საქართველოს რეგიონული განვითარებისა და ინფრასტრუქტურის მინისტრი, დავით შავლიაშვილი და მუნიციპალური განვითარების ფონდის დირექტორი, გიორგი ამაშუკელი ურბანული განვითარების დარგში აზიის განვითარების ბანკის წარმომადგენლებს შეხვდნენ. აღნიშნულ შეხვედრაზე საუბარი შეეხო იმ ინფრასტრუქტურული პროექტების მიმდინარეობას, რომელსაც სამინისტრო ქვეყანაში მათი ფინანსური მხარდაჭერით ახორციელებს. დონორი ორგანიზაციის წარმომადგენლები დაინტერესდნენ რუსთავი-თბილისის ჩქაროსნული ავტომაგისტრალის მშენებლობის მიმდინარე პროცესით. ასევე, ანაკლიისა და ბათუმის ნაპირსამაგრი სამუშაოებით, საქართველოში მდგრადი ურბანული ტრანსპორტის განვითარების მიმართულებით გადასადგმელი ნაბიჯებითა და სხვა მნიშვნელოვანი პროექტებით.
მსოფლიოში ერთ-ერთი ყველაზე მსხვილი დონორი ორგანიზაციის წარმომადგენლებმა ქართული მხარის მიერ სხვადასხვა ინფრასტრუქტურული მიმართულებით გაწეული საქმიანობა დადებითად შეაფასეს და სამომავლო თანამშრომლობის კიდევ უფრო გაღრმავების სურვილი გამოთქვეს.