სახელმწიფო მინისტრმა ვიქტორ დოლიძემ „კიევის ტრანსატლანტიკური დიალოგების“ კონფერენციაში მიიღო მონაწილეობა.
მინისტრმა აღნიშნა, რომ საუბარი შეეხო ისეთ საკითხებს, როგორიცაა ჰიბრიდული ომი და კიბერუსაფრთხოება. სახელმწიფო მინისტრი სიტყვით გამოვიდა სესიაზე: „კიბერ და საინფორმაციო ომი - კონფლიქტთან გამკლავების ახალი გზები - კიბერ და საინფორმაციო საშუალებები”.
დისკუსიის მონაწილეებმა რეგიონსა და ზოგადად, მსოფლიოში უსაფრთხოების კუთხით არსებულ ვითარებაზე, თანამედროვე გამოწვევებზე, არატრადიციული საფრთხეების იდენტიფიცირების მნიშვნელობასა და ბრძოლის საშუალებებზე იმსჯელეს.
საერთაშორისო კონფერენცია „კიევის ტრანსატლანტიკური დიალოგები“ ამერიკის შეერთებული შტატების გერმანიის მარშალის ფონდის ორგანიზებით გაიმართა.