მთავრობა მთის განვითარების ფონდს შექმნის. როგორც ცნობილი გახდა, აღნიშნულს მაღალმთიანი რეგიონების შესახებ კანონპროექტი ითვალისწინებს, რომელზეც მუშაობა, სავარაუდოდ, თებერვლის ბოლოს დასრულდება. საქართველოს რეგიონული განვითარებისა და ინფრასტრუქტურის მინისტრის მოადგილის, თენგიზ შერგელაშვილის განცხადებით, მთიან რეგიონებში ეკონომიკური აქტივობის წასახალისებლად და საცხოვრებელი პირობების გასაუმჯობესებლად განიხილება როგორც საგადასახადო, ისე სოციალური შეღავათების შემოღება.