ზედიზედ 3 მოუგებელი მატჩის შემდეგ, ბუნდესლიგის მე-12 ტურის შეხვედრაში ნავსი გატეხა მიუნხენის "ბაიერნმა" და "ბაიერი" 2:1 დაამარცხა. თუმცა, ისიც უნდა ითქვას, რომ "ბაიერნს" გაუმართლა.
ანგარიში ტიაგო ალკანტარამ 30-ე წუთზე გახსნა. გამარჯვების გოლი კი, 56-ე წუთზე მატს ჰუმელსმა გაიტანა.
83-ე წუთზე ფოლანდმა რომ ვერ გაიტანა, ეს ხავი მარტინესის დამსახურება იყო. ოღონდ, ესპანელმა ხელი გამოიყენა, რაც მსაჯმა ვერ დაინახა. წესით, მარტინესი უნდა გაეძევებინათ და "ბაიერნის" კარში პენალტი უნდა დანიშნულიყო.
ჰაქან ჩალჰანოღლუს გოლის დროს კიდევ ერთხელ დამტკიცდა, რომ ბავარიელებს დაცვაში პრობლემები აქვთ. ფაქტია: ბოლო 12 ოფიციალური მატჩიდან, "ბაიერნმა" მხოლოდ ერთში შეინახა კარი მშრალად.
#სპორტი
www.europe-bet.com