#ახალიამბები
საქართველოს მთავრობამ საკონსტიტუციო სასამართლოს სარჩელით მიმართა. მოსარჩელე ელჩებისა და დიპლომატიური წარმომადგენლობის ხელმძღვანელების დანიშვნასა და გათავისუფლებასთან დაკავშირებით, საქართველოს პრეზიდენტსა და საქართველოს მთავრობას შორის უფლებამოსილებების გამიჯვნის თაობაზე, განმარტებას ითხოვს. მოქმედი კონსტიტუცია საპარლამენტო მმართველობის სისტემას ადგენს. ამ სისტემაში, აღმასრულებელი ხელისუფლების ერთადერთი უმაღლესი ორგანო საქართველოს მთავრობაა, რომელიც საქართველოს კონსტიტუციის 54-ე მუხლის პირველი პუნქტის თანახმად, „ახორციელებს ქვეყნის საშინაო და საგარეო პოლიტიკას". მთავრობა თვლის, რომ პრეზიდენტის მიერ ელჩების დანიშვნისა და გათავისუფლების თაობაზე წარდგინებების უარყოფა მის კონსტიტუციურ უფლებამოსილებას არ წარმოადგენს.