☛ დღეს ჩემპიონთა ლიგის 1/8 ფინალური ეტაპის განმეორებითი შეხვედრები გაიმართა. ლონდონის “ჩელსიმ” საკუთარ მოედანზე “პსჟ”-ს უმასპინძლა და ძალიან საინტერესო, დაძაბული და დრამატული მატჩი ვიხილეთ. 31-ე წუთზე ზლატან იბრაჰიმოვიჩი მსაჯმა უხეშობისთვის გააძევა, თუმცა, ძალიან ბევრი გულშემატკივარი ამას არასწორ გადაწყვეტილებად მიიჩნევდა. მეორე ტაიმში ყველა “ჩელსის” აქტიურობას ელოდა, მაგრამ პარიზელებმა მეტოქეს არაფერი არ დაუთმეს და რიგ ეპიზოდებში “არისტოკრატები” აშკარად დაჩაგრეს.

ფრანგებისთვის სამწუხაროდ, მათი აქტიურობა გოლით არ დასრულდა, რითაც 81-ე წუთზე ტიმ კეჰილმა ისარგებლა და ანგარიში გახსნა. თითქმის ყველა ლონდონელების ადვილ გამარჯვებას პროგნოზირებდა, მაგრამ 86-ე წუთზე კლუბის ყოფილმა ფეხბურთელმა, დავიდ ლუიზმა გაათანაბრა. ძირითადი დრო 1-1 დასრულდა.

დამატებით დროში თამაშში დიდიერ დროგბა გამოჩნდა. 96-ე წუთზე ტიაგო სილვას საჯარიმოში ბურთი ხელზე მოხვდა და, შესაბამისად, პენალტი დაინიშნა. ედენ აზარმა თერთმეტ მეტრიანი აუღელვებლად დაარტყა და კლუბი დააწინაურა.

თითქოს ყველაფერი კვლავ “ჩელსის” მოგებით უნდა დასრულებულიყო, მაგრამ კვლავ სტანდარტიდან გაუშვა ტიბო კურტუამ გოლი. შესანიშნავი დარტყმა განახორციელა ტიაგო სილვამ და გოლკიპერს შანსი არ დაუტოვა.
შეხვედრაში მეტი გოლი აღარ გასულა. “პსჟ” შემდეგ ეტაპზე გავიდა (!!!)

☛ ჩელსი 2-2 პსჟ


გოლები: კეჰილი (1-0 '81) – ლუიზი (1-1 '86) (დამ.-დროში აზარი (2-1 '95) – ტიაგო სილვა (2-2' 113)