"ინფორმაციის განვითარების ინსტიტუტმა" საკონსტიტუციო სასამართლოს სარჩელით მიმართა. არასამთავრობო ორგანიზაცია მიიჩნევს, რომ გადაწყვეტილებების ხელმისაწვდომობის არსებული რეგულირება ეწინააღმდეგება კონსტიტუციის მოთხოვნებს.
მათი თქმით, გასაჩივრებული ნორმები განსაზღვრავს საჯარო დაწესებულებებიდან პერსონალური მონაცემების შემცველი დოკუმენტაციის, მათ შორის, საერთო სასამართლოს გადაწყვეტილების გამოთხოვის წესს.
რეგულაციების თანახმად, პერსონალური მონაცემების შემცველი სასამართლო გადაწყვეტილებათა გასაჯაროება დაუშვებელია, თუ განმცხადებელი პირდაპირ ან ირიბად შეძლებს, მიიღოს ინფორმაცია იმ პირებზე, ვის მიმართაც ეს გადაწყვეტილება არის გამოტანილი.
ორგანიზაცია აცხადებს, რომ კონსტიტუციის თანახმად, სასამართლო სხდომები არის საჯარო და შეიძლება დაიხუროს მხოლოდ გამონაკლისის შემთხვევაში.
არსებული კანონმდებლობა კი კონსტიტუციის საპირისპიროდ კრძალავს პერსონალური მონაცემების შემცველი გადაწყვეტილების გაცემას იმ შემთხვებშიც კი, როდესაც გადაწყვეტილება საჯარო სხდომის შედეგად არის მიღებული.
მესამე სექტორი აცხადებს, რომ ამ რეგულაციის გამო მათ ვერ ეძლევათ საშუალება, რომ სასამართლოს გადაწყვეტილებებს გაეცნონ.