აზიის განვითარების ბანკმა საქართველოში ორი მნიშვნელოვანი საგზაო პროექტის - ბათუმის შემოვლითი გზისა და ხარაგაული-ჩუმათელეთის მიმართულების დაფინანსების შესახებ დადებითი გადაწყვეტილება მიიღო.

ჯამში, ორივე მიმართულების გზის მშენებლობისთვის 230 მილიონი დოლარი გამოიყოფა.

აზიის განვითარების ბანკის ვიცე-პრეზიდენტთან და ამავე საფინანსო ორგანიზაციის გენერალურ დირექტორთან, შეხვედრა იაპონიაში დიმიტრი ქუმსიშვილის სამუშაო ვიზიტის ფარგლებში შედგა. მინისტრი აზიის განვითარების ბანკის წლიურ შეხვედრაში მონაწილეობს.