდებობაზე თბილისის ყოფილი მერის, დავით ნარმანიას კანდიდატურა წარადგინა. პრეზიდენტის მხრიდან სემეკის წევრობაზე ამ დრომდე უკვე წარდგენილები და დამტკიცებულები არიან მაია მელიქიძე და გოჩა შონია. გიორგი გახარია, შინაგან საქმეთა მინისტრი რომელიც დანიშვნისთანავე საკმაოდ მძიმე გამოწვევების წინაშე დადგა აგრძელებს საკადრო ცვლილებებს უწყებაში. საინტერესო მიმართულებითაც, ნათია მეზურნიშვილის და ნინო ჯავახაძეს მინისტრის მოადგილედ დანიშვნის შემდეგ, ახალი საკადრო გადაწყვეტილება შინაგან საქმეთა სამინისტროს საერთაშორისო ურთიერთობების დეპარტამენტის შეეხო, რომლის დირექტორად ეკატერინე მაჭავარიანი დანიშნა. ჩვენს ხელთ არსებული ინფორმაციით, ეს არ არის ბოლო გადაწყვეტილება მშვენიერი სქესის წარმომადგენელთა დანიშვნისა შინაგან საქმეთა სამინისტროში. მარიანა მორგოშია, რომელიც დღეს სააგენტო საწარმოე საქართველოს ხელმძღვანელობს, მალე შინაგან საქმეთა სამინისტროს მომსახურების სააგენტოს ჩაუდგება სათავეში. ვინ ჩაანაცვლებს მარიანა მორგოშის ეკონომიკის სამინისტროში,ეს ჯერჯერობით უცნობია. 15/12/2017
რაც შეეხება 2018 წლის სახელმწიფო ბიუჯეტს: 12,459,500,000 ლარი არის ის თანხა რომელსაც მთავრობა 2018 წელს დახარჯავს. პარლამენტმა მესამე მოსმენით 2018 წლის ბიუჯეტი გუშინწინ მიიღო. მას მხარი 111-მა დეპუტატმა დაუჭირა. ბიუჯეტის აღნიშნული მოცულობა რეკორდულია და ის 2017 წლის მაჩვენებელს 943 მილიონი ლარით აღემატება. ბიუჯეტის მიხედვით, არ იზრდება ხანდაზმულობის პენსია და ის ისევ 180 ლარზე რჩება, ასევე არ იზრდება დევნილთა შემწეობები და პირველი და მეორე ჯგუფის შშმ პირთა პენსია. თუმცა ამის სანაცვლოდ 20 მილიონი ლარით, 1,413,619,000 ლარამდე იზრდება საჯარო მოხელეთა სახელფასო ფონდი. ბიუჯეტში ასახულია სამინისტროების რაოდენობის შემცირება. საინტერესოა, რომ შესამცირებელი სამინისტროების ბიუჯეტები ჯამში 200 მილიონ ლარზე მეტად მცირდება, თუმცა ამ შემცირების მიუხედავად ბიუჯეტის მთლიანი მოცულობა 56 მილიონი ლარით იზრდება. სამინისტროების გაერთიანებით საჯარო მოხელეთა რაოდენობა მხოლოდ 6 პირით მცირდება. სამინსტროებს შორის ყველაზე დიდი ბიუჯეტი ჯანდაცვის, ინფრასტრუქტურის და განათლების სამინისტროებს აქვთ. კერძოდ, 2018 წელს ჯანდაცვის სამინისტროს ბიუჯეტი 3.5 მილიარდი ლარი იქნება, ინფრასტრუქტურის სამინისტროს - 1.8 მილიარდი ლარი და განათლების სამინისტროს - 1.2 მილიარდი ლარი. 15/12/2017
