მადრიდის "რეალი" განაგრძობს "ოსასუნასთან" შეხვედრისთვის მზადებას. აღსანიშნავია რომ გუნდთან ერთად ვარჯიში დაიწყეს პორტუგალიელმა კრიშტიანუ რონალდუმ და ფრანგმა კარიმ ბენზემამ.

ზინედინ ზიდანმა ვარჯიშზე თავის გამოჩენის საშუალება რამოდენიმე კასტილიელსაც (რეალ მადრიდ ბ) მისცა. სერხიო დიასმა, სეოანემ, ფედერიკო ვალვერდემ, ბორხა სანჩესმა, ალვარო ტეხედომ, ნიკოს ვერგოსმა და მთავარი მწვრთნელის შვილმა ენცო ზიდანმა ძირითად გუნდთან ერთად ივარჯიშეს.

მეკარეებს შეუერთდა კეილორ ნავასიც, რომელმაც კიკო კასილასთან და რუბენ იანესთან ერთად ივარჯიშა. აღდგენით ვარჯიშებს განაგრძობს პორტუგალიელი მარცხენა მცველი ფაბიო კოენტრაო, რომელიც მედიკოსთა და ფიზ-მომზადების მწვრთნელის მეთვალყურეობის ქვეშ ვარჯიშობს. ფიტნესს დარბაზში განცალკევებით ივარჯიშა ისკომ.