„რაგბი ჩემპიონშიპის“ მე-5 ტურში, ახალმა ზელანდიამ არგენტინის ეროვნულ ნაკრებს იოლად, პრემიალური ქულით 36:17 მოუგო.

„ოლ ბლექსი“ არგენტინაში ექპერიმენტალური შემადგენლობით ჩავიდა და მეტოქეს მატჩის ბედი პირველი ტაიმის დამთავრებამდე 4 წუთით ადრე გადაუწყვიტა, როდესაც 3 ლელო დაუდო.

ახალ ზელანდელთაგან ბურთის დამიწება ენტონ ლინერტ-ბრაუნმა, რაიან კროტმა, დენ კოულსმა, ტი-ჯეი პერენარამ და ბენ სმიტმა შეძლეს, ხოლო მასპინძლებიდან ფაკუნდო ისასამ და ხოაკინ ტუკულეტიმ უპასუხა.

„4 ერის“ გათამაშებას ახალი ზელანდია 25 ქულით ლიდერობს და 8 ოქტომბერს სამხრეთ აფრიკაში ეცდება ტურნირის ქულათა მაქსიმუმით დასრულებას, ხოლო არგენტინის ნაკრები ავსტრალიას უმასპინძლებს და ქულათა სასურველი ანგარიშით გამარჯვების შემთხვევაში მეტოქეს მე-3 ადგილიდან ჩამოაქვეითებს.

#სპორტი