საქართველოს კომუნიკაციების ეროვნულმა კომისიამ 18 ივლისს სატელევიზიო აუდიტორიის კვლევაზე ორი ტენდერი გამოაცხადა. ტენდერის შედეგები ჯერჯერობით ცნობილი არაა, თუმცა მასში მაღალი ალბათობით კომპანია ტრიმედია ინტელიჯენსი გაიმარჯვებს. ამის მიზეზი ტირმედიას მიერ ტენდერზე შეთავაზებული ფასია, რაც თავად კომიის მიერ განსაზღვრულ სავარაუდო ფასთან შედარებით 28-ჯერ ნაჯკლებია და მხოლოდ 1000 ლარს შეადგენს. ასეთი დაბალი ფასი ტენდერში მონაწილე მეორე კომპანიის TVMR საქართველოს დირექტორისთვის, ნინო გოგოლაძისთვის, კითხვის ნიშნებს ბადებს. გოგოლაძე ტაბულასთან საუბარში ამბობს, რომ თვეში 142 ლარად ტელეკომპანიების რეიტინგების წარმოება საეჭვო ბიზნეს გათვლაა, რადგანაც ამ სერვისის წარმოებას გაცილებით მეტი თანხა სჭირდება. თავად TVMR მომსახურების საფასურად კომისიას 12 ათას ლარს სთავაზობს.