26 ოქტომბერს საქართველოს კომუნიკაციების ეროვნული კომისიის თავმჯდომარემ ვახტანგ აბაშიძემ "სატელეკომუნიკაციო შეხვედრის“ რიგით მეშივიდე კონფერენციაში მიიღო მონაწილეობა.
კონფერენცია ყოველწლიურად Telecom Meeting in Georgia-ს ორგანიზებით იმართება საქართველოში. ღონისძიების მხარდამჭერი, საქართველოს ეკონომიკისა და მდგრადი განვითარების სამინისტროსთან ერთად, საქართველოს კომუნიკაციების ეროვნული კომისიაც არის.
კონფერენციას ესწრებიან მცირე, საშუალო და მსხვილი ორგანიზაციები - აღმოსავლეთ და დასავლეთ ევროპიდან, ასევე კავკასიის რეგიონიდან. მათ შორის, ისეთი გავლენიანი კომპანიები, როგორიცაა „დოიჩე ტელეკომი“, „თურქ ტელეკომი“, „ტელია-სონერა“, „ტატა ქომუნიქეიშენს“, „ორინჯ“, „ტელეკომ იტალია“, „ოტე გლოუბი“ და სხვა.
„სატელეკომუნიკაციო შეხვედრების“ (TMG) მიზანია, საერთაშორისო კომპანიებმა უკეთ გაიცნონ საქართველოს ტელესაკომუნიკაციო ბაზარი და საკუთარი საქმიანობის გაფართოვებისა, თუ ქვეყანაში ინვესტიციების განხორცილების მიზნით, ახალი ურთიერთობა დაამყარონ ან გააღრმავონ არსებული კავშირები ადგილობრივ კომპანიებთან.