#თურქეთისმოვლენები
► „ვირუსისგან გაწმენდა“ - თურქეთში სამხედრო გადატრიალებასთან კავშირის ბრალდებით 8000-მდე პოლიციელი, ასევე 6000-მდე სამხედრო და სასამართლო უწყებების წარმომადგენელია დაკავებული;
► პენტაგონმა დაადასტურა, რომ თურქეთმა გახსნა საჰაერო სივრცე ამერიკული თვითმფრინავებისთვის სამხედრო ბაზა „ინჯირლიკის“ თავზე. ბაზის მეთაური გენერალი ბაკირ ერკან ვანი, თერთმეტ სხვა მაღალჩინოსანთან ერთად, სამხედრო გადატრიალების მოწყობისთვისაა დაკავებული;
► სომხეთში მძევლების გათავისუფლების შემდეგ, 200-მდე ადამიანია დაკავებული. ტერორისტები დაკავებული ოპოზიციონერის, ჟირაირ სეფილიანის გათავისუფლებას მოითხოვდნენ;
► ვენესუელამ მეზობელ კოლუმბიასთან ჩაკეტილი საზღვარი გახსნა, რის შემდეგაც ვენესუელას ათასობით მოქალაქემ დაიწყო კოლუმბიაში გადასვლა საკვებისა და მედიკამენტების შესაძენად;
► უზარმაზარი ცეცხლის ალი ავარდა ყირიმში, დასახლება პოპოვკაში, სადაც, ტრადიციულად, ცნობილი ზაფხულის ფესტივალი „კაზანტიპი“ იმართება ხოლმე;
► სამხრეთ კორეის პრეზიდენტი ოფიციალური ვიზიტით მონღოლეთის დედაქალაქ ულან ბატორში ჩაფრინდა, სადაც მას მონღოლეთის პრეზიდენტმა საზეიმო დახვედრა მოუწყო.