ვლადიმერ სოლოვიოვი (1853-1900წწ) ცნობილი ისტორიკოსის ოჯახში დაიბადა. თავიდან ღრმად განსწავლული ფილოსოფოსი არ ყოფილა მართლმადიდებლობის ერთგული და კათოლიკური ეკლესიის დასაცავად წიგნიც დაწერა. თუმცა ცხოვრების რაღაც ეტაპზე გაეცნო მატერიალისტურ ლიტერატურას, რომელმაც ისეთი შთაბეჭდილება მოახდინა მასზე რომ ხატებიც კი გადაყარა ფანჯრიდან.
სიცოცხლის ბოლო წლებში ვლადიმერ სოლოვიოვის სულში მოხდა ცვლილებები და გარდაცვალებამდე რამოდენიმე თვით ადრე გამოსცა წიგნი: "სამი საუბარი და მოთხრობა ანტიქრისტეზე", რომელსაც ზოგიერთი მართლმადიდებელი უწოდებს სოლოვიოვის მონანიების წიგნს. ამ წიგნში მოცემულია რელიგიურ და პოლიტიკურ იდეებს შორის კამათი, რომელსაც მოსდევს მხატვრულად გააზრებული, მაგრამ ნაწილობრივ წმინდა მამებზე დაყრდნობით გადმოცემული აპოკალიფსისი. ჟანრობრივად წიგნი წარმოადგენს ლიტერატურულ-ფილოსოფიურ ნაწარმოებს.
ჩვენს მიერ შემოთავაზებული რადიო სპექტაკლი იმდენად მაღალ დონეზეა გაკეთებული, რომ იქმნება შთაბეჭდილება თითქოს კი არ უსმენ აუდიოს, არამედ უყურებ შესანიშნავ მხატვრულ ფილმს (გირჩევთ გადაწეროთ ტორენტიდან ან იუთუბიზე მოისმინეთ HD ხარისხით).
სპექტაკლის მოსმენის შემდეგ შეგიძლიათ ნახოთ გადაცემა "ბიბლიური სიუჟეტი", რომელშიც საუბარია სოლოვიოვის ამ ნაწარმოებზე, ასევე ცნობილი თეოლოგების პროფესორ ალექსი ოსიპოვის და პროტოდიაკონ ანდრია კურაევის კომენტარები.
P.S. ეს მოთხრობა არ წარმოადგენს ეკლესიის სწავლებას, ესაა მხატვრული ნაწარმოები, ანუ "კლასგარეშე" საკითხავი მასალა.