ნაღვლის ბუშტის ოპერაციის დროს მუცელში ჩარჩენილმა ამ სამედიცინო ხელსაწყომ პაციენტის მუცლის ღრუში 25 წელი „იცხოვრა“", - ამის შესახებ სამედიცინო კლინიკა "ინოვა" სოციალურ ქსელში აქვეყნებს ინფორმაციას ფოტოებთან ერთად. "მეოთხედი საუკუნის შემდეგ, "ინოვაში" ჩასატარებელი წინასაოპერაციო კვლევების დროს მაგნიტო-რეზონანსული ტომოგრაფიის აპარატმა ამ „დარტყმას“ ვერ გაუძლო; კომპიუტერულმა ტომოგრაფიამ პასუხად დაგვიბრუნა, რომ მეტალის საგანი იყო მუცლის ღრუში. პაციენტის გვარი უცნობია, თუმცა ონკოლოგიური ოპერაციის დროს „ინოვას“ ონკოქირურგმა, ირაკლი თოდუამ პაციენტის მუცლიდან სამედიცინო პინცეტი „ამოიყვანა“", - წერს კლინიკა "ინოვა" 15/12/2017
ეს ნოქსვილის სკოლის მოსწავლე კიტონ ჯონსია, რომელიც თანატოლების მხრიდან ჩაგვრის მსხვერპლი გახდა. ვიდეო, სადაც ის მის მიმართ ბულინგის შესახებ ყვება, ინტერნეტ სივრცეში მისმა დედამ განათავსა. კიტონი ყვება, რომ სხვები მას ცხვირის გამო დასცინიან, ეძახიან მახინჯს და ეუბნებიან, რომ მეგობრები არ ყავს. რამდენიმე საათში ვიდეო მილიონობით ადამიანმა ნახა, მათ შორის მსახიობებმა, მომღერლებმა და სპორტსმენებმა, რომლებმაც კიტონი გაამხნევეს და მხარდაჭერა გამოუცხადეს. კრის ევანსი: "გამაგრდი, კიტონ. არ მისცე მათ უფლება, გაგაბოროტონ. გპირდები, ყველფერი უკეთესობისკენ შეიცვლება. სანამ ის უღირსი ადამიანები სკოლაში გადაწყვეტენ, როგორი ადამიანები უნდათ რომ იყვნენ, ხომ არ გსურთ შენ და დედაშენი "შურისმაძიებლების" პრემიერაზე მოხვიდეთ ლოს ანჯელესში მომავალ წელს?" სნუპ დოგი: "მითხარი, პატარა ბიჭო, გინდა ჩემი მეგობარი იყო? და ჩვენ დავამტკიცებთ, რომ სიძულვილის დამარცხების ერთადერთი გზა სიყვარულია". მარკ რუფალო: "ეს ახალგაზრდა კაცი ჩემი გმირიც არის. ბავშვებმა იციან, სინამდვილეში რა არის სწორი. მე და დონ ჩედლს გვსურს ეს ჯენტლმენი Infinity War-პრემიერაზე მოვიწვიოთ". მილი ბობი ბრაუნი: "კიტონ, ის, რასაც ამბობ, ძალიან ზუსტია. რატომ აკეთებენ ადამიანები ამას? ვფიქრობ, რომ ძალიან მაგარი ხარ, კიტონ. მინდა, რომ შენი მეგობარი ვიყო. შენ საოცარი ხარ". ჯასტინ ბიბერი: "შენ მეგობარი გყავს ჩემი სახით, პატარა ძმაო, მომწერე პირადად და ვისაუბროთ, მიყვარხარ, მეგობარო". ლებრონ ჯეიმსი: "მჩაგვრელები პირდაპირი გაგებით იდიოტი, ბანალური, ლაჩარი სულელები არიან. თავი ამაყად გეჭიროს, კიტონ. შენ საუკეთესო ხარ". 14/12/2017
თანამედროვე დიზაინის მქონე საცხოვრებელი კომპლექსი „გრინჰილ რეზიდენსის“ მშენებლობა თითქმის დასრულებულია, უნიკალური დიზაინისა და ხედების მქონე კომპლექსი მობინადრეებს გამორჩეულ გარემოს და სერვისს სთავაზობს. „გრინჰილ რეზიდენსის“ პირობებსა და უპირატესობებზე ვნახოთ ჩვენი სიუჟეტი. სტუმარი : ლიკა ქარდავა, propertygeorgia.ge-ის დამფუძნებელი და მმართველი და მეგი სარიშვილი, "გრინჰილ რეზიდენსის" გაყიდვების და მარკეტინგის ხელმძღვანელი 14/12/2017
