ევროკავშირთან დაახლოებასთან ერთად საქართველოს მწეველი მოქალაქეები უნდა შეეგუონ იმ აზრს, რომ ქვეყანაში სიგარეტი გაძვირდება. თამბაქოზე აქციზი ეტაპობრივად მოიმატებს, რაც თავის მხრივ სიგარეტზე ფასის ზრდას ნიშნავს. განცხადებები ამ პათოსით ბოლო დროს აქტიურად მუსირებს. გაზრდის თუ არა სიგარეტზე აქციზის გაძვირება კონტრაბანდას? – ამ თემაზე სასაუბროდ გადაცემის სტუმრები არიან დაავადებათა კონტროლის ეროვნული ცენტრის გენერალური დირექტორი ამირან გამყრელიძე და იურისტი ელზა ჯმუხაძე. ამირან გამყრელიძე: „გარკვეულად ეს უკავშირდება თამბაქოს ჩარჩო–კონვენციის რეგულაციებთან დაახლოებას, რომელსაც საქართველო მეირთებულია 2004 წლიდან. ამის შემდგ სამწუხაროდ მიუხედავად იმისა, რომ ქვეყანას მთელი რიგი ვალდებულებები ჰქონდა, უმრავლესობა არ სრულდებოდა. მისი ახალ ციკლში გადასვლა მოხდა შარშან მარტში, როდესაც პრემიერის ინიციატივით შეიქმნა სახელმწიფო კომისია და გამკაცრდა რეგულაციები თამბაქოს კონტროლთან დაკავშირებით.“