2015 წლის 1 იანვრიდან თამბაქოზე აქციზის გადასახადი ისევ ძვირდება. თამბაქოს გაძვირებით სახელმწიფო მწეველთა რაოდენობის შემცირებას ფიქრობს, ხოლო თამბაქოს იმპორტიორების ნაწილი თამბაქოს პროდუქციის გაძვირებას და კონტრაბანდის ზრდას ვარაუდობს. შემოსავლების სამსახურის სტატისტიკის მიხედვით, რომელიც 2014 წელს ქვეყანაში კონტრაბანდული გზით შემოსული თამბაქოს ეხება, იანვრიდან სექტემბრამდე საბაჟოს გვერდის ავლით შემოსულმა თამბაქოს ნაწარმმა 267 000 ღერი შეადგინა, რაც გასულ წელთან შედარებით 66 000 ღერით მეტია.