თევზისა და ზღვის პროდუქტების მოყვარულთათვის თბილისში ახალი რესტორანი „ანდროპოვის ყურები“ გაიხსნა. კვების ობიექტი, ვარდების მოედანზე მდებარე „რესპუბლიკის“ შენობაშ მესამე სართულზე განთავსდა და მის კონცეფციაზე ფრანგმა დიზაინერმა იზრუნა. გახსნით ღონისძიება გუშინ გაიმართა და მოსულ სტუმრებს მიშელინის ვარსკვლავის მფლობველი რესტორნის შეფები უმასპინძლდებოდნენ. უფრო მეტი დეტალი რესტორნის შესახებ, ვნახოთ მარიამ ადამიას სიუჟეტში. სტუმარი: გიორგი მარრი, "სილქ როუდ ჯგუფის" უძრავი ქონების პროექტების განვითარების ხელმძღვანელი 14/12/2017
ბოლო წლებია საქართველოს სამშენებლო სექტორი წარმატებით იზრდება. 2008-2009 წლებში მთელ მსოფლიოში და საქართველოშიც ფინანსური კრიზისმა პირველ რიგში სამშენებლო სფერო დააზარალა. უნდა გავითვალიწინოთ იმ ფაქტს, რომ ბოლო 9 წლის მანძილზე ამ სფერომ არაერთი დაბრკოლება გადალახა და კვლავ აგრძელებს ზრდას და რიცხვების მიხედვით, აღმავლობის ეტაპი გრძელდება. საქართველოს სტატისტიკის სამსახურის ინფორმაციით, 2017 წლის II კვარტალში მთლიანი შიდა პროდუქტის მაჩვენებელმა მიმდინარე ფასებში 9 066,1 მლნ. ლარი შეადგინა. წინა წლის შესაბამისი კვარტალის მიმართ მთლიანი შიდა პროდუქტის რეალური ზრდა 4,7 პროცენტის დონეზე დაფიქსირდა, ხოლო დეფლატორი გაიზარდა 5,9 პროცენტით. ასეთ დროს მშენებლობის ხარისხი და საერთაშორისო სტანდარტების გათვალისწინება განსაკუთრებით მნიშვნელოვანი პირობაა. რამდენად მნიშვნელოვანია საერთაშორისო სტანდარტების შესაბამისად მშენებლობის პროცესების წარმართვა; რა სარგებელს იღებს სამშენებლო კომპანია საერთაშორისო სტანდარტების შესაბამისად მუშაობის პროცესში და რა ეტაპებს გადის კომპანია სტანდარტების დანერგვამდე ამ თემებზე ისაუბრებენ სტუმარი: ელგუჯა მელაზე, შპს "მენეჯმენტის სისტემების" დირექტორი და დავით ლაცაბიძე, "ახალი სამშენებლო კომპანიის" (NCC) დირექტორი 14/12/2017
ყველა განვითარებულ ქვეყანაში ძალიან მნიშვნელოვანია თუ როგორი საკრედიტო ისტორია აქვს ადამიანს. სწორედ ამ კუთხით ქართულ ბაზარზე 2005 წლიდან კომპანია კრედიტ ინფო თავის მომსახურების პაკეტს ჩემს კრედიტ ინფოს მომხმარებლებს სთავაზობს.რა უპირატესობებს სთავაზობს მომხმარებლებს კრედიტ ინფო ვნახოთ სიუჟეტში. სტუმარი - ლაშა ბაღათურია, "კრედიტინფოს" ბიზნესის განვითარების მენეჯერი 14/12/2017
ზღვის დონიდან 1800 მეტრზე მდებარე სოფელ ზესხოში კარტოფილის მეურნეობა ევროკავშირის პროექტ ენპარდის ფარგლებში დაიწყო.აღებული გრანტით კოოპერატივმა შეიძინა მეურნეობისთვის საჭირო აღჭურვილობა,რამაც შრომა ადგილობრივებს კიდევ უფრო გაუმარტივა.ქვემო სვანეთის ულამაზესი სოფლის და კოოპერატივის შექმნის პატარა ისტორია ვნახოთ ანუკა ჯოხაძის სიუჟეტში. 14/12/2017
