საქართველოს რეგიონული განვითარებისა და ინფრასტრუქტურის მინისტრის მოადგილის, თენგიზ შერგელაშვილის განცხადებით, მთის კანონპროექტზე მუშაობა დასრულებულია და პარლამენტს განსახილველად 2 კვირაში გადაეგზავნება. მომზადებული კანონპროექტის თანახმად, მთიანი რეგიონების განვითარების მიზნით, დაწესდება სხვადასხვა სახის შეღავათები როგორც მთაში მცხოვრებთათვის, ისე საწარმოებისა და ფერმერებისათვის. მაგალითისთვის, იმ საწარმოს, რომელსაც "მთის საწარმოს" სტატუსი მიენიჭება, მოეხსნება მოგებისა და ქონების გადასახადი. აგრეთვე, შეიქმნება „მთის განვითარების ფონდი“ და საბჭოს წევრები მიიღებენ გადაწყვეტილებას დამატებითი პროგრამების შესახებ.