- ეროვნული ბანკის სავალუტო აუქციონზე ლარის ახალი გაცვლითი კურსი დადგინდა, ეროვნული ვალუტა დღეს ნოლი მთელი რვა მეასედი თეთრით გასული 16 წლის მინიმუმადე გაუფასურდა. ხვალ ერთი ამერიკული დოლარი 2 ლარი და 28ნახევარი თეთრი ეღირება. ბოლოს ეროვნული ვალუტა ასეთი გაუფასურებული 1999 წლის მარტში იყო. ევროსთან მიმართებით კი ეროვნული ვალუტა 0.13 თეთრით გაუფასურდა, ხვალ ერთი ევრო 2 ლარი და 47 თეთრი ეღირება. ლარის გაუფასურების მთავარი მიზეზი ექსპორტის, ტურიზმისა და ფულადი გზავნილების კლებაა.

- ლარის გაუფასურების შესახებ კიდევ ერთი საკომიტეტო მოსმენა გაიმართება - სხდომის თარიღი ჯერ-ჯერობით უცნობია. წინა საკომიტეტო მოსმენა მარტში გაიმართა, რომელზეც მთავრობამ კრიზისიდან გამოსვლის გეგმა წარადგინა. ეკონომიკის მინისტრი მაშინ ამბობდა, რომ სავალუტო კრიზისიდან გამოსვლისთვის სახელმწიფო პრივატიზაციის ახალ ტალღას დაიწყებდა.

- დღეს საწვავის ფასი გაიზარდა. ნავთობიმპორტიორებმა საწვავის ფასი ლიტრზე საშუალოდ 5 თეთრით გაიზარდეს. ლუკოილის ქსელში ყველა დასახელების საწვავის ფასი 5 თეთრით გაიზარდა. ეკონომ პროდუქტებზე ახალი ფასი 1.73 და 1.78 შეადგენს, ხოლო შედარებით ძვირადღირებული საწვავის ფასი კი 1.89 თეთრია.

- შინაგან საქმეთა სამინისტროს მტკიცებით გასულ 3 თვეში ქვეყანაში დანაშაულის რაოდენობამ იკლო - ამ ტიპის სტატისტიკის გამოქვეყნებას უკვე გამოეხმაურნენ ოპოზიციაში, მათი უმრავლესობა ამ სტატისტიკას არ ენდობა. შსს-ს მონაცემებით, სამეწარმეო დანაშაული 600% ით გაიზარდა, გასულ წელს მსგავსი ფაქტი არ მომხდარა. 2015 წელს კი 6 მსგავსი შემთხვევა დაფიქსირარდა, მათგან 2 საქმე გახსნილია. დანაშაულის კიდევ ერთი სახე, რომელიც გასული წლის სტატისტიკაში არ ფიქსრიდებოდა და წელს 5 შემთხევა მოხდა, ტერორიზმია.