კობი-გუდაურის განახლებული, რეაბილიტირებული გზა გაიხსნა. 20-კილომეტრიანი გზა რეგიონული განვითარებისა და ინფრასტრუქტურის მინისტრმა დავით ნარმანიამ და ენერგეტიკის მინისტრმა კახი კალაძემ გახსნეს. გახსნას აგრეთვე ესწრებოდნენ ფინანსთა მინისტრის მოადგილე გიორგი თაბუაშვილი, პრემიერის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე.
როგორც დავით ნარმანიამ ჟურნალისტებთან საუბრისას განაცხადა, აღნიშნული მონაკვეთი 1991 წლის შემდეგ არ შეკეთებულა, ახლა მოხდა მისი სრული რეაბილიტაცია და ფუნდამენტურად გაკეთდა. 20-კილომეტრიანი გზის რეაბილიტაცია 25 მილიონი ლარი დაჯდა.
სარეაბილიტაციო სამუშაოები სახელმწიფო სამშენებლო კომპანიამ ჩაატარა, ხოლო გვირაბების რეაბილიტაცია შპს "მამისონმა" განახორციელა.