ელექტროენერიგიის, ბუნებრივი აირისა და წყალმომარაგების სექტორში არსებული ტარიფების შესახებ ახალგაზრდა ფინანსიტთა და ბიზნესმენთა ასოციაციამ კვლევა ჩაატარა. კვლევის მიხედვით გამოიკვეთა, რომ ხშირად კომპანიები ხარჯების ტარიფში ასახვას ვერ ახერხებენ, რაც მათ განვითარებას აფერხებს. მარეგულირებელი კომისიის სატარიფო პოლიტიკის შესახებ დეტალები ვნახოთ თათია ჩაფიჩაძის სიუჟეტში. სტუმარი: ანდრია გვიდიანი, „ახალგაზრდა ფინანსისტთა და ბიზნესმენთა ასოციაციის“ ანალიტიკოსი 14/12/2017
Legatum Institute-ის კეთილდღეობის ინდექსი უნდა შემოგთავაზოთ, რომელშიც საქართველომ მსოფლიოს 149 ქვეყანას შორის 84-ე ადგილს იკავებს. სხვათა შორის გასულ წელთან შედარებით, საქართველოს პოზიცია რეიტინგში არ შეცვლილა. რეიტინგის მაჩვენებლები მსოფლიოს სხვადასხვა კვლევით ორგანიზაციებზე დაყრდნობით ჯამდება. მათ შორის: Gallup-ის, მსოფლიო ჯანდაცვის ორგანიზაციის, Freedom House-ისა და Fragile States Index-ის. რეიტინგში საქართველოს საუკეთესო შედეგები განათლებისა და სახელმწიფო მმართველობის კომპონენტში აქვს, ყველაზე ცუდი კი სოციალური კაპიტალის. საქართველოს შედეგები სხვადასხვა კომპონენტებში შემდეგია: ეკონომიკის ხარისხი - 95-ე. კრიტერიუმით იზომება ქვეყნის ეკონომიკის ღიაობა, მაკროეკონომიკური ინდიკატორები, ასევე ფინანსური სექტორის ეფექტურობა. ბიზნესკლიმატი - 70-ე. კრიტერიუმით იზომება ქვეყნის ბიზნეს გარემო, ინფრასტრუქტურა, ბარიერები ინოვაციების კუთხით და სამუშაო ძალის შესაძლებლობები. გასულ წელთან შედარებით, საქართველო აღნიშნულ რეიტინგში 4 პოზიციით ჩამოქვეითდა. სახელმწიფო მართვა - 52-ე. კრიტერიუმით იზომება ეფექტური მმართველობა, დემოკრატია და კანონის უზენაესობა. გასულ წელთან შედარებით, აღნიშნულ კრიტერიუმში საქართველომ პოზიცია 2 საფეხურით გაიუმჯობესა. განათლება - 58-ე. კრიტერიუმით იზომება განათლების ხარისხი და ადამიანური კაპიტალი და განთლებაზე ხელმისაწვდომობა. ჯანდაცვა - 90-ე. კრიტერიუმით იზომება ქვეყნის მოსახლეობის მენტალური და ფიზიკური ჯანმრთელობა, ჯანდაცვის ინფრასტრუქტურა და პრევენციული ზრუნვა. გასულ წელს ჯანდაცვის კომპონენტში საქართველო მსოფლიოში 96-ე ადგილზე იყო. უსაფრთხოება - 71-ე. კრიტერიუმით იზომება ქვეყნის ეროვნული და მოსახლეობის პიროვნული თავისუფლება. ბოლო ერთ წელში საქართველოს პოზიცია აღნიშნულ კრიტერიუმში 7 ადგილით გაუმჯობესდა. პირადი თავისუფლება - 87-ე. კრიტერიუმით იზომება სოციალური ტოლერანტობა და იურიდიული უფლებების დაცვა. სოციალური კაპიტალი - 140-ე. კრიტერიუმი მოიცავს სამოქალაქო აქტივობას სხვადასხვა ქვეყნაში. ბუნებრივი გარემო - 124-ე. კრიტერიუმი მოიცავს გარემოს დაცვისა და საფრთხეების პრევენციის ღონისძიებებს. საქართველო რეიტინგში ყველა მეზობელ ქვეყანას უსწრებს.
