საქართველოს კონსტიტუციაში ცვლილებების შეტანის მიზნით სპეციალური სამუშაო ჯგუფის შექმნის ინიციატივა პრემიერმა მთავრობის გუშინდელ სხდომაზე გააჟღერა. პრემიერის ინიციატივას პრეზიდენტის გამოხმაურება მოჰყვა. გიორგი მარგველაშვილის ადმინისტრაციის უფროსი აცხადებს, რომ პრეზიდენტი მზადაა, დააფუძნოს სამუშაო ჯგუფი. პოლიტიკური სუბიექტები ვერ თანხმდებიან, სად და ვისი მონაწილეობით უნდა შეიქმნას ახალი კომისია და მიიღებენ თუ არა თავად ამ ჯგუფის მუშაობაში მონაწილეობას. თავისუფალი დემოკრატების აზრით, კონსესუსისთვის ჯგუფის მუშაობაში პრეზიდენტის ჩართვაა აუცილებელი. ნინო გოგუაძის განცხადებით, სპეციალურ კომისიაში მონაწილეობის საკითხს მას შემდეგ გადაწვეტენ, რაც გაირკვვა, რა საკითხებზე იმუშავებს ეს კომისია. ერთმანეთისგან განსხვავებული პოზიცია აქვთ რესპუბლიკურ პარტიაში, ვახტან ხმალაძე მზად არის კომისიის მონაწილეობაში ჩაერთოს, პარტიის თავმჯდომარე ხათუნა სამნიძე კი აცხადებს, რომ ინიციატივა უბრალო პიარია და ახალი კომისიის მუშაობაში მონაწილების აზრს ვერ ხედავს. ნაციონალურ მოძრაობაში კი მიაჩნიათ რომ საკონსტიტუციაო ცვლილებები პოლიტიკური მანიპულაციებისთვის იქნება გამოყენებული