► ბაღდადში მოქალაქეებმა სანთლები დაანთეს ტერქტში დაღუპულთა მოსახსენიებლად - რამადანის დასრულების ღამეს, აფეთქებას 200-ზე მეტი ადამიანი ემსხვერპლა;

► ბანგლადეშის დედაქალაქ დაკაში, სპეცრაზზმა შტურმის შედეგად გაათავისუფლა შეარაღებული ტერორისტების მიერ ქალაქის ე.წ. დიპლომატიური რაიონის ერთ-ერთ კაფეში აყვანილი მძევლები - ტერაქტს 28 ადამიანი, მათ შორის იტალიის, იაპონიის, ინდოეთისა და ამერიკის მოქალაქეები ემსხვერპლნენ;

► თურქეთის სახელმწიფო მედიის ინფორმაციით, 13 ადამიანი, რომლებიც სტამბულის აეროპორტში მომხდარ ტერორისტულ აქტთან დაკავშირებით დააპატიმრეს, სასამართლოში გადაიყვანეს. დაკავებულებს შორის უცხო ქვეყნის 3 მოქალაქეა. ტერაქტს 44 ადამიანი ემსხვერპლა;

► გამოძიების ფედერალურმა ბიურომ ამერიკის დემოკრატიული პარტიის პრეზიდენტობის კანდიდატი ჰილარი კლინტონი დაკითხვაზე დაიბარა - გამოძიებამ უნდა დაადგინოს, დაარღვია თუ არა კლინტონმა კონფედენციალური ინფორმაციის გამოყენების წესები პირადი ელექტრონული ფოსტის სერვერის გამოყენებისას;

► პროტესტი "ბრექსიტს" - ლონდონში საპროტესტო მარშზე 40 ათასი ადამიანი შეიკრიბა, დემონსტრანტები რეფერენდუმის შედეგების გადახედვას მოითხოვენ;

► ლიბიაში, გაეროს მხარდაჭერით მოსარგებლე ეროვნული ერთობის შეიარაღებულმა დაჯგუფებებმა განაახლეს შტურმი ქალაქ სირტზე, რომელიც ლიბიაში ე.წ. ისლამური სახელმწიფოს ერთ-ერთ მთავარ ანკლავს წარმოადგენს.