იმ ეკონომიკური ზრდით, რაც 2013-2016 წლებში საქართველოს ჰქონდა, ანუ საშუალოდ 3.4%-ით, საქართველო დღევანდელი ლიტვის სიმდიდრეს მხოლოდ 32 წლის შემდეგ დაეწევა. საერთაშორისო სავალუტო ფონდის მონაცემებით, 2017 წლის მდგომარეობით ყველაზე მდიდარი პოსტსაბჭოთა ქვეყანა ლიტვაა, რომლის მშპ ერთ მოსახლეზე $31,935 დოლარია. საქართველო ლიტვასთან შედარებით სამჯერ ღარიბია და მისი მშპ ერთ მოსახლეზე $10,644 დოლარს შეადგენს. საქართველო სიმდიდრით მხოლოდ 6 პოსტსაბჭოთა ქვეყანას ასწრებს, ესენია: უკრაინა, სომხეთი, ყირგიზეთი, მოლდოვა, ტაჯიკეთი და უზბეკეთი. ყველაზე ღარიბი პოსტსაბჭოთა ქვეყანა ტაჯიკეთია, რომლის მშპ ერთ მოსახლეზეც $3,131-ია. სხვაობა ლიტვასა და ტაჯიკეთს შორის $28,800 დოლარს აღემატება. IMF ქვეყნების ეკონომიკების შეფასებისას იყენებს მსიდველუნარიანობის გათანაბრების სპეციალურ მეთოდს ანუ PPP-ს (purchase power parity). გათანაბრების შემდეგ საქონლისა და მომსახურების ფასები ყველა ქვეყანაში უნიფიცირებული ხდება, რაც ამ ქვეყნების მონეტარული პოტენციალის უკეთ შეფასების საშუალებას იძლევა. სავალუტო ფონდის მონაცემებით, საქართველოსთვის ასე დათვლილი მშპ ერთ სულზე 2017 წელს დაახლოებით $10,644 დოლარია, ამ გათანაბრების გარეშე კი ეს მაჩვენებელი $4,123 დოლარია. 14/12/2017
გაერომ მომდევნო წლის მსოფლიოს ეკონომიკური ზრდის პროგნოზი გამოაქვეყნა. გაერთიანებული ერების ორგანიზაცია მიმდინარე წელს მსოფლიოში 3%-იან ზრდას ელოდება, რაც 2011 წლის შემდეგ ყველაზე მაჩვენებელია. გასული წლის პროგნოზი 2,4% იყო. 2018-2019 წლებში გაერო მსოფლიოში 3%-იან ეკონომიკურ ზრდას ელოდება. გაერთიანებული ერების ორგანიზაცია მომდევნო წელს საქართველოში 4,3%-იან ეკონომიკურ ზრდას ელოდება. გაეროს პროგნოზი რეგიონის ქვეყნებისთვის შემდეგია: აზერბაიჯანი - 1,8% ყაზახეთი - 3% რუსეთი - 1,9% თურქმენეთი - 1,8% უზბეკეთი - 6,4% სომხეთი - 3,8% ბელორუსი - 2% უკრაინა - 2,5% ტაჯიკეთ - 6% ყირგიზეთი - 5,8% და ეს არ არის სრული მონაცემები ანგარიშიდან, რომელიც გაერომ გამოაქვეყნა. გაეროს პროგნოზით მომდევნო წელს საქართველოში ინფლაციის მაჩვენებელი 3%-მდე შემცირდა. აზერბაიჯანში ინფლაციის მაჩვენებლის პროგნოზი 5.9%-ია, სომხეთში 2,9%, ხოლო რუსეთში 4,4%. გაეროს მონაცემებით, მიმდინარე წელს საქართველოში უმუშევრობის მაჩვენებელი 11.4% იყო, რაც დამოუკიდებელ სახელმწიფოთა თანამეგობრობის წევრ ქვეყნებთან შედარებით ერთ-ერთი ყველაზე მაღალი მაჩვენებელია. კერძოდ, სომხეთში უმუშევრობის მაჩვენებელი 16.6%-ია, აზერბაიჯანში 5.2%, ყაზახეთში 5.4%, ყირგიზეთში 7.7%, მოლდოვაში 4.4%, რუსეთში 5.8%, ტაჯიკეთში 2.3%, თურქმენეთში 8.6%, უკრაინაში 8.8%, ხოლო უზბეკეთში 5.0%. 14/12/2017
