მთავარი პროკურატურა ტელეკომპანია ‘’იბერიის’’ საქმეს გახსნილად აცხადებს. პასუხისგებაში მიეცა საქართველოს ყოფილი პროკურორი ზურაბ ადეიშვილი და მისი ყოფილი მოადგილე გიორგი ლაცაბიძე. საქმის დეტალებზე პროკურატურაში დღეს ვრცელი განცხადება გაკეთდა და შესაბამისი განცხადებაც გავრცელდა, თუმცა დღეს პროკურატურაში არავის უსაუბრია ქონდა თუ არა კავშირი იბერიას საქმესთან მაშინდელ მთავარ პროკურორს ირაკლი ოქრუაშვილს და რის შემდეგ დაუბრუნა პატარკაციშვილების ოჯახმა იბერიის ყოფილი ლიცენზია მის მფლობელებს. ტელემაუწყებლობის ლიცენზია 2012 წლის 12 თებერვალს შპს ‘’ჯორჯიან მედია ფროდაქშენ გრუპს’’ იოსებ მგელაძემ გადასცა. ძიების მიხედვით მგელაძე ადეიშვილთან დაკავშირებული პირია. მგელაძეს თავისმხრივ გამოძიების ვერსიით ფიქტიური ხელშეკრულებით ლიცენზია კომუნიკაციების მარეგულირებელი ეროვნული კომისიის ყოფილი ხელმძღვანელის დიმიტრი ქიტოშვილის მეგობარმა ბიძინა ნიჟარაძემ გადასცა. თუმცა როგორც უკვე გითხარით ამ საქმეში ოქრუაშვილის მონაწილეობაზე და პატარკაციშვილების მიერ ოქუაშვილებისთვის ტელემაუწყებლობის ლიცენზიის დაბრუნებაზე არაფერია ნათქვამი.