ღამის შოუ სტუდიის იუმორისტული პროექტი. გადაცემის უნიკალურობას წამყვანები უზრუნველყოფენ, რადგან ისინი ყოველგვარი დაგეგმვისა თუ მომზადების გარეშე იუმორისტული კუთხით განიხილავენ სხვადასხვა თემას გადაცემის პირველ ბლოკში.
თემა შესაძლოა იყოს იმ კვირის აქტუალური ამბავი, რამაც იუმორისტების ყურადღება მიიპყრო, ან ზოგადსაკაცობრიო, ან მხოლოდ ქართული კულტურისთვის დამახასიათებელი ტრადიცია, მოვლენა, თუ ფენომენი, რის საფუძველზეც ირაკლი კაკაბაძე, დავით ლაბაძე, ირაკლი ვახტანგიშვილი და გიორგი ჯანელიძე ტელემაყურებელსა და მაყურებელს დარბაზში დეტალურ ანალიზს შესთავაზებენ.
გადაცემის მეორე ბლოკში მოწვეული სტუმარი მონაწილეობს. დარბაზში დამსწრენი კი გადაცემის მესამე ნაწილში ერთვებიან. მათ საშუალება ეძლევათ ნებისმიერ თემაზე წამყვანებს კითხვები დაუსვან, ან იუმორისტული ანალიზისათვის რაიმე თემა შესთავაზონ.