Golden State Warriors-მაც მოკლე ფილმი მოამზადა. არც მთლად მოკლეა, ჩვენში რომ დარჩეს 20 წუთზე მეტია სიუჟეტი რომელშიც Golden State Warriors-ის თვალით დანახული საქართველო ჩანს. დაუვიწყარი დღეები ჩემს ოჯახის წევრებთან, მეგობრებთან და საყვარელ ხალხთან ერთად. ასე ასათაურებს ზაზა ფაჩულია ვიდეოს, რომელიც ფეისბუქზე თავად განათავსა. და რომელშიც ჩემპიონთა თასის საქართველოში მოგზაურობა აღბეჭდეს. თასი ჩვენთვის იყო საინტერესო, საქართველოს დედაქალაქის, ღვინის და ქართული საკალათბურთო ისტორიის ამბებით კი იმედია კიდევ უფრო მეტს დავაინტერესებდით და ამისთვის მადლობა ზაზა ფაჩულია კიდევ ერთელ ნამდვილად ეკუთვნის. 13/12/2017
საქმიანობების გადანაწილება,საერთო ხარჯების შემცირება და წარმოების გაზრდა ეს ის პრიორიტეტებია რაც კოოპერატივის შექმნამ ხორგის სათბურებს შესძინა. პროდუქტი, რომელსაც მომხმარებელი ამ კოოპერატივისგან ღებულობს კიტრი და პამიდორია, რომელიც სამეგრელოში ხობის მუნიციპალიტეტში ადგილობრივებს მოჰყავთ.პროდუქტი კი რაც მთავარია ეკოლოგიურად სუფთაა.დეტალები ვნახოთ სიუჟეტში. 13/12/2017
სახელმწიფო აუდიტის სამსახურმა 2018-2022 წლებია განვითარების სტრატეგიის პრეზენტაცია გამართა. თავის მხრივ ეს სტრატეგია მიზნად ისახავს სახელმწიფო აუდიტის სამსახურის დამოუკიდებლობისა და ინსტიტუციურ გაძლიერებას, მაღალხარისხიანი აუდიტორული საქმიანობით სამსახურის როლის გაზრდას საჯარო ფინანსების მართვაში პარლამენტის, მთავრობის და საზოგადოების მეტ ჩართულობას, მმართველობითი სისტემის დანერგვას და თანამშრომელთა პროფესიულ განვითარებას. რამდენიმე წუთიან პრეზენტაციაში ჩატეული გეგმების შესრულების ამბიცია ირაკლი მექვაბიშვილმა მთავრობის წევრების, დიპლომატების და მედიის წინაშე დააფიქსირა. რისი ამბიცია აქვს და რა გზით აპირებს ამბიციური გეგმის განხორციელებას აუდიტის სამსახურის ხელმძღვანელი ამაზე ვისაუბრებთ მასთან. სტუმარი: ირაკლი მექვაბიშვილი, საქართველოს გენერალური აუდიტორი 13/12/2017
ამ წუთებში ექსპო ჯორჯიაში საქართველოს პრემიერ მინისტრი და ევროკავშირის ელჩი ენპარდის პროგრამის 4 წლიან შედეგებს შეაფასებენ. დღესვე იგეგმება ევროკავშირის მიერ სოფლის მეურნეობის სფეროს შემდგომი დაფინანსების გამოცხადებაც. 13/